السلام عليكم جميعا ،، يعطيكم العافيه

بأذن الله نويت السفر الى ماليزيا بعد تردد لاكثر من مره بسبب الجو

تعودت على جو تركيا ودول اوروبا ولان هالوقت برد عزمت على ماليزيا وان شاء الله ما اندم

طبعا احاتي الجو والامطار ..؟

المهم

رحلتي من 28 ديسمبر الخميس والوصول 10 ليلا
والرجوع 5يناير الجمعه الساعه 2 الظهر

شخصين مع طفل 3سنوات

1- ابغى ترتيب جدول لمنطقتين وهل في مجال اضيف منطقه زياده او يكفي

2- شنو تنصحون نستخدم مواصلات في التنقل وبين المنطقتين؟

3- فنادق ممتازه سعرها معقول

4- اماكن سياحيه تناسب الطفل ،، خصوصا اني شفته كبر وعزمت اخذه لان من اخر مره سفرته عمره 11 شهر تحسفت ههههه


والسموحه طولت عليكم بس جد جد محتاره هالمره

شكرا لكم

الترتيب يكون كذا

الوصول الجمعه ١٠ ليلا من بعدها الى سيلانجور
الاحد نعمل شيك اوت ثم طيران الى لنكاوي
الثلاثاء شيك اوت من لنكاوي الى كوالا
الجمعه الظهر شيك اوت للرجوع الى البلد

كذا تمام ولا؟

عندك سبع ليالي
خليهم 2سيلانجور
٣لنكاوي
٢ كوالا
اشوف يومين لنكاوي قليل
او خليها
ليلة بكوالا او سيلانجور
٣لنكاوي ثم
٣ كوالا
سالتي على الويستن كنت ماخذ ٣ليالي خليتهم ٢ليلة غرفة وليلة في الفيلا

بالفعل حتى على على الجدول اللي حطيناه لك الويستن غير متاح صار
المشكلة تاخرتي بالحجز
ان كنتي لاتزالين ناوية على السفر الى ماليزيا
ان في لنكاوي خذي برجايا سعره معقول لازال وهو منتجع جيد جدا
والاندمان ممتاز واسعاره لاباس بها وبحره رائع للسباحة بس معزول
او ان كان بس فندق ونظيف ورخيص خذي اديا واعملي جولات وروحي للبحر
او ان احببتي روحي بينانج اعتقد اسعارها معقولة لاتزال لان لنكاوي كل ماتاخرتي تزداد الاسعار
وان كنت افضل لنكاوي على بينانج وان اخذتي برجايا فما رح تندمي
موفقة