| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( أبو عبدالهادي و رحلة أمريكا 2024 )› بقلم : ابو عبدالهادي
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
29الاعجاب |
| | LinkBack  | أدوات الموضوع | انواع عرض الموضوع |
18-03-2015, 01:48 AM
| #31 | ||
| مميزة العرب المسافرون   تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
|  رد: رحلتي للجنوب الفرنسي (نيس وكان وموناكو وغيرها )
نتابع وياكم اليوم الثاني في كان  اشتغل الجارمن وبعد شوي قام يشكل وقام يعلق ومايشتغل انا كنت عارفه انه كان موقعها ع البحر والخريطه كانت عندي حاولنا وحاولنا ويا الجارمن وماشي فايد وفي نفس الوقت نحن نمشي ونشوف اللوحات واستغربت لما وصلنا بسرعه ماتوقعت كان جذي قريبه حتى فكرت اني غلطانه شفنا لوحه مكتوب عليها سنتر كان ، وتبعناها    نحن الحين في كان   اول شي يلسنا ندور مكتب المعلومات ومادورنا وايد كان المكتب ع البحر  نزلني بوعيسى عدال المكتب وسار هو يدور باركن خذيت المعلومات اللي اباها ورجعت التقيت مع بوعيسى ع الشارع الثاني وعقب سرنا ندور فندق الأنتر والجارمن معلق مايشتغل    وهذا شاطئهم الحمدالله ماشي تسطح وتبطح     شفنا الاتنر   موقعه ممتاز شكله فخم أرقى وأحلى وماشي مقارنه بين فندقنا وفندق الأنتر ولكن مابغينا ندخل كان يكفينا انه نعرف موقعه وهذا اللي كنا نبا نتأكد منه والحجز بنسويه من النت خذينا لفه وشفناه من السياره   هو أسمه كارلتون أنتركونتيننتال  عقب كملنا طريجنا صوب الميناء عشان ناوين نركب البوت ونسير الجزيره  طول مانحن نمشي في هالشارع ومانشوف الا أرقى المحلات العالميه كارتيير وغوتشي ولوي فيتون وغيره بس مادخلتهم  ياصبايا لاتعطون قرارات انتوا مب قدها     
| ||
|  |
))
|
18-03-2015, 01:50 AM
| #32 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
| ||
|
| |
|
18-03-2015, 01:52 AM
| #33 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
طلعنا من الميناء ع شارع كان الرئيسي       وهاي المره سرنا شارع أنتيب كنت متوقعه انه شارع كبير وساحه كبيره مثل نيس وتفاجأت انه عباره عن شوارع متفرعه وضيقه وتنتشر فيها المحلات وبعض المطاعم  دخلنا الباركن  أول ماطلعنا من الباركن شفت في ويهي محل الحلويات                         وايد تمشينا في هاي الشوارع وكنا ندور محل للأكترونيات عشان نشتري الجارمن وحصلنا محل معروف عندهم وله فروع لما وصلنا عند محل الأكترونيات ، خلاص انا هلكت من المشي كانت فيه كراسي منتشره في الشارع استراحات وحصلت واحد مجابل المحل ، قلت لبو عيسى سير اشتري الجارمن وانا بريح توايري هني أقصد ريولي بعدنا ورانا مشي ما أجذب عليكم وانا أمشي بين المحلات وعيوني تزغلل وانا اشوفها قلت لبوعيسى : ابا اتشرى قاللي بعد مانشتري الجارمن اذا في خاطرج اتسوقي لكن بعد ما اشترى الجارمن ((ولاتنسون سووا التاكس فري )) قاللي تبين تتسوقين ؟ قلتله بموت يوعاني من ساندوتش الصبح ماكلنا شي وللاسف استهلكنا طاقتنا في الجزيره وتمشينا هنيه وايد فخلاص ماعاد لي نفس لشي الا للأكل
| ||
|
| |
|
18-03-2015, 01:54 AM
| #34 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
نتابع معاكم جولتنا في كان  عقب ما اشترينا الجارمن سرنا ندور مطعم بس ما أدري في صوب هالاسواق ماكنا نشوف وايد مطاعم أكيد في مكان ثاني في تجمع مطاعم بس ماأدري وينه وماسألت عنه لأني سألت وحده تونسيه تبيع في محل عن مطعم أكله حلوه فدلتني ع مطعم عدال الأنتر وقالت أكله حلال وأكله حلو وخصوصا الحوت  قلتلها حووووت حوت هذا بآكله ولابياكلني  وعقب فهمت منها انها تقصد بالحوت يعني السمج ( السمك ) سرنا في اتجاه فندق الأنتر  كانوا حاطين عند باب الفندق سياره قديمه وفيه مصور يصوركم اذا تبون ويعطيكم الصوره في نفس الوقت نذاله منا قمنا انا وبوعيسى نتصور بكيمرتنا  وعدال المدخل ع جنب الأنتر شفت بوستر حاطنه الأنتر  مثل ما انتوا شايفين عندهم عروض للبوفيه خلال بعض أيام الاسبوع في كل يوم معين بوفيه خاص لوجبات معينه وسعر مختلف وفي هذاك اليوم اللي كنا فيه هناك كان البوفيه من اللحوم والستيكات وكان يوم السبت والسعر للشخص 56 يورو وكان خاطري يوم السي فود بس كان يوم الجمعه قررنا نتخلى عن فكرة المطعم اللي اقترحته التونسيه وندخل الانتر ، والصراحه يستاهل السعر ولو غالي بوفيه وفي الأنتر ياسلام شو أحلى من هالعشاء نختم يومنا في مدينة كان دخلنا الأنتر عشان نسألهم عن البوفيه  ياني موظف الأمن وماخلاني أصور   وكانت الصدمه  البوفيه يفتح الساعه 7 ونص والحين الساعه 5 رغم انه الدنيا ظلمت اتفاجأت انها الساعه 5 انا كان عادي عندي انتظر بس بوعيسى قال احسن مانتأخر خلينا نسير المطعم اللي خبرتنا عنه التونسيه سرنا ندوره وحصلنا المطعم عقب ماعدينا الأنتر ع طول  للاسف بعد طلع مسكر وبيفتح الساعه 7 وعقب هذا المطعم في مطعم وملاصق فيه بس تحت مب فوق ويطل ع الشارع المواجه البحر وهو شرات الكوفي وله يلسات برع وداخل قلت لبوعيسى خلينا نآكل أي شي خفيف لين يفتح مطعم الأنتر وعقب نسير نتعشى فيه وافق بوعيسى ويلسنا في المطعم ونحن متأكدين أنه مايقدم وجبات  عاد سامحوني ماصورته عدل هاذيج الساعه كنا تعبانين  هاي يلسات داخليه  هاي طاولتنا  عقب مايلسنا وفتحنا المنيو شفنا انه عنده وجبات بس قلنا في خاطرنا أكيد عقب 7 ياخذون الطلبات ولما يانا الجرسون وسالناه قال عادي تقدرون تطلبون اللي تبونه طبعا انا من اليوع تخليت عن فكرة الأنتر وطلبنا عشانا أنا يلست أصور وأطق طق ع الآي فون وبوعيسى يلس يركب الجارمن اليديد ويضبطه  وصل عشانا اللذيذ سيزر سلط  طبق بوعيسى  طبقي  القرار المهم اللي اتخذناه ع طاولة العشا ونحن نتعشى توصلنا لقرار انه مانسكن في كان والسبب انه حبينا نيس أكثر  صحيح كان حيويه بس نيس أحلى وأشرح وأونس حسينا فيها براحه ونحن في كان كنا مشتاقين لنيس قلنا خلاص من نرجع نيس بنسير نشوف الفنادق اللي ع البحر ونشوف الغرف ع عيونا واللي يعجبنا بنحجز فيه المده كلها وبيكون استقرارنا في نيس وبس وخصوصا كل المدن قريبه من نيس ونحن في الوسط وحتى المطار فيها افضل خيار هو نيس دفعنا الحساب وقررنا نرجع نيس وندور فندق ثاني  انطلقنا صوب نيس ركبنا الجارمن اليديد وبعد تم يشكل علينا ياهي مصيبه كيف بنطلع من كان قمنا نلف كم مره سايرين ع بحر الكورنيش ورادين لين تذكرنا الشارع اللي يينا منه ونحاول ويا الجارمن وماشي فايده لازم نعتمد ع اللوحات وع ذاكرتنا ومني شوي ومن بوعيسى شوي طلعنا من سنتر كان ع الهاي واي وهو الشارع اللي بمحاذاة البحر وقلت لبوعيسى من هالشارع ع طول ندخل نيس والجارمن بعده مب راضي يضبط ويانا لين وصلنا نيس بدونه أول ماوصلنا فندقنا أنا صعدت الغرفه وبوعيسى كلم الرسبشن عسب الباركن وخبروه انه فيه باركن اليوم بـ 23 يورو السعر غالي بس ماعندنا خيار في خيار ثاني بس ممناسب في باركنات مجانيه من ساعه معينه بس عقب الساعه 8 الصبح لازم نحط تذكره مدفوعه للباركن وطبعا هذا صعب علينا فهذا كان اختيارنا الوحيد وعقب مابركن بوعيسى ياني الغرفه ورجعنا طلعنا نستكشف الفنادق اللي عدالنا مغامرات العرسان والبحث عن فندق مناسب اول فندق سرنا نشوفه هو الفندق اللي في نفس مبنانا ، فندق الميرديان اللي جهة الماكدونالد هو الميرديان والصوب الثاني هو فندقنا الميركور   دخلنا أنا وبوعيسى واستغربنا الزحمه اللي فيه سرنا الرسبشن وطلبنا منهم نشوف غرفه مطله ع البحر قبل مانحجز اعتذروا وقالوا ماعندنا موظف يراويكم الغرف طلعنا من عندهم ونحن زعلانين ، لأنه النت مايعطينا الصوره الحقيقيه وحبينا نعاين بنفسنا يالا هم الخسرانين  مشينا صوب فنادق ثانيه ومرينا ع أشجار برتقال   الفندق الثاني كان لـ   دخلنا الفندق ولقيناه فاضي ، وطاولة الرسبشن محد عليها وقفنا عدال الرسبشن وشوي طلعتنا الموظفه وشكلها يالسه تاكل خبرناها نبا نشوف غرفه ديلوكس مطله ع البحر عطتنا بطاقة الغرفه وقالت سيروا شوفوا بروحكم وعقب هاتولي الكارت كانت جدا لطيفه ومتعاونه وخدومه سرنا وشفنا الغرفه ، واول شي قلته لما دخلت الغرفه الحمدالله اني سمعت كلامج يامعماريه ولغيت حجزي الغريبه اني مصوره الغرفه والفندق بس ما أدري وين الصور ماعلينا الغرفه كانت صغيره وكئيبه وأثاثها قديم وغرفتنا في ميركور أحلى بوايد منها واصلا الفندق كئيب واحلى شي شكله الخارجي يلا ويانا للفندق الثالث وهو Hôtel Westminster  هذا الفندق أول مادخلنا فيه ردينا شردنا منه وطلعنا والسبب  كان موحش ويخوف وكئيب بعدنا ماتعمقنا داخل عند الرسبشن حسينا بالخوف انا وبوعيسى ياروح مابعدك روح ههههههههههههههه يامحلات الميركور شو بلاه  عاد خلاص تعبنا وانهد حيلنا من التفرفر في هذا اليوم قلنا خلاص بندخل آخر فندق وفندقنا الرابع اللي دخلناه هو ... Palais de la Mediterranee  وين مكتوب هوتيل هنيه مدخل الفندق والجزء الباقي اللي تحت هو كازينو كبير لاحظت هاي المدن اللي في جنوب فرنسا معروفه ومشهوره بالكازينوهات يعني كلها صالات قمار عزكم الله أول مادخلنا الفندق انشرح قلبنا  هاي صوره عاديه عقب بعطيكم الصور العدله في الجزء الياي أول مادخلنا هذا الاستقبال اللي يشرح القلب ونشوف وايد موظفين وكل الفنادق اللي دخلناها ماشفنا فيهم الا موظف واحد المكان فعلا يبين عليه راقي وفخم و5 نجوم طلبنا منهم نشوف غرفه ديلوكس ع البحر اعتذرت الموظفه انه باجر ممكن نشوف غرفه ع البحر لأنه اليوم فل ولكن نقدر نشوف غرفه ع المدينه وافقنا نادت ماكسيم ايي ويانا يراوينا الغرفه وشفنا الغرفه وللاسف ما أدري وين صورها أخاف مسحتها بالغلط المهم الغرفه عجبتنا وايد وحسيناها فخمه وحمامها حلو ولها بلكونه ويلسه خارجيه يعني لو ناخذ هاي الغرفه وماناخذ اللي ع البحر بعد اوكي ع الأقل احلى من غرفتنا بوايد وفيها خصوصيه من ناحية الحمام نزلنا وسألناهم عن السعر وما أذكر كم قالت بس غاليه قلنا بنرجع وبنشوف من النت شكرناهم وقلنالهم باجر بني نشوف الغرفه اللي ع البحر رجعنا غرفتنا وبعد ماريحنا وضبطنا امورنا فتحنا النت ويلسنا انا وبوعيسى ندور في أنواع الغرف اللي في هالفندق وأسعارهم وفجأه ياني احباط وقلتله أقولك شي خلاص انا راضيه بهالغرفه ومابنغير بديت اتعود عليها ويلست حزينه وبوعيسى يالس يجلب ويدور فنادق ثانيه وعقب الله هداني ورديت أدور وياه ورجعنا ع هذا الفندق اللي عيبنا واخترنا غرفه ديلوكس مطله ع البحر وقاللي شو رايج تبيني أحجز الحين ؟ قلتله هيه ما أدري ليش ضقت يمكن من التعب حجز بوعيسى الغرفه وكلمهم في الرسبشن انه باجر بنسوي شيك اوت ومامانعوا وانتهى هاليوم بعد ما استقرينا ع الفندق اللي نباه تابعوني في أحداث اليوم الثالث
| ||
|
| |
|
18-03-2015, 09:23 AM
| #35 | ||
| مشرفة سابقة  تاريخ التسجيل : Dec 2014 رقم العضوية : 45 الدولة : Bahrain الجنس : انثى المشاركات : 2,657
| رد: رحلتي للجنوب الفرنسي (نيس وكان وموناكو وغيرها )
| ||
|
| |
|
18-03-2015, 11:17 AM
| #36 |
| مجلس الإدارة تاريخ التسجيل : Dec 2014 رقم العضوية : 15 المشاركات : 15,812 | رد: رحلتي للجنوب الفرنسي (نيس وكان وموناكو وغيرها )
|
|
| |
|
21-03-2015, 09:32 PM
| #37 | ||
| مراقب العرب المسافرون  تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,426
| رد: رحلتي للجنوب الفرنسي (نيس وكان وموناكو وغيرها )
| ||
|
| |
|
23-03-2015, 11:36 AM
| #38 | ||
| مراقبة العرب المسافرون  تاريخ التسجيل : Dec 2014 رقم العضوية : 331 الدولة : الكويت الجنس : انثى المشاركات : 12,827
| رد: رحلتي للجنوب الفرنسي (نيس وكان وموناكو وغيرها )
| ||
|
| |
|
23-03-2015, 12:09 PM
| #39 |
| مميز دول آسيا الاخرى  تاريخ التسجيل : Dec 2014 رقم العضوية : 404 الدولة : الإمارات العربية المتحدة الجنس : ذكر المشاركات : 1,135 | رد: رحلتي للجنوب الفرنسي (نيس وكان وموناكو وغيرها )
مرحبا أختي هدواه تقرير رائع وفادني وايد معلوماتي عن الريفيرا الفرنسيه ضئيلة جدا بس بأسلوبج الجميل عرفت الكثير ومن أشد متابيعنج ةربي يحفظج ويسعدج .
|
|
| |
|
24-03-2015, 01:04 AM
| #40 | ||
| مميزة العرب المسافرون تاريخ التسجيل : Dec 2014 رقم العضوية : 398 الدولة : الامارات الجنس : انثى المشاركات : 781
| رد: رحلتي للجنوب الفرنسي (نيس وكان وموناكو وغيرها )
لكن اذا البلد ممناسب تسوقين فماعندج غير مواصلاتهم الترام بس شفته يغطي السنتر والمنطقه اللي حواليه حتى ماشي ميترو ولاقطار اشوف أفضل تأجير السياره في جنوب فرنسا أكيد كلنا كده ن عشان رقيقات مانتحمل .gif "(141)") ومتابعتكم لي هي الاروع قاومت ماتفكرنيش  اللهم آمين ويحفظك يارب كلامك أسعدني وانا ممتنه لتقديركم ومتابعتكم
| ||
|
| |
|
| الكلمات الدلالية (Tags) |
| للجنوب, الفرنسي, رحلتي, وموناكو, نيس, وغيرها, وكان |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شرح حجز القطار من فيينا الى سالزبورغ وغيرها | حبْر | بوابة النمسا | 39 | 19-07-2019 09:28 PM |
| سؤال شو يعنني جنيف الجانب الفرنسي احترت | india | بوابة سويسرا | 10 | 04-08-2017 04:58 PM |
| في قرى قريبه من نيس وكان للسكن ؟ | ريما عبدالعزيز | بوابة فرنسا | 3 | 08-05-2015 08:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
