السلام عليكم
صبحكم الله بالخير،

عندي رحله يوم السبت لأسطنبول وعودتنا الجمعه ع الساعه 11 بالليل، وللأمانه مالي خبره كبيره فيها، وحاولت ابحث عن خرايط الأماكن السياحيه عشان اعرف ارتب الجدول لكن ما لقيت جدول يوضح لي المواقع،

رحلتنا عباره عن 8 نساء من عمر الـ 17 الى الوالده الله يحفظها بنهاية الاربعين، راح يكون معانا سائق خاص.

الأماكن اللي حابين نروحها: قصر دولما بهجة+ قصر توب كابي+البسفور+منطقى السلطان احمد وايا صوفيا
رتبت جزء من الجدول لكن ابي اقتراحاتكم في التعديل والاضافه عليه، وكمان حابين نروح يوم ريف لكن ما اعرف ايش الانسب


السبت : الوصول للمجمع+ميدان تقسيم وشارع الاستقلال
الاحد :الفطور في تقسيم+الباص السياحي
الاثنين:استينيا مول
الثلاثاء:التجول في السوق الصري والسوق المسقوف وما حوله + اعمار مول
الأربعاء:فطور في المجمع + الانطلاق الى فيا لاند بحيث يكون الوصول هناك قبل الساعة 10 صباحاً +العشاء في المجمع او شي قريب قبل اقفال المحلات
الخميس:
الجمعة:

وأيضاً بالنسبه للفيزا التركيه كثير قالو لي خذيها اون لاين ارخص لكن برضو كثير حذروني من المواقع المشبوهه، فـ كيف اعرف الموقع الاصلي؟


شكراً لكم