السلام عليكم جميعا
تقرير مقتضب من رحلتي الاخيرة
واختار لكم منها منطقة البحيرات

Windermere
Ambleside
Ullswater

فتره الاقامة كانت
من 15/8/2017
الى 20/8/2017

كانت المغادرة من لندن الى منطقة Windermere
عن طريق قطار فيرجن
وتم حجز الدرجة الاولى بسبب طول الرحلة ولما رايت بالسابق من الازدحام بين الركاب وكثرة الشنط التي تسبب المضايقة

تم حجز الرحلة باول يوم فتح فيه الحجز اي قبل الموعد بـ 3 اشهر
وبالفعل كان هو اقل سعر للدرجة الاولى
تذكرة شخصين 102باوند



وبصراحة تجربة تستحق المبلغ
كل 20 دقيقة - 30 دقيقة
اكل رايح واكل جاي وعصاير ومشروبات حارة
والموية موجودة بالكبينة على مدار الرحلة اشرب وخذ اللي تبي





ما يزيد الراحة بالمكان
هو انك كل ما تقدمت للشمال تشاهد جمال طبيعي مريح للنفس
ومسكن للمزاج
صور عامة للمناظر





































والسكن كان بفندق
فندق لورا اشلي - ذا بيلسفيلد
Laura Ashley - Belsfield

سبب اختياري لهذا الفندق
العام الماضي رأيت اطلالته وموقعه اعجبني
واحببت ان اجربه ليوم واحد

بعد وصولنا للمنطقة خرجنا من المحطة وامام البوابة
لك الاختيار اما تختار التاكسي او الباص
وقت خروجنا كان قد وصل الباص
وزحمة وبحسن نية ابومشاري
ياخذ لفة من امام الباص واكلم رجل يقص التذاكر وسالته ابي الفندق
قال 4.6 باوند لشخصين حاسبناه وركبنا باخر لحظة
قفل الباب على الشنطة لكن شاف التذاكر وركبنا

وصلنا الفندق وهنا تعبت من دخول الفندق
للاسف الفندق غير موضوح
مكان الدخول احنا دخلنا من امام الشارع العام وللاسف هذا
مش مدخل الفندق الرئيسي






تشوفون الصور فوق معي شنط وقلت لامشاري اجلسي تحت انا بطلع اشوف المدخل ودخلت على الاستقبال
واقولهم عندي حجز وانا جاي من هذا الطريق
اللي يقهرني ما دلوني على المدخل الرئيسي للفندق
وهو بدون صعود
نزلت اخذت ام مشاري وطلعت وارفع الشنط وحده وحده
من على الدرج

بعد تسجيل الدخول اكتشفت ان المدخل هو شارع صغير مقابل
كوستا كوفي







طبعا الفندق يغلبة وبنسبة كبيرة نزلاء من الخليج

طبعا حجزنا كان اطلالة على البحيرة
بسعر 229 باوند شامل الافطار

صور للغرفة



الغرفة نطيفة والفندق بشكل عام نظيف
اللهم ان دور المياة اكرمكم الله صغيره بالكاد تاخذ شخص
اعان الله اصحاب الوزن الكبير

























وهذه صور من شباك الغرفة المطل





وقبل الغروب كانت لنا جلسة جدا جميلة
اهم نقطة تاخذ طاولة بالمنتصف لتشاهد جمال المنظر











وهذه صور للفندق اخذتها بالمساء وفجر اليوم الثاني
لرغبتي بالتصوير بدون وجود نزلاء

والتصوير بالفجر هذا له سبب
سوف يتم ذكره لاحقا ان شاءالله








































يتبع...

منور يابو مشاري
تصوير ولا اروع ما شاء الله

الطلعة متعبة جدا ومع الشنط مشكلة
حتى للي يبغى يطلع وينزل للبحيرة كل شوي متعب
لكن الاطلالة خيالية

متابعين التفاصيل

احلى شي قطار فيرجن والدرجه الاولى
وغير اللي بالقطار عندهم صالة لاونج بالمحطات خاص لركاب الدرجة الاولى

ويا سلااااام خوش موقع لفندقكم
بس الطلعات اهي اللي تكسر الظهر
بس ليش ماعلمك ان في مدخل ثاني ؟ تدري ليش لانهم متعودين مو مثلنا
بس والله الصور روعه وااايد
الغرفه حليوه احسن من غرفتنا
اما الحمام نفس حمام غرفتي بغلاسكو

المناظر تاخذ القلب ماشاءالله روعه
صور الليل حلوه واعتقد صور الفجر علشان تصور الشروق

متابعين لا تتأخر

وعليكم السلام
الدرجه الأولي مريحه
تصرف سيء حقيقه عدم ابلاغك بالمدخل
ما شاء الله يالأطلاله