بعد ما وصلنا الفندق وريحنا شوي
قلنا ننزل ونروح للاطلاله القريبة بيسكي ومنها اشوف الكوخ حقنا اللي سكنا فيه العام
واحنا راجعين نتغدى بالمرة وحده بالمطعم الهندي

واثناء الطريق مرينا كم محل ولقينا فيه تخفيضات حليوة

























خلصنا من الاطلالة
طبعا الاحساس ماهو مثل اول مره

وقلت ابي المطعم الهندي ذا بنجربه
قبل كوستا كوفي من على اليسار بمدخل شارع



للاسف المحل كان تقريبا شبة ممتلىء من الزبائن
بسبب صغر المطعم
احنا جلسنا على الطاولة اللي بالمدخل والطاولات الثانية فوق

ام مشاري قالت لا تطلب انا اللي بطلب تقول اعرفك
تملي الطاولة ولا تاكل

المهم طلبت وقلت لها بس ذا قالت اذا ما شبعت اطلب
واللهم لك الحمد تغصبنا على الاكل الا نخلصة
الاكل كويس
لكن للاسف اللي ضايقنا صاحب المطعم
دخل معي بنقاش بالدين وانا احاول اصرفة
كلمة ورد غطاها بالأخير قال
انتم يالخليج غريبين تبحثون عن الاكل الحلال وباخر الجلسة
ينزل لكم بيره وكحول
هنا عاد قفلت معي اقوله انا اتكلم عن نفسي
ولا تعمم
انا طلبت بدون كحول وخنزير او مشتقات الخنزيز

انت شفت طلب نزل يخالف الدين الاسلامي
قال لا انت كويس لكن لكن
فانصيحة اللي بيدخل المطعم لا يجلس تحت
لان صاحب المطعم راح يتسلى معك بالكلام وانت بجانب الكاونتر حقة





بعدها ما تغدينا رجعنا للفندق قلنا نجلس بالجلسة الخارجية الى المساء


وفعلا كانت من اللحظات الجميلة
ان قلت جو ومناظر وهدوء نوعا ما

من الغد ابومشاري انطلق لوحده لزيارة الاطلالة
اوريست هيد

ومن قبل شروق الشمس ومتوجه للاطلالة
الى تقريبا 7.15 صباحا
والعودة للفندق































وصلت الفندق وام مشاري كانت تنتظرني بالمطعم
المطعم بسيط ولا يوجد فيه خيارات كثيرة
لكن يؤدي الغرض

وطلبت قهوتي واعيد لهم ترمس القهوة بسبب انه كان دافىء
احب القهوة ساخنة جدا





خلصنا الفطور والشنط تقريبا شبة مرتبة
وقبلها طلبت من الفندق تامين تاكسي يوصلنا لفندقنا التالي
بمنطقة امبلسايد
Ambleside












حيث كانت وجهتنا التالية بفندق
The Ambleside Salutation Hotel & Spa

انتظرونا بالمنطقة الاخرى ان شاءا الله


يتبع...

اوريست هيد اطلالة جميلة ماينمل منها
والتوقيت ممتاز للذهاب للمطل

متشوقين نشوف فندق امبلسايد و اطلالته

ياجمال الطبيعة والاجواء المنعشة
اختيار الفندق ممتاز بنص السنتر
والاطلالة لحالها حكاية


مستفز الهندي ربي صب عليك الحلم ماشاءالله لو غيرك كان عصب وغلط بالكلام
لكن الاشكال هذي ماينفع معاها الا الطناش

وماشاءالله عيالنا مميزين نعرفهم من مسافة


ننتظر الفندق الجديد

تقرير جميل

ما شاء الله

تفتح النفس
مشكله اللي كذا يدخل بالنقاش معاك

ام مشاري تعرف لك بالطلبات بالمطعم

روقان

عليكم بالعافيه الريوووق والغدا والقعده الحلوه
مع صوت النوارس واليهال الخليجين هههه
المطعم الهندي هذا ما شفته بس الاسم مار علي
لو انا منك اقول له خلني آتهنى بغداي
ههههه عندنا خدامه الوالده قبل
اذا ناديناها وماترد
نقول لها ليش ماتردين علينا
تقول انا قاعده استمتع بوجبتي ما ارد عليكم ههههه

اما المطل زين ام مشاري عرفت التعب من اول مره
ماتبي تروح هالمره هههه
الصعده والنزله تتعب يابو مشاري

منتظرين الوجهه الجديده وسبب اختيار الفندق

اتذكر اني مصور فيديو كثير
بس عاد السن له دور
للان ما شفت اي مقطع ولا نزلت اي مقطع فيديو من الكاميرا

على وضعيتها من جينا من السفر

بنزل المقاطع واشوف قبل ما انتقل للمرحلة التالية اذا فيه مقاطع

انتظرونا باذن الله الويك اند هذا نكمل
ولو ان الأجواء هاليومين تذكرني بجو البحيرات

فيديو HD
للغرفة بالفندق واطلالتها




وهذا فيديو HD ايضا لأطلالة اوريست هيد