| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( تجربتي مع تأشيرة فرنسا . مقيم ( تحت ال ١٨ ) )› بقلم : Felasour
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
29الاعجاب |
| | LinkBack  | أدوات الموضوع | انواع عرض الموضوع |
07-05-2015, 12:37 AM
| #101 | ||
| مميزة العرب المسافرون   تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
|  رد: رحلتي للجنوب الفرنسي (نيس وكان وموناكو وغيرها )
جولتنا في حديقة مصنع الحلويات  تفاجأنا لماعرفنا انه عندهم حديقه فيها فواكه تركنا أغراضنا عندهم وطلعنا نتفرج ع الحديقه ونحن كنا في الطابق اللي فوق يعني محل الحلويات كان فوق  هاي يلسات كانت تحت بس لأنه الجو مطر ماكان يساعد ع اليلسه   أول مامشينا شفنا جدامنا هالشير ( الاشجار ) تخيلوا شفت شيرة البرتقال جدامي  طرت من الفرحه كأني ياهل   تتحسبون يلست عاقله  كل شيره أوقف عدالها وعقب ما أتصور أقطع منها وأخش في مخبايي     ماعرفت شو هاي الفاكهه   قطعت منها  عقب شفنا علامه تقول زيارة الحديقه من هالصوب  ترا هاذيج مب هي الحديقه ولما تبعنا السهم لقينا نفسنا نصعد سلالم والمطر يطيح علينا بس نفاف والحديقة يايه ع مدرجات وكل شوي نصعد بالدري ( الدرج ) ونشوف شير فواكه وأعتقد لأنه مب موسم فماكان فيه كثير ولو في وقت ثاني أعتقد هاي كلها مزارع فواكه واعتقد المنطقه هاي كلها فيها فواكه وبالذات الكلمنتين  شوفوا النهر تحتنا    تضاربت وياهاي الشيره كل ما أبا أقطع برتقاله منها مب طايعه تنقطع  وماقدرت عليها لأنه كان فيها شوك     كل الفواكهه وحتى الليمون اللي قطعته كلت منه بس أعتقد الكلمنتين كان حامض بعد ماخلصنا جولتنا الخفيفه واللي وايد استمتعت فيها انا وبوعيسى مع الجو الجميل رجعنا وأخذنا أغراضنا وشكرناهم ورجعنا سيارتنا عشان بنسير أنتيب
| ||
|  |
|
07-05-2015, 12:38 AM
| #102 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
رحلتنا الى أنتيب  بعد ماخلصنا جولتنا في مصنع الحلويات الممتعه قررنا نسير أنتيب وكان قرار خاطئ لانه الدنيا بدأت تظلم والامطار زادت ولما قربنا منها قلت لبوعيسى شورايك نكمل لين نيس قال عاد الحين قربنا منها خلينا ندخلها ونشوف وعقب نروح قلتله أوكي   دفعنا رسوم الطريج يورو ونص   دخلنا أنتيب وسرنا صوب السنتر   عجبتنا المنطقه وحسينا فيها حياه    بركنا ونزلنا نمشي  مطر وبرد    حصلنا كوفي ويلسته حلوه ويلسنا فيه ورغم انه برد ويلسنا في اليلسات الخارجيه    يلسنا وطلبنا كابتشينو    عقب ماحاسبناهم قررنا نرجع نيس لأنه الجو بااااارد والدنيا ظلمت ويوعانين واليوم في راسنا نسير مطعم عربي في نيس
| ||
|
| |
|
07-05-2015, 12:43 AM
| #103 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
نتابع اليوم السادس غراس & انتيب تذكرون المطعم اللي سرناله مرتين في المدينة القديمه أنا خبرتكم وقتها انه الموظفين عرب من المغرب العربي يومها سألتهم اذا يعرفون مطاعم عربيه ودلونا ع واحد والموظف ماقصر طلعنا عنوانه ع خريطة الاي فون  رجعنا نيس ولما وصلنا نيس حطينا العنوان ولما وصلنا المنطقه المطلوبه بركنا ونزلنا أدور المطعم ممحصلتنه وشفت مطعم ايطالي  تقربت منه أبا أسألهم عن المطعم بس كانوا بيسكرون والموظفه كانت نفسها خايسه عليي  لما سألتها ماسوتلي سالفه  وانا واقفه صورت هالمكان وتندمت اني مازرته في النهار الصراحه نيس رغم كل المده اللي يلسنا فيها بعدنا ما اكتشفناها عدل     ركبنا السياره وتمينا ندور الجارمن يقولنا وين بس نحن ممتأكدين وعقب بركنا تحت الارض وقلنا بننزل ندوره أخيس باركن صفينا فيه  ريحه وايد خايسه  بغيت أختنق مهما وصفت لكم الريحه الخايسه بعد مابتتخيلونها والله كنت أحس اني اشم غاز سام ع طول حطيت اسكارفي ع خشمي وحلجي واسكارفي والحمدالله ريحته عطر ع طول من نزلنا طلعنا برع  ونحن نتلفت يمين ويسار ولا نشوف المطعم   اسمه ديار  هاي الساحه اللي فيها الساعه عداله   اللي يشتغلون فيه لبنانيه  المطعم راقي ونظيف وله يلسات داخليه وخارجيه     طبعا الوقت كان بدري ع العشاء بس تعرفون نحن نلف طول النهار ونتعشى ونرجع الفندق وهو عشا وغدا وعقب مادخلنا وارتحنا من مستوى المطعم وحتى حمامهم نظيف عزكم الله  طلباتنا عاد أنا من اليوع ماخليت شي في خاطري ماطلبته  كباب وعيش  فتوش   فلافل بالطحينيه   حمص   كبه  من لذة الأكل ومن اليوع كلنا كل الأكل ويستاهل سعره  سألت الموظف اللبناني عن مطعم هندي أكله حلو قام طلعه لنا وخزنه في الجارمن حق باجر وأعتقد قال اسمه تاج بس ممتأكده وقال انه هو ياكل فيه لكن للاسف ثاني يوم يوم طلعنا ماشلينا الجارمن في ايدنا وماسرناله وغلطتي ماخليته يكتب اسمه وعنوانه في ورقه عقب ماخلصنا عشانا اللذيذ رجعنا فندقنا  ع فكره كل يوم نرجع فندقنا قبل الساعه 8 تقريبا ماشاءالله اليوم طويل ونلف فيه وايد ونحب نرجع بدري عشان نستمتع باليلسه في سويتنا  تابعوني في اليوم السابع وجولتنا في نيس ومغامرتنا ويالميترو
| ||
|
| |
|
07-05-2015, 02:08 AM
| #104 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 | رد: رحلتي للجنوب الفرنسي (نيس وكان وموناكو وغيرها )
|
|
| |
|
13-05-2015, 12:36 AM
| #106 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
ما أدري شو يصيرلي انسى هالتقرير وعقب فتره اتذكر اني ماكملته ع العموم قربنا من النهايه فديتها عواش من فتره قريبه كنا نتعشى مع بعض وهي الصراحه جدا مشغوله ولا ودها تكون معانا شكرا حبيبتي
| ||
|
| |
|
13-05-2015, 12:52 AM
| #107 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
اليوم السابع نيس  للاسف كان قرار ممناسب انه نسلم سيارتنا ونتم هذا اليوم بدون سياره  صحينا الصبح ع راحتنا ونزلنا نتريق في البوفيه  اليوم ماعندي الحماس الكبير اللي كان عندي كل يوم لأنه ماشي رحله يديده الخطأ اللي سويناه انه مارتبنا أي برنامج لهذا اليوم  كان اقتراح بوعيسى لما قرر انه نرجع السياره انه نسوي رحله بالقطار او بالباص لأي مكان أنا ماكنت مقتنعه بهالشي لأنه الجنوب الفرنسي ماعندهم أندر جراوند مثل باريس وماشفت عندهم غير الميترو والباص وماعندي أي فكره عنهم أحس هاليوم ضاع علينا للاسف  ولأنه مافي شي يديد سويناه و3 أيام نمشي في نفس الاماكن في نيس حرام مايسوى ونحن كل رحلتنا اسبوع والجنوب الفرنسي فيه وايد أماكن كنا نقدر نزورها ونستمتع فيها ومانضيع ولايوم طبعا أنا أخبركم عشان تنتبهون في رحلاتكم وتستغلون الوقت صح وفي نفس الوقت تحققون الاستجمام والراحه والاسترخاء نكمل معاكم برنامجنا لهذا اليوم قررنا نسير المدينه القديمه عشان نبدل مقاس شوز كروكس الشتوي ( تذكرونه اللي اشتريناه المره اللي طافت ) اكتشفنا انه واحد منهم غلطنا في مقاسه ع فكره هاي النوعيه اذا مثلا في الاحذيه العاديه تلبسون 38 في هالنوعيه لازم تاخذون 40 عشان الفرو اللي داخل يضيق الحجم جولتنا الثالثه في نيس طلعنا متأخرين من الفندق يمكن ع الساعه 1 وطلعنا نمشي باتجاه المدينه القديمه بس ممن صوب البحر وانما من صوب الساحه والاسواق اللي ورا فندق ميركور     الظاهر يدور حد يتصور وياه   كنا نمشي ع راحتنا وأي محل يعجبنا نوقف ونتفرج عليه ونتفرج ع الناس وع اللي رايح واللي جاي  نمشي باتجاه المدينة القديمه  شدني محل هالحلويات بس وقتها كنت شبعانه    قربنا   أخيرا وصلنا ومن هالدري ( الدرج ) بننزل في سكيك المدينه القديمه 
| ||
|
| |
|
13-05-2015, 01:05 AM
| #108 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
نتابع معاكم حلوه المدينه في النهار ناس ويوله وحياه   هذا مطعم لبناني بس ماجربناه    هذا اسم المطعم .  صورتلكم البرشور   نكمل جولتنا    هالمحل عجبني كله بهارات وصابون وحركات  هذا اسم المحل  وهذا مطعم أعتقد مغربي  عداله بعد مطعم بس نسيت شو هو ؟  وهذا اعتقد تركي  عموما هاي السكيك فيها وايد مطاعم ومن ضمنها مطاعم عربيه وهنديه وغيرها     وهاي الباقات هديه لكم    وبعدين طلعنا من السكيك وتمينا نتمشي في الساحه  عقب أخترنا كوفي ويلسنا فيه نريح ارويلاتنا انتوا ماتتصورون شكثر مشينا فعلا تعبت  بوعيسى قال فعلا لو ماسلمنا السياره كان أحسن يالا تعلمنا الدرس   شربنا جرين تي وحلينا من عندهم بس ماكان الحلو حلو ومحل الحلويات اللي شفناه وعيبنا كان بعيد عنا  ونحن يالسين قلت لبوعيسى لو الشو مارديت مشي خلاص ريولي تعورني ونحن نبا نسير صوب ساحة الأسواق اللي قريبه من فندق ميركور وشفت الترام وقلتله بنركب الترام  قال بس نحن مانعرف اسم المحطه اللي عدال السوق قلتله اظن أسمها افينيو   مغامرتنا ويالترام للاسف ماصورت المحطه لأنه انشغلنا بموضوع الترام سرنا المحطه وكانت عدالنا ولقينا موقفين للترام مجابلين بعض وما عرفنا أي واحد اللي بيسير صوب اتجاه السوق  اخترنا محطه ووقفنا نتريا الترام بس مب عارفين نقص التذاكر  قمت وسألت حرمه فرنسيه وقالت اوقفوا في الجهه الثانيه وماقصرت ساعدتنا في قص التذاكر وسارت الحرمه عنا الحين أحترنا أي ترام نركب هي خبرتنا بس مب عارفين نقرأ الرقم مافهمنا وعقب شفت ولد قد عيسى ولدي وسالته عاد هو مايعرف انجليزي ومايتكلم الا فرنسي فقمت أتفلسف عليه بانجليزي مخبق  وبوعيسى يحاول وياه من صوب ويسأله وماشي فايده وانا أقوله افينيو ما أدري عاد اذا صح ولا لأ هي جذي طلعت عندي وعقب ياالترام والولد ركب ونحن نطالعه  فشاورتله نركب قال تعالوا  بالاشاره طبعا ركبنا أنا وبوعيسى ومب عارفين نحن وين سايرين وهو في الترام يرمسني بالاشاره وانا أرد عليه بالاشاره ونحن مب فاهمين بعض المهم الترام وهو يمشي شفناه قرب من المكان اللي نباه  قلنا حلو يعني نحن في الترام الصحيح قلنا بنصبر شوي وعند أقرب مكان بيوقف ونباه بننزل وسبحان الله وقف عدال المكان اللي نباه بالضبط   نزلنا وسرنا نمشي صوب المطعم الايطالي اللي كلنا فيه المره اللي طافت بوعيسى حاب البيتزا اللي عندهم وانا تمردت وقلتله أنا بآكل من الفندق  لاحد يسألني ليش ماركبتي هاي اللعبه أنا أخاف من الاماكن المرتفعه    
| ||
|
| |
|
13-05-2015, 01:17 AM
| #109 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
نتابع معاكم جولتنا وصلنا المطعم     وكانت طلبات بوعيسى بيتزا وسلطه  هو يحاول يغريني بالأكل ويباني اطلب وياه وانا مصره ع أكل الفندق   وعقب ماقاومت وتهبشت وياه شويه من البيتزا والسلطه  هااا قلت شويه  عقب ماخلص عشاه رجعنا فندقنا من ورا ولما قربنا صوب باركنا ونحن نمشي اكتشفنا انه عدالنا بقاله عربيه صاحبه سوري ومطعم عربي     لو ساكنه في شقه وايد بينفعني هالمحل ولو ساكنه في فندق بدون ريوق بعد كان بيفيدنا      ويبيع شوارما ومقبلات    قلتله عاد عرفناك متأخر باجر سفرنا وأشتريت من عنده زيتون واشياء حق لندن ولاصق فيه المطعم العربي         عقب رجعنا فندقنا وبعد ماريحت طلبت عشايي  شوفوا الدلع  شو تتوقعون طالبه سيبااااااااس وتحتها غراتان البطاطس اللذيذ وهذا أنا طلبته مخصوص  صح شكل الحوت مايشجع بس ع الأقل أحلى وألذ من حوت هاك المطعم     تابعوني في اليوم الأخير ووداع نيس والجنوب الفرنسي 
| ||
|
| |
|
13-05-2015, 01:31 AM
| #110 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
اليوم الأخير في الجنوب الفرنسي  انتهت رحلتنا وحان وقت وداع الجنوب الفرنسي عشنا ايام جميله كنا محتاجين لهاي الاجازه كنا محتاجين لهالتغيير في زحمة الدوام ومسؤوليات العيال وضغوطات الحياه كنا محتاجين نجدد علاقتنا ونغير جو ونبتعد عن كل شي وادعو كل زوجين انه مايبخلون ع نفسهم ويعطون نفسهم لو اسبوع يقضونه مع بعض بعيد عن كل شي تفاصيل هذا اليوم ودعتنا نيس بجوها الجميل غيوم وأمطار صحينا ع راحتنا وقلت لبوعيسى ما ابا اسير بوفيه الريوق قال خلاص انا بنزل اتريق وطلبت منه اييبلي كرواسون شوكليت وانا يلست أشطب أغراضنا ولما ياني بوعيسى تقريبا كنت جاهزه يلست في البلكونه أتريق كرواسون شوكليت وعصير برتقال والجو من البلكونه يخبل     جهزنا كل شي ويلسنا نتريا السياره توصلنا من طيران الامارات وصلتنا سياره مرسيدس  ودعنا فندقنا الرائع  توكلنا ع الله لمطار نيس    وصلنا المطار  .      وخلصنا الشيك ان الحمدالله ماعندنا وزن زايد لأنه ماتشرينا غير أشياء بسيطه هذا ميزان حاطينه للي يحب يتأكد من وزن الشنط قبل لايسير الكاونتر  عقب ماخلصنا سرنا نسوي التاكس فري وطلبت منهم يعطوني بالباوند وعقب دخلنا داخل     شفت كوفي شوب ودخلته وطلبت ساندويش تونه وشاي  عقب ماخلصت أكل يلست أتمشى كان في كم محل واشوف محل فراجونارد للعطور  من فوق صورته .     وانتهت رحلتنا للجنوب الفرنسي واللي كانت من الرحلات الجميله في حياتي ولازال قلبي يحن لها أشكر متابعتكم ومشاركاتكم وسامحوني ع القصور ولاتنسوني من دعائكم بظهر الغيب
| ||
|
| |
|
| الكلمات الدلالية (Tags) |
| للجنوب, الفرنسي, رحلتي, وموناكو, نيس, وغيرها, وكان |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شرح حجز القطار من فيينا الى سالزبورغ وغيرها | حبْر | بوابة النمسا | 39 | 19-07-2019 09:28 PM |
| سؤال شو يعنني جنيف الجانب الفرنسي احترت | india | بوابة سويسرا | 10 | 04-08-2017 04:58 PM |
| في قرى قريبه من نيس وكان للسكن ؟ | ريما عبدالعزيز | بوابة فرنسا | 3 | 08-05-2015 08:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
