تجربتي مع الفيزا النمساوية من السفارة الفرنسية

ماروكو · 09-03-2015, 11:13 AM

السلام عليكم ورحمة الله وبركاته

الحمدلله قدرت اطلع الفيزا في وقت قياسي بفضل الله ثم بفضلكم وراح اكتب لكم تجربتي

طبعا جدولنا بكون فيينا 3 ليالي / زيلامسي 6ليالي / فنيسيا ليلتين /اسطنبول 4 ليالي

في البحرين الفيزا النمساوية نطلعها من السفارة الفرنسية

جهزت الاوراق اللي يحتاجونها واهي :

الجواز الاصلي + كوبي / CPR + كوبي
التأمين الصحي / كوبي من تذاكر الطيران / كوبي من حجوزات الفنادق

حق اللي يشتغل لازم رسالة من الشغل أو اي اثبات من الشغل انك تشتغل عندهم و يمشي لك معاش شهري مو لازم مكتوب انك بتسافر و ستيتمنت من البنك حق 3 شهور
حقي أنا توي اشتغل فماكان عندي ستيتمنت من البنك بس وديت رسالة من المدير انه انا اشتغل هني و راح اسافر هالفترة و كيت كيت
لازم رسالة من الزوج انه بيتكفل بجميع المصاريف
طبعا الابليكيشنز و موقعة وااذا في شي ماعرفتوه هم يساعدونكم
صور شخصية بخلفية بيضة
طريقة التنقل بين البلدان ضروري وهاي اللي ماكان عندي اضطريت احجز القطار من فيلاخ الى فينيسيا و خذيت لهم الكونفرميشن حق يتاكدون
والحمدلله التذاكر وصلوني يوم ثاني من الحجز كلش ماتاخروا لاني حطيت على الدلفري يومين على اساس مستعجل ومايتكنسل طلب الفيزا
وياخذون البصمات طبعا هناك

ملاحظة: كل شخص لازم يكون عنده كوبي حق كل شي حتى الفنادق والقطاارات مايصير كوبي وحدة حق شخصين

الاشيا هاي خذيتها يوم الاحد / الثلثاء خذيت لهم كونفرميشن القطار والأربعا برزت الفيزا يعني ما اخذ لها شي الحمدلله

وجذي حصلت فيزا حق سنتين والحين باقي لي احجز للسيارة وقطار زيلامسي

وانشاءالله سفرتي بتكون نهاية ابريل

واتمنى انكم استفدتوا من تجربتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي مع الفيزا الفرنسية بالرياض	Mousa	فيزا	18	13-03-2018 09:02 PM
تجربتي في إستخراج الشنغن من السفارة الفرنسية بخمس أيام عمل ..	Mr.White	فيزا	13	25-01-2017 01:16 PM
تجربتي الفيزا الفرنسية يوم 28-6-2015 المركز الموحد جدة	JaMeeL15	فيزا	12	23-07-2015 06:50 PM
تجربتي في استخراج فيزا شنغن من السفارة الفرنسية	نجود	فيزا	12	02-07-2015 05:12 PM
تجربتي في استخراج الفيزا الفرنسية	ريلاكس مان	فيزا	16	02-05-2015 11:21 PM