ساعدوني بتنظيم جدول رحلتي عاجل - الصفحة 2

هاوية الاسفار · 09-03-2015, 01:52 AM

هلا اختي بالنسبة لدبي في وايد فنادق او شقق فندقية قريبة من مول الإمارات اختاري اللي موقعها يقول خمس دقايق مشي او اقل عشان تكون تحركاتكم بالمترو او التاكسي
العين اذا بتزورينها يبغيلها يوم كامل او ممكن الإقامة في شاليهات المبزرة بس ما عندي علم عن كيفية الحجز و المياه الكبريتية هي في العين الفايضة قريبة من المبزرة

هاوية الاسفار · 09-03-2015, 02:11 AM

اقتباس : المشاركة الأصلية كتبت بواسطة المستشاره

السلام عليكم ورحمة الله وبركاته
طاب يومكم بكل خير وسعادة
ابي مساعدتكم مسافرة الإمارات أن شاء الله الاسبوع القادم بتاريخ 10مارس والعودة 23 مارس تقسيمي حق الأيام بتكون التالي:
ح كون في مطار أبو ظبي
تاريخ 10 إلى 15 ابوظبي
تاريخ 15 إلى 19 دبي
تاريخ 19إلى 23 العين
ايش الفندق اللي ترشحوا لي في كل منطقة وأبيه قريب وجنبه مترو ومايكون غالي أبيه حق نوم
طبعا ان زرت الإمارات سابقا مع أخواتي واخويا بس حسيت نفسي مارحت الإمكان اللي ابيها هو مودهم شيء وانا شيء
أحب الطبيعة والأماكن التاريخية لدرجة انو كنت ساكنه جنب المتحف
ومانتبهت له إلا وانا قيدني راجعة على جدة قهر وصار يتريقون عليا بس دي السفرة متفائلة فيها أنها غير حتكون لانو ح كون مخططة لوحدي وأبي مساعدتكم أماكن تنصحوني بزيارتها حكتب لكم الأشياء اللي جمعتها وأبي أحد يختار الأقرب جنب بعض واطلع هم في نفس اليوم 😊
ح بدأ
*****دبي*****
حديقة الزهور/خور دبي /ابن بطوطة /السوق الصيني /حديقة الممرزه /التلفريك/متحف دبي /قرية البوم السياحية /سوق مرشد /سوق نايف /حديقة شاطئ الجميره /سوق المغطى /القرية التراثية
*****أبو ظبي*****
كورنيش البطين /جزيرة ياس /جزيرة السعديات /قصر الحصن /القرية التراثية /مسجد الشيخ زايد /قصر الامارات
****العين ****
حديقة الحيوانات /العين الحارة كيف نظامهم ابي اغطس في المياه الكبراتية جبل حفيت >>>>اكتبوا لي إماكن
*****
أفضل منطقة يسكن في كل المناطق وتكون قريبة من كل شيء ويكون في مترو كمان وتاكسي متوفر فيها
أفضل شريحة اتصال إنت كم عندهم الاشتراك ايش هيا الشركة
عدلوا الجدول مثل ماتشوفوه مناسب
بروح انا وامي واختي وصديقتها شكلهم ح يبطلوا قلت لهم براحتكم أن شاء الله اروح فيكم وبدونكم ( أسعد نفسك بنفسك محد بيسعدك )ماشية عليها
ابي مكتبة واذا في معارض وفعاليات طبعا أن شاء الله بشتري من موقع رحلة على القارب لانو لقيت سعرها ارخص وحتكون دي الفترة المسائية ساعدوني مآ بقى على سفري شيء ابي احجز الفندق اليوم وضيفوا اللي تشوفوا وتعرفوا وشكرا لكم مقدما 😊😊😊😊

بالنسبة للمترو موجود فقط في دبي
ابوظبي اذا حابة تسكنين يومين في ياس و الباقي داخل المدينة
العين وأيد عليها الأيام اللي حطيتيها نقصي منها و زيدهم في دبي بيكون أفضل
و الفنادق ادخلي على موقع بوكينج و اختاري ما يناسب ميزانيتكم و احتياجكم
اي استفسار اخر حاضرين للطيبين
موفقه

وليد عنبه · 09-03-2015, 04:31 AM

اقتباس : المشاركة الأصلية كتبت بواسطة العقرب

انا ملاحظ اول شي ان سفرك 10/3 وكاتبة الموضوع يوم 8
يعني قبل السفر بيومين ولا حجزتي فنادق !!!
في راي مافي وقت للتشاور ادخلي علي بوكنج
وصنفي الفنادق من حيث تقييم النزلاء وموقعها
واحجزي في اسرع وقت

بالنسبة للعين ممكن تضيفين منطقة المبزرة

دبي انتي ما ذكرتي الاماكن الي زرتيها في السابق لكن انا بحاول ارتب لك الاماكن الي انتى ذكرتيها

حديقة الزهور اقرب شى لها في الي ذكرتية هو ابن بطوطة واقترح اضافة القريه العالمية فى نفس اليوم

بالنسة للحدائق انتى ذكرتي 3 حدائق ونصيحتي زيارة وحدة منهم تغنيك عن الباقي وارشح لك حديقة الخور الى فيها التلفريك
وبالنسبة لحديقة شاطئ جميره فالشاطئ مغلق للصيانة علي حد علمي

متحف دبي وفى نفس اليوم ممكن منطقة الشندقة التراثية وخور دبي وومكن تركبي التاكسي المائي او العبرة باتجاة ديرة وتروحي سوق نايف وسوق مرشد

السوق الصيني موقعة بعيد عن جميع الاماكن الي ذكرتيها ممكن تخلي له يوم من الصبح حتى الظهر لانة يحتاج له اقل شى 4 ساعات

فى اماكن كثير ما ذكرتيها يمكن سبق زيارتها في السفرة السابقة مثل الجي بي ار و ستي ووك ومول الامارات دبي مول القرية العالمية وفي رايي تستحق اعادة الزيارة

التلفريك .. ماسمعت إن دبي فيها تلفريك ( تأكدي من المعلومة )

موجود في حديقة الخور

المستشاره · 09-03-2015, 12:03 PM

شكرا ليك
العين كم احط لها يكفيها يومين واحطها آخر يومين ابوظبي ارجع فيها عشان من هناك السفر خيكون

هاوية الاسفار · 09-03-2015, 01:16 PM

اقتباس : المشاركة الأصلية كتبت بواسطة المستشاره

شكرا ليك
العين كم احط لها يكفيها يومين واحطها آخر يومين ابوظبي ارجع فيها عشان من هناك السفر خيكون

نعم يكفيها ليلتين يعني ثلاث ايام
و الأفضل يكون اخر يومين بعد بوظبي

المستشاره · 09-03-2015, 01:36 PM

اعطيني أماكن اروح لها في بو ظبي

المستشاره · 09-03-2015, 01:38 PM

دبي فين أخلي السكن
جالسة احجز

هاوية الاسفار · 09-03-2015, 10:28 PM

اقتباس : المشاركة الأصلية كتبت بواسطة المستشاره

اعطيني أماكن اروح لها في بو ظبي

ما عندي علم كثير تقدرين تبحثين في قوقل
عندج جزيرة ياس فيها عالم فيراري و ياس. ووتر وورلد و ياس مول جديد
مسجد الشيخ زايد الله يرحمه
مطعم الفنر في فندق الريتز كارلتون
قصر الحصن
ننتظر منج تقرير دسم
بالتوفيق

هاوية الاسفار · 09-03-2015, 10:31 PM

اقتباس : المشاركة الأصلية كتبت بواسطة المستشاره

دبي فين أخلي السكن
جالسة احجز

قريب من دبي مول او إمارات مول لتوفر محطة المترو فيها

المستشاره · 09-03-2015, 11:47 PM

ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عاجل ساعدوني نحن في ورطه	ام جوانا	بوابة اندونيسيا	10	13-07-2015 08:58 AM
عاجل مسافر لهولندا ساعدوني	مسافر2050	بوابة الدول الاخرى	6	22-06-2015 03:20 AM
ساعدوني رحلتي قربت	الحاتمي	تركيا	5	19-06-2015 10:11 PM
ساعدوني في جدول لفرنسا و سويسرا	Moayed	بوابة فرنسا	60	30-05-2015 06:42 AM
عاجل ترتيب جدول وسكن للمجربين والخبراء	ابوتالين	بوابة الامارات	7	16-05-2015 03:32 PM