معشوقتي كيف السبيل الى وصالك ؟؟ - الصفحة 4

ليمونه حزينه · 16-10-2017, 02:46 AM

اقتباس : المشاركة الأصلية كتبت بواسطة نانا ابو عابد

ماشاء الله

اسلوب قريب ورائع نشعر اننا معاكي .. احييكي

السفر المفاجىء احلى شي ...

متابعة هنا وفي السناب ...

هلا والله بالي متابعيني بكل مكان احبكم جذي وايد

اسلوب قريب وعجيب وناسه احب القريب واحب البعيد احلا شي اني اعيشكم بأجواء وتفاصيل رحلتي وكأنكم معي ببلاش

وجودج باليوميات ومتابعتج لي للمره الثانيه سعاده شكرا لج

نانا ابو عابد و الايمان معجبون بهذا.

هاني التميمي · 16-10-2017, 11:38 AM

متابعين متابعين متابعين
وبس

نانا ابو عابد و ليمونه حزينه معجبون بهذا.

ليمونه حزينه · 17-10-2017, 06:23 AM

صباح الخير صباح النور

الصوره الي فوق بالضبط تمثلني وهذا يكون حالي اول ما اشوف سماء تايلاند يايما ياقلبي ترد روحي الي كانت ضايعه طبعا مع نفس عميييييق اخذه من اول ما اوصل عشان خلاص كل شي فيني يكون تايلاندي لاتلوم القلب يوم انه عشق

‏
ليت الزمن في محبتك ،،،، مآ خذلني
‏وليت آلهجر من طيب خآطرك ورضآك

طبعا تايلاند فيها من الكافيهات المتنوعه والعديده والمختلفه والغاليه والرخيصه والتايلاندي والكوري والياباني والهندي واخر شي الكرك الخليجي المشهور احم احم تقليد مو نفس الي عندنا بس كلش كلش عاااادي تخلي كل الكافيهات وتروح عند الي يحبه قلبك ماكدونالدز

الحين ابي اتكلم على اهم نقطه والكل يحرص عليها بعد ما ياخذ الحقائب وبعد ختم الجواز للدخ ل البلاد والفيزا وكل هالامور

وسيلة النقل البحري راح تنقل المسافر من المطار الى مكان مايقصده والي يكون عامل حجزه عليه سواء فندق او فيلا او منطقه اخرى .....

بانكوك عملت شيء جدااا مريح ومناسب ومتقدم من السنه اللي فاتت الا وهو جهاز كجهاز البنك تختار نوع السياره وحجمها والمكان الي تقصده وبعدها يعطيك الايصال والذي فيه جميع تفاصيل السائق ورقم السياره وبجذي هنا نحن اخذنا اول ضمان لاي فقدان او نسيان لمقتنياتنا في السياره نستطيع أن نلجأ لرقم هاتف السائق المذكور بالايصال

النقطه الثانيه وهي ضمان عدم المفاصله ع السعر لانه شرط العداد ماعدى الهاي واي اذا تبونه تبلغون السائق اول ماتركبون وانت من يدفع قيمته وهو غير مكلف ابدا مبلغ لايذكر.......

الصوره توضح ايصال التركيب الي راح ينقلنا للمكان الي نبيه طبعا انا من يختار ن ع وحجم السياره

اكثر نقطه مهمه في النهار غالبا الشوارع الي من بعد المطار مزدحمه جداااا فاحرص انك تنبهه التاكسي انك تبي خط الهاي واي السريع بدل لاتضيع الوقت بزحام السيارات

‏
الحياة متعبه
‏بس انا حاذفه الــ باء وماسگه خط الهآي وآي .

والحمدلله بجذي ضمنا نفسنا بنمشي اسرع من البرق والله الحافظ باذن الله

هنا وصلنا الفندق وهذي تسعيرتنا من المطار الى الفندق شارع ٢ ابد قريب من شارع العرب مشي خمس دقائق التسعيره بالعداد والمكان طبعا يختلف من مكان الى مكان الى مكان ومن. منطقه الى منطقه

اي نعم في تكاسي تقولهم تبي تر ح مثلا بتايا او كرابي او او او يعطيك العداد او يعطيك السعر من كيفه وبكيفك تبي تفاصله وتكاسره او تبي العداد او تبي تاخذ من الشركات المعتمده الي مثبته في المطار داخل المطار اوخا ج بوابة المطار عند المواقف وبعد في باصات النقل الجماعي وهذي وسيله ارخص وتوفر بيزات وكثير من الناس تستغلها ومافيها اي عيب لانها تبع شركات تايلانديه معتمده التسعيره وحده وثابته او تاخذون تاكسي من المكاتب الي داخل المطار قبل الخروج من المبنى ولكن اغلبها تك ن اغلى من الخارج وبعد في وسيله اخرى. هي الالقطار وكذلك الفيري الطابق الاسفل و الباص الجماعي تبع الشركات والي اغلب العرب جاهله هالموضوع في اخر طابق من الامطار تحصلونهم ياخذون الى اكثر من منطقه على فترات معينه من الزمن وتسعيرات مختلفه وثابته

سبق ونبهت باول التقرير انه في لوحات داخل المطار توضح كل طابق ( دور ) بالمطار شنو فيه وشنو خدماته للسائح وشنو تستفيد منه

حبيت فقط اكتب واوضح جزئيه مهمه في بانكوك وهي وسيله النقل الأمنه للمسافر وخطواتها وملاحظاتي المهمه واي شي مع الايام اتذكرها بعطيكم التفاصيل

وهذا الكرز تستاهلونه لذيذذذذذذذيذ حدددد اللذاذاذه

OumImade, الركيب, فيصل و 6 آخرون معجبون بهذا.

فيصل · 18-10-2017, 01:16 AM

أي والله مهم جدا المواصلات من المطار

وطريقتهم مميزه للجهاز وإختيار ما يناسب رحلتك

الايمان, ليمونه حزينه و نانا ابو عابد معجبون بهذا.

الايمان · 18-10-2017, 12:43 PM

شكرا ليمونه على هذه المعلومه الجديده بالنسبة
رحت بانكوك شهر مارس ومالاحظت هالمكاين ان شاءالله مرة ثانيه نجربها

ليمونه حزينه, فيصل و نانا ابو عابد معجبون بهذا.

الرفاع الشرقي · 21-10-2017, 05:37 PM

شكرا لج ليمووونتنا الغاليه ...
استمتعت بالسفرة الاسرع من السريعه والمفاجآة ...
وتسلمين على الاشياء الجديده الي يجهلها اغلب السياح لتايلند ... ومفيده بشكل كبير ...

بأذن الله رحلتي القادمه 26-10-2017 مانقدر على فراق بوكيت مثل ما تفضلتي ^_^ ... كنت متأمل في صدفة

فيصل, نانا ابو عابد و ليمونه حزينه معجبون بهذا.

نانا ابو عابد · 23-10-2017, 08:47 PM

توضيح مهم لتكسي المطار والخدمات الأخرى للمواصلات وكلها نصائح مهمة للمسافرين هناك

تسلم الايادي ليمونتنا السعيدة المتفائلة على الجزء الهام والمشوق

صحة وهنا الكرز ...

متابعين ....

فيصل, ليمونه حزينه و الايمان معجبون بهذا.

ليمونه حزينه · 27-10-2017, 11:32 AM

السلام عليكم ورحمة الله وبركاته

اليوم رحلتنا غير رحلتنا فيها اشوي من التعب والشمس والوناسه والتمشي وبطارية التلفون تخلص وتعال اشحن من البطاريه المتنقله الي مانستغنى عنها وتعال يا ولد اصورك ًتعي يابت اصورك وتعالي يا انتي اصورك يعني انا وتعال استكشف اخر التطورات واخر القوانين لهالمكان ووو

اختصرها لكم مكان مهم وضروري السائح من ينزل لـ هواهين ان يقصده وماهوبعيد ولا قريب ولاهو مكرر في تايلاند يعني موحسافه انك تروح وتشوفه وتصور انت وعيلتك فيه كأنك في فنيسيا لكن فنيسيا تايلاند طبعا

احدى الرحلات السياحيه في ———>>>> هواهين hauhin

The venezia huahin

لكن الاهم من ذاك كلووووو ماتبون تعرفون ليمونه حزينه هالمره وين حجزت فندق

لكم بعض الصور للفندق والغرفه وللعلم ثاني مره احجز فيه يمكن انا كنت من اول الزبائن الي تسكن فيه بعد افتتاح الفندق بشهرين او ثلاث قبل سنه يعني الحين له سنتين المهم الفندق قريب من كل شي وبعيد عن الزحمه والازعاج مع انه هواهين مافيها ازعاج ياحبي لها والله هذا الي يقولك طحت بغرامه اشوه انها انثى

المهم السبب الرئيسي لحجز هذا الفندق رغم انه مايطل ع الشاطيء اني ارتاح فيه كخصوصيه يعني وكأنه الفندق كولو ع بعضوووو لي يا فديتني انا الي حاجزه غرفه وغرفتين والفندق كله لي ياعمري من قدج ياليموناضه وكذلك المسبح نادر وقليل ماتشوف فيه شخص او عائله تسبح فيه اغلبهم اول النهار يعني انت يالخليجي نايم باول النهار ع الضحى القايله تتقهوى وتحلي وتنزل تسبح وتان مابعدوووو تان

الغرف اغلبها مقابل المسبح والحديقه وفي غرفه مطله ع المدينه اي الشارع الرئيسي ومدخل الفندق

الي يفهم يحجز مقابل المسبح اهي اطلالة مسبح واشجار وغيوم وجبال ووووو

ونشوف الصوررررر الي كانت بتاريخ

24/8 + 25/8 / 2017

الاسباني اذا حاول يفكره فكره جهنميه وفيها اكشن وحنه وطلبات ياخذ هالوضعيه البريئه

هنا يوضح اماكن السياحه في هواهين وعند كل تاكسي هالرحلات

الي يقدر ياخذك لهم لكن الاهم من ذاك انك تتفق معه على سعر الذهاب والعوده لكل مكان تختاره قبل الركوب معه بالسياره وكذلك في اكثر من مكان قريب ع الاخر وبامكانكم الذهاب له بنفس اليوم ...

مجرد انك في هواهين ستشاهد هذا الخيل والمنظر بكل الشواطيء فيها او بين حنايا شوارعها عند الغروب والشروق

ويمكنكم الركوب والتمشي بين بحار الشاطيء والاستمتاع بالجو والمنظر وتعيشون لحظة

قيس وليلى في تايلاند والا عاشق ومعشوقه والا انت يالي لك سنين متزوج تجدد الرومانسيه المتحجره عندك مع المسكينه زوجتك وتتنعنش معنوياتها وترد لها القلب وودقاته وتخليه ينبض بنبضات اسمك يامال ....

الايمان, عاشقة مسقط, مونامور و 2 آخرون معجبون بهذا.

ليمونه حزينه · 27-10-2017, 12:31 PM

والان نبتدي بعرض محموعة صور ل رحلة فنيسيا المصغره التايلانديه

طبعا من ظمن الاماكن الصغيرونه في فنيسيا تايلاند مزرعة الخرفان وانما الخرفان حقتهم

غير شكل نزييييفه ولحمها لحم عربي هبر وطازج وفرش لا كيماويات لا اكل مصطنع ومادري ايش يكون لحم صافي متغذي صححححح

تشتري وتطبخ وتاكل وانت عال العال يبيله والله ناخذ واحد ونذبحوووو ونصلخوووووو ونطبخوووووو

مندي والا مدفونه والا مضغوط والا مجبوس كويتي صح قوزي ومكسرات وفلفل حار ودقوس واشوية سلطه اخ راسي صدع من الصبح

نانا ابو عابد, الايمان, سارة محمد و 5 آخرون معجبون بهذا.

نانا ابو عابد · 29-10-2017, 07:53 PM

ماشاءالله

جزء روعة وصور اروع

تسلم الايادي

متابعين

أرسلت بواسطة iPhone بإستخدام Tapatalk

الايمان, ليمونه حزينه و فيصل معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(معشوقتي أوربا) 2014 Θςт الجزء الالماني والفرنسي	AbOFareS2011	بوابة المانيا	42	20-02-2022 12:33 AM
تقرير بسيط عن معشوقتي بلاد الاندومـــي 2016	abdulla al mulla	بوابة اندونيسيا	66	12-06-2016 11:09 PM
تقرير بسيط عن رحلتي الى معشوقتي دبي 2015	كشكولـ	بوابة الامارات	76	01-03-2016 02:50 PM
معشوقتي	أبوهمس	بوابة اثيوبيا	5	20-07-2015 02:46 AM
(معشوقتي أوربا) 2014 Θςт الجزء السويسري	AbOFareS2011	بوابة سويسرا	22	04-04-2015 12:41 AM