بالي، وش تقول فيها ؟؟

ATL · 25-10-2017, 11:23 AM

السلام عليكم
مساء الخير

الحجوزات تقلب الراس خاصه لاجيت بتروح ديره ماتعرفها
الخطه كانت غربيه ثم تحولت شرقيه

فدايم اسمع العالم تمدح بالي وبالي قلت ياولد خت لها مع المعزبه اسبوع تصفية مخ وروقان

اخترت فندقين مبدئياً ابي رايكم فيها

Puri Sebali Resort

و

W

تاريخ السفرة مبدئياً من 18 نوفمبر الى 23 نوفمبر

او فيه اقتراحات اخرى للفنادق

هي رحلة استجمام فهل تكفي 3000 ريال مصاريف اكل ونقل واذا فيه نشاطات ؟؟ ولا كم اقل شئ تحتاج

وشكراً

كتكات783 · 25-10-2017, 03:49 PM

أهلاً حبيبنا ...

من ناحية روقان وأجواء حالمة ... لن تجد كجزيرة بالي تعطيك ذلك ...

فترة السفر قصيرة جداً والبلد بعيد ... إن استطعت إضافة ليالٍ أخرى سيكون قراراً مثالياً ..

بالنسبة للمنتجعات والفنادق .. ربما تكون من أكثر الوجهات تنوعاً وكماً ...

الميزانيات لا أجيد التحدث عنها لإنها أمرٌ تتفاوت فيه الرغبات والقناعات ..

دمت موفقاً

alradadiمعجبون بهذا.

عبدالرحمن الصلال · 25-10-2017, 04:11 PM

أنا أنصحك ماتحجز الا هناك وعلى نضرك ولايحتاج تحجز من مكتب او تطبيق الخ لان كل شيء رخيص هناك و3000 الاف اذا كانت المدة قصيرة مثل ثلاثة أيام كافية جداً 3000 تكفيك 6 ايام اذا كنت مقتصد . قبل سنتين رحت هناك 16 يوم كفاني 9000 ريال وزادت بس اوصيك على انك تاخذ المنيوم اذا طلبت من مطعم وتاخذ لسته الاسعار اذا كانت سكن عشان مايزودون عليك

عبدالرحمن الصلال · 25-10-2017, 04:12 PM

واذا كنت بتعبر للجزر الثانية عن طريق البحر خذ معك 2000 ريال احتياط

عبدالرحمن الصلال · 25-10-2017, 04:13 PM

ولادخلت الحواير قفل القزاز عشان الاطفال الشحاذين لايتعلقون في السياره تجيبون فيهم مصيبه ولايجيبون فيكم مصيبه تدعسونهم ولايسرقونكم

alradadi · 25-10-2017, 05:18 PM

عليكم السلام

كما ذكر استاذنا القدير كتكات المسافة بعيدة والمدة قصيرة كذلك الميزانية لا تكفي نعم الخيارات كثيرة ومتعددة للسكن ممكن تجد سكن 30 ريال فقط في اليوم وفيه سكن 3000 ريال بس بشكل عام السكن الجيد من 200 ريال و اعلى لليوم الواحد الشي الاخر انت لم تذكر جهت وصلك هل ستهب مباشرة الى بالي او انك راح تنزل في جاكرتا فاذا وصولك جاكرتا راح تحتاج الى تذاكر طيران اما اذاكان راح تكون رحلتك مباشرة الى بالي في لاغالب راح تكون تذكرت الفر عليك غالية ولو انك ذكرت لنا مكان اقامتك كان اعطيناك سعر تقريبي للتذكرة

عموماً انا بحسب لك ميزانية سريعة

الافضل السكن في كوتا هي الارخص وفنادقها نظيفة

فندق ادين من 18 الى 23 ريال مع الافطار والالغاء المجاني 928 ريال واذا تبغى الحجز غير مسترد يكلف عليك 772 ريال بدون فطور

المواصلات سواق خاص اليومية من 90 - 100 ريال تقريباً

اما الطعام فالاكل العربي غالي ممكن تتغدى او تتعشي في المطاعم العربية بحدود 80 -100 ريال اما المطاعم العالمية مثل ماك او بيتزا هت من 30 - 40ريال

اما اسعار النشاطات السياحية فهي مختلفه واسعارها متفاوته وحسب المكان الذي تشتري منه

اتمنى لكم التوفيق

ATL · 25-10-2017, 10:12 PM

هلا بكم شباب شكلكم مافهمتوني
الطيران والفنادق حسبتها لحالها وبدبرها

الطيران بيكون دايركت لبالي من الرياض
والفنادق بحجزها من هنا، رايح اروق مابي افر ادور

وال ٣٠٠٠ حقت الاكل والشرب والتكاسي
هل هي كافيه لست ايام

٦ ايام علي جزيره وطبيعه
في تصوري بالي مافيها شي غير التجول في المنتجع نفسه وبعد المغرب تنتهي الحياة نوم ؟؟
حتي المطاعم اتوقع اني باكل من نفس المنتجعات منيب طالع ...

alradadi · 25-10-2017, 11:48 PM

يارجل حرام عليك بالي ام الدنيا كل شي فيها جزيرة مليئة بالمغامرات والنشاطات السياحية بشتى انواعها

بالنسبة للميزانية السواق يكلف عليك 100 ريال في اليوم لمدة 12 ساعة عليه البنزين وكل شي اما الاكل الفطور الافضل انك تحجز فندق مع فطور اما الغداء تتغدى اخر النهار ويصير غداء وعشاء احسب 100 ريال في اليوم يتبقى عليك رسوم النشاطات السياحية هذا اسعارها متفاوته حسب النشاط والمكان اللي تشتري منه فرضاً لو حجزت قارب التجدف خاص انت والمدام يكلف عليك حوالي 285 ريال للشخصين

عبدالرحمن الصلال · 27-10-2017, 01:48 PM

خذ معك 5000 ريال 3000 و 2000 احتياط

ATL · 29-10-2017, 09:45 AM

للاسف مالنا نصيب في بالي
المعزبه من درت أن المنتجعات مليانه خشاش الارض قالت انس

الله يعطيكم العافية على تفاعلكم وتجاوبكم السريع شكراً

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماهي النشاطات الموجوده في بالي وافخم فندق فيها؟	متحري خاص	بوابة اندونيسيا	13	05-05-2015 09:42 PM
كيف تقول " مرحبا " بكل لغات العالم	أبوعبدالله (الاسفار )	عام	17	31-03-2015 11:04 PM
اريد قائمة لاسماء شركات الكروز من تقوم برحلات على المضايق النرويجية وجزيرة ايسلندا	غرام الامل	بوابة اسكندنافيا	3	25-02-2015 03:00 PM