ماتفرق كثير وعلى حسب رغبتكم .. الفولكس بتكون أرخص عادة .. وبما إنكم شخصين بس فعندكم خيارات كثيرة ..

فيه أنواع تجي كشف تعطي متعة بالسواقة بالأرياف

مراقب البوابة العامة ما قصر الله يعافيه عطاكم المفيد يعني فولكس واجن قولف ممتازة وسريعه وقوية بالطلوع والنزول بالجبال وغيره وسهله بالمواقف (موتر يعتمد عليه ) ....

انا اتعامل من النت مباشرة مع يوروب كار ما يحجزون اي مبلغ قبل الاستلام وعند الاستلام ياخذون زيادة 200 يورو من سعر الاجار (يعني مثلا قيمة الاجار 600 يورو يحجزون 800 يورو) سكست سياراتهم افضل وأحدث لكن يحجزون مبلغ مقارب لقيمة الاجار

لايف تايم قارمن ممتاز معاي من سنتين وما احتجت اسوي اي تحديثات والحمدلله

اخر سؤال

مكان الاستلام والنسليم حاطين مركز المدينة انا ماعرف بالضبط وين بكون
طبعا في زلامسي مو مشكلة اي مكان بقدر اروح بس في فيلاخ لازم الحق عالقطار اللي بكون ساعة 10:45 و انا بطلع من فنيسيا الى فيلاخ الصبح فأبي مكان يكون قريب من محطة القطارات حق أسلم السيارة شلون أعرف وين بكون؟

ما اعرف شلون اغير مواقع الاستلام مايطلع لي غير مركز المدينة

فيلاخ مافيها إلا مكتب واحد لــ يوروب كار وقريب مرة من محطة القطار تقريبا 1.5 كم .. 3 دقايق بالسيارة

شكرا مدام قريب من محطة القطار عيل تطمنت خلاص بحجز المرسيدس شكلي و ماقصرتوا كلكم يعطيكم العافية