~||- جداول سياحية لزيارة اليابان -||~ (موضوع شامل)

AL-SAKAB · 01-01-2018, 09:32 AM

اقتباس : المشاركة الأصلية كتبت بواسطة ملللوك

غريبه بطاقه السفر حقت الاستثمار ماسحبت معك ؟
فيزا الراجحي الي معك هل هي مسبقه الدفع "تسوق " ؟

وش قصه الفندق وال 8 ليالي ؟
الستور لو تفيدنا ب اسمه وايش يحتوي ؟

" نصيحه "
لاتستخدم فيزا السفر الا اذا العمله حقت الدوله مضافه فيها
ففي حالتك حاول انك تستخدم فيزا الراجحي فقط

بطاقة السفر احاسب بها فقط لكن ماقدر اسحب كاش
حتى الان الحمدلله ماسبق ان تم رفضها

فيزا الراجحي الفضية لها حد سحب 1800 ريال فقط و ثم تجدد كل 72 ساعه
بصراحة كنت في موقف محرج جداً بدون كاش مع اني ما احتجت للكاش لكن نفسياً ما ارتاح بدون كاش في جيبي
جربت اسحب ببطاقة مدى ( الصراف العادية ) و الحمدلله قدرت اسحب اكثر من 50 الف ين
واعتقد انها مالها حد لاني سحب ثلاثة ايام ورى بعض احتياطاً

الفندق طبعاً غلطتي اني حجزت ودفعت لثمان ايام لانها كثيرة بصراحة
لكن الحمدلله عسى في الامر خيرة

فندق قريسري هوتيل في شينجوكو فندق محترم لكن المنطقة اللي هو فيها تجيب الكآبة
يمكن فاهمين قصدي

والستور اللي اشتريت منه الادابتر قريب من الفندق تقريباً 5 دقايق مشي
وفيه جميع اللوازم الكهربائية اللي ممكن تخطر في بالك

واكثر الزباين طلاب المدارس تقريباً اسمه ماعرفه بصراحة لكنه في بداية سوق شعبي بإعتقادي

اليوم جالس في الغرفة ما طلعت غير للغداء في المطعم الهندي اسفل الفندق
يمكن انزل للسينما لاني حاس بتعب فضيع في عضلاتي من كثر المشي في الايام الماضية
وابغى اريح اليوم على الاقل
صاحبنا الله يعطيه العافية نحيف و مشيه سريع حتى هو مستغرب اني ماطلعت اليوم
قلت له تعبان وراح نبداء بكرة الصباح ان شاء الله

وبالنسبة للاحتفالات البارح ماكان في شي يذكر في الفندق
مجرد عدد قليل من الاجانب و طاقم الفندق احتفلوا في المطعم
و كل واحد راح غرفته ينام

فيصل و Prince Kytu معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جداول سياحية شاملة اطبع وتوكل على الله ..	Toota2	بوابة ماليزيا	108	10-08-2019 03:30 PM
تخطيط لزيارة اليابان	نيشو	بوابة اليابان	3	11-09-2016 08:35 AM