بسم الله الرحمن الرحيم
السلام عليكم
نكمل التقرير بعد انقطاع فتره من الوقت انشغالا بامور الحياه والسفر وووووو

‏

تاريخ والله ناسيه جم كان ذاك اليوم بس المهم انه نمنا بعد ذيك الرحله الممتعه والمتعدده لاكثر من مكان متقاربين من بعض


صحينا بهالذا اليوم والجوع ذابحنا صلينا ولبسنا وعلى البازار الي يحبه قلبي شنو من اكلات بحريه فيه لذيذه وع الهواء الطلق زيادة وزن مامنها مفر ولاتقولون سي في وبحري ومن هالكلام تجربه سنوات وخبره تراه يسمن ويمتن ويطلع خديدات وكريشات ويخلي الي مافيهاش دهن يصير فيها دهن ويكبر البطن غيروووو من كلام تراه فاضي

‏

واتركم مع الصور ستكمل مشوار يومي بدل الكتابه الزايده


‏




‏



‏



بعد مفهومه الجوع يحدك تمزمز بهالسناك الفندقي على ماتجهز وتروح تعبي الكرشه



‏


شطحه سريعه بس لاني لقيت هالصوره التشويقيه الي كانت في سناب وانستا لمتابعيني اشوقهم عشان يفكرون وين انا فيه


‏



‏


‏



‏


ترا هني مسوي مثل الايفنت حق الحليب هذا المحلي الثقيل ويقولون ينفع تحطونه مع التوست المحمش عاد شي ببلاش وفي وجهه البازار ليش ما اخذ واصبر نفسي على مايطيح الثقيل والدسم السي فود
بس صج انه لذيذ وجبار وانا عشان الدايت مارديت اخذت واحد ثاني

‏


‏


هذا الله يسلمكم حلى بالموز لذيذ وايد بس وين تحصلونه في بازار بس يفتح بالويكند وقريب منكم من العصر لي الساعه ١٠ المساء يقفلون


رابط سوق الليل

hua hin night market

https://g.co/kgs/qSNqeo



‏



‏



هنا لازم الانتباه انه الي معروض شنو يكون عصير او مشروب كحولي اعوذ بالله منه ومن شره وذنبه انا صورته ع السريع وقته بسناب المتابعين هم من نبهوني وعلموني شنو هذا والا انا ما اعرفه




‏



من سنين اقول انه هالمكان بالويكند فيه عرض مسرحي وحجز التذاكر من نفس المكان



‏




ويلومون العاشق من يغرم بمعشوقته وفيه من يوم شافت عيونه وقدلته

كل الكلام عن معشوقي هواهين ومعشوقته انا



‏



حلاته تكونون فيه من بدري عشان تستمتعون فيه لاتجًونه متأخر وقت مايبون يعزلون ماينفع كلش
في شي بالصوره وايد حلو ياترى انتيهتو عليه يازينه زيناه




‏



وقت التشري نمشي ونشتري وناسه ندفع بيزات



‏




‏




‏



اكثر شي احرص عليه هالفساتين ادورها دواره بشرق اسيا جوده خام وخياطه وموديلاتهم دايمه حلوه ومرتبه وبسيطه وناعمه اعتقد اني اخذته ب ١٠٠٠ بات يعني ١٠ كويتي



‏