وصلنا الجزيره




















































لما وصلنا الجزيره كان فيها عدة أختيارات

نحن ماعرفنا من وين نبدأ فقلنا

خلينا نمشي ورا الناس وين ماهي رايحه بدال مانمشي بروحنا في الجزيره

وياريت مامشينا وراهم




لأنهم اول مكان زاروه هو القلعه والقريه القديمه


لين وصلنا مشينا مشي ومشينا ع صعده وتعبت ريولي

وأنا حضرتي كاشخه ولابسه بوت فرو

تعرفون يايين كان

كان لازم اللبس يكون ع سنقة عشره


لكن الجزيره ماتبالها بوت تبالها جوتي رياضه مريح











هذا مطعم شفناه بس مادخلنا ما أدري اذا مفتوح ولا لأ

















وعقب ماهلكنا من المشي وصلنا للقلعه





أكووو راعي الجلب





شفت وحده تستهبل وهي تتصور ع المدفع

فكرت استهبل شراتها بس استحيت




هذا المدخل

وهنيه شباك التذاكر




قطعنا تذكرة الدخول الشخص بـ 6 يورو وعقب سرنا تمشينا داخل

اييني شعور غريب لما أمشي في الاماكن القديمه

أتخيل كيف كانت حياتهم وكيف عاشوا

وعقب أشعر بالمكان صار موحش

للاسف نسيت قصة هاي القريه والجزيره

وقتها كان بوعيسى يقرأ من البروشور ويقصصلي

ونحن نتفرج ونصور

يالا مب لازم تعرفون القصه ، خليكم ع الصور











وين ما الناس تدخل نحن وراهم

دخلنا في هالمبنى وكانت فيها كنيسه

المكان يبين لكم كأنه قريه صغيره وناس عاشت في هالحصن وكانت لهم حياتهم













وهاي اللي تحت الدري ( السلم ) غرفة الأعتراف






وماطلعنا فوق ، واعتقد فوق كانت الأجراس













وهذا بير ( بئر ) ماي

يعني من هنيه أهالي القريه ياخذون الماي














وهذا بير ثاني







هاي الساحه يمكن كانت فيها أسواقهم






عقب دخلنا هالمبنى














اول مادخلنا لقينا اثنين من الموظفين

طلبوا يشوفون تذاكر الدخول

وعقب سار ويانا واحد في قسم السجون

وشفنا سياح ويانا

يلسنا نتفرج ولكن ماخلونا نصور وخفت اصور بالدس

قريت في تقرير من التقارير انه هذا السجن انسجن فيه عبدالقادر الجزائري

وقريت بعد معلومه من النت

انه انسجن رجل يسمى

الرجل الكمامة الحديديه

" الذي اصبحت هويتة خاضعه للنقاش بشده بين عامي 1687 – 1698

وهو سجين غامض ابقى في الحصن الملكي وكان يضع على وجهه كمامة

من القماش وليس من حديد ولم يسمح له ان ينزعها عن وجهه لم يتمكن

أي شخص من التعرف على شخصية السجين وهناك من يقول بانه

اخ غير شرعي للملك " لويس الرابع عشر " واخرى تقول انه كان وزيرا

سابقا للمالية ارتكب سرقة وتم عقابة في الجزيرة .


وعقب كملنا جولتنا داخل

وفي هاي الجهه مامانعوا أصور

وكانت موجوده أثار قديمه

تفرجنا شوي وماكملنا وطلعنا






























في أشياء ماصورتها

ولما طلعت كان في سطح المبنى مثل أريل

ياربي نسيت ما اتذكر المعلومات بس تقدرون تقولون


مال الاتصالات في هاذيج الأيام

طوفوا






في هذا المكان كان المطل جميل ويلسنا نصور












يالا عطوني 6 يورو ع كل نفر
خليتكم تشوفون الحصن وانتوا مكانكم


عقب ماصورت وطلعنا من هذا الحصن قررنا نرجع كان ، كنا نبا نلحق ع الاسواق

لأنه بوعيسى قرر يشتري جارمن بعد مالعوزنا هذا

وفي نفس الوقت نبا نتفرج ع الحياه






كنا بنروح ، وشفنا هالدري

قلنا خلينا ننزل ونشوف
علينا حركات مول مب وقتها

تكسرت ريوووولي

وماشفنا شي وردينا صعدنا
وبوعيسى يضحك عليه




وصلنا قبل لاأتي السفينه بعشر دقايق

يلسنا ع الكراسي نستريح

وأنا عزكم الله فصخت البوت ودلاغي ويلست أسوي أهمز لريولي

بعدنا ورانا مراكض في سنتر كان

وكانت وحده أجنبيه يالسه تتطالعني وتبتسم

وأخيرا خلصنا جولتنا البحريه

وانطباعي عنها انها تستحق الزياره ولكن ...

لازم تكونون ساكنين كم يوم في كان وتكون من ضمن البرنامج

اما اذا يايين يوم شراتي فمافي داعي منها

والأفضل زيارتها بدري وتاخذون وقتكم فيها عشان تستكشفونها

والأهم أحذيه مريحه

آخر مواضيع هداوه

- جديد دبي ...حديقة دبي المتوهجه - يومياتي في منتجعات كارلوفاري وبراغ ( الشيك ) - مغامراتي البحريه في الكروز MSC للأراضي النروجيه - الدليل السياحي الشامل لسويسرا بالمختصر المفيد... - الدليل السياحي الشامل للنمسا بالمختصر المفيد...

توقيع : هداوه

حياكم الله في كل تقاريري

---

التعديل الأخير تم بواسطة هداوه ; 09-02-2016 الساعة 07:52 PM

السيارة متعه في السفر ما تتقيد بوقت وجدول معين

رايك في الفنادق مهم وتشكرين عليه

متابعين ...

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

طبعا السياره ما فيه مثلها مع ان نيس كثير يقولون اذا رحلتك بين نيس كان الترام والباص يخدمك




ما الومك كل الحريم كذا عادي

الرحله حلوه وسعرها مناسب

ما قصرتي

مافيك حيله وكما عهدناك يام عيسي مبدعه
تقرير جميل ورائع للجنوب الفرنسي

متابعين

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

الله يعينج يا ام عيسى كل شلون قاومتي هالماركات هههههه
والقارمن لما يعلق مايشتغل ودج تكسرينه