السلام عليكم

الحمدلله بفضل الله ثم فضلكم كملت حجوزات الطيران والفنادق و الفيزا وباقي لي حجز السيارة

تنقلاتني بتكون بالقطار من فيينا إلى زيلامسي = أحجز القطار من الحين او هناك؟

ومن فيلاخ إلى فينيسيا بالقطار = حجزت القطار و وصلني الحجز بسرعة DHL لانه احتجته للفيزا

حاليا ابي احجز سيارة من زيلامسي استلمها و اسلمها في فيلاخ لمدة 5 أو 6 ايام وعندي كم سؤال عليها:

احجز من الحين او هناك؟ قير عادي أو اوتوماتيك؟ نوع السيارة؟ افضل شركة احجز منها؟ شلون ندفع للتأمين و شكثر ياخذون و متى يرجعون المبلغ؟
القارمن اللي مع السيارة عادتن يكون اوكي او افضل احمل وياي من هني؟ شنو الخيارات الزيادة اللي احتاج احطها حق الحجز؟

علما بأن احنا 2 أنا و زوجي

ويعطيكم الف عافية

وعليكم السلام ورحمة الله وبركاته

أتمنى لكم سفرة سعيدة ويحفظكم الرحمن في الحل والترحال

أنقل لك تجربتي الخاصة..

أولاً هناك مواقع داخل البلد لحجز السيارات وهناك مواقع دولية يمكنك حجز من أي دولة لأي دولة
جربي هذا
Billiger Mietwagen, Beste Preise Garantiert, Buchen Sie Heute! - rentalcars.com

ثانياً الحجز بالفيزا حتى لو معك المبلغ كاش فلابد من الحجز بالفيزا وحجز مبلغ قد يصل إلى 500 يورو

ثالثاً اطلبي عداد مفتوح + تأمين شامل + جارمن
الجارمن دولي وبه العديد من اللغات ومنها العربية ولكن ليس كل الأنواع...ولكن على الأقل هناك اللغة الانجليزية

رابعاً الديزل أوفر وأفضل من البنزين (حسب تجربتي).. أما جير عادي أو أوتوماتيك فهذا حسب المزاج والرغبة الشخصية


بالنسبة لإرجاع المبلغ فهم يبلغونك بذلك وعادة من 10 أيام إلى أسبوعين من تسليم السيارة

يعني تنصحوني احجز من الحين اولا؟
وقطار فيينا إلى زيلامسي بعد احجزه الحين او هناك؟
اي افضل؟

الحجز المقدم أفضل وأرخص بكثير من الحجز هناك وعند الوصول

توكلي على الله وقومي بالحجز

ماقصر اخوي Prince

السيارة احجزوا من الآن

بالنسبة للديزل والبنزين هذي ماراح تحصلونها بالخيارات لكن تقدرون تكتبون لهم ملاحظة أثناء الحجز ..

أثناء استلام السيارة اطلبوا منهم تأمين شامل

الجارمن تقدرون تآخذون معاكم واحد من هنا بــ 500 ريال وتركبون خريطة أوروبا وعال العال .. وفيه بعض البرامج على الجوال مثل السايجك ما يحتاج نت يشتغل على gps

القطار عادي بما إنكم شخصين بس تقدرون تحجزون هناك قبلها بيوم مثلاً

تحياتي

اوكي راح احجز من هني
بس القارمن اللي يعطونا موجود فيه كل الاحداثيات او لازم انا احطهم وقتها؟
اذا عندي قارمن افضل اني اجمله و احط فيها الاحداثيات من قبل؟

الجارمن عندكم novi 50 أو 52 أسعارها قريبة من بعض وتأدي الغرض وزيادة

الجارمن عندكم novi 50 أو 52 أسعارها قريبة من بعض وتأدي الغرض وزيادة

زي ماقال اخوي الكريم مراقب البوابة العامة يعطيه الف عافيه

وعند حل ثاني انك تاخذ نظام novi LMT لانه افضل من العادي novi
لان LMT تعني تحديث الخرائط عندك باستمرار حسب تواجد التحديث...
مثلاً لو اشتريت خرائط لاوربا حقت عام 2014 وسافرت 2015 ممكن يحدث عندك لخبطة في بعض المواقع الي انت تبي تروح لها
حتى لو اخذت الاحداثيات مضبوطة حتى لو كانت حقت عام 2014 ....وبنظام نوفي LMT ما راح تواجه مشاكل بسفرك لانه يحدث لك مواقع واماكن
رحتلك بكل سهوله لكن لازم تسوي له تحديث وتسجله باضافة ايميلك بموقع قارمن >>>>

بعض اجهزة النوفي الجديدة وخاصة Nuvi 3790 LMT وما فوق تحصل خرايط اوربا فيها جاهزة او تشتري ذاكرة وفيها كل الاماكن السياحية والمهمة لكن باللغة الانجليزيه ...

مشكورين وماقصرتوا بس بعد سؤال

شنو افضل خيار حق نوع السيارة فولكس ويقن او مرسيدس او اودي؟