شكرا جزيلا اخي المميز كتكات

طيب لو قللت المده الى 15 يوم ابغى برنامج تفصيلي بمعنى توزيع الايام


وياليت اذا مافيها ازعاج ودي اعرف افضل الشقق في اوزنجول وكذلك طرابزون لانه احتمال العدد يزيد الى 7 كبار و 2 اطفال

وبخصوص حجز السياره دخلت على موقع كارينتل وحصلت سياره عائليه 7 مقاعد لكن سعرها اليومي جدا غالي يصل الى 450 ريال يوميا .. وش رايكم احجزها والا اخذها مع السائق اوفر ؟

اسف على كثرت الاسئله ولكم كل الشكر

أهلا أبو إيلان ...

بالعكس .. لا تذهب إلا وكل استفساراتك اطرحها هنا ...

تواجد الجميع هنا لنقل التجارب وطرح الخيارات وعرض الخبرات ...

وماتفعله من حرص ومتابعة وترتيب واستفسارات .. مؤشر بإذن الله لنجاح رحلتك ...

قلت لك في ردي السابق ... رحلتك في ( قمة الموسم السياحي ) لذلك لاتستغرب من هذه الأسعار ...

رأيي والأمر لك ... أن تستأجر سيارة تقودها بنفسك ... ثق بأنه قرار يتبعه إيجابيات كثيرة ..

سعر آجار السيارة أشوفه في حدود المعقول ... لإن في هذه الفترة كما أعرف ( تنفد أغلب السيارات الكبيرة )

الأهم أن تتأكد من وجود مكان مناسب لأمتعتكم .. عددكم ماشاء الله كبير ..

لذلك البعض يأخذ سيارة أكبر من العدد من أجل الأمتعة ..

بالنسبة لموضوع السكن في أوزنجول .. أغلب المساكن هناك متقاربة المستوى ..

الأهم إذا معك كبار سن حاول ما تأخذ سكن يحتاج صعود ( مرهق ومجهد )

وأغلبها عبارة عن شقق بغرفة و2 و3 غرف .. هناك القرية والأجواء تنسيك مستوى السكن ..

بالنسبة لطرابزون ... مليئة بخيارات السكن ( فلل فنادق شقق ) تعتمد ع ميزانيتكم ..

الأهم ابتعد عن الميدان .. زحمة وضيق شوارع ومستوى سكن متدني ..

بالنسبة لتوزيع الأيام .. هناك المثلث الذهبي للشمال كما يسمونه ..( طرابزون ، أوزنجول ، إيدر )

وهناك من يضيف لهم مدينة ( أوردو ) ... أفضِّل هذه الخيارات لوضع مسار رحلتك ..

وبالتوفيق ...

استدراكاً .. لآجار السيارة ...

إذا كنتم تستطيعون تقسيم عددكم بسيارتين ( صغيرتين )

ربما يكون خياراً مثالياً لكم .. احسبها صح وقرِّر مايناسبك ..

الله يبيض وجهك اخوي كتكات ويجزاك خير

تقريبا الرحله خلاص 15 يوم

تم تقسيمها على النحو التالي :
5 ايام اوزنجول
4 ايام ايدر
6 ايام طرابزون

معي عدد 4 كبار فالسن لذا خليتها قد الامكان استرخاء والتمتع بالطبيعه وعدم الاكثار من التنقل

حجزت فيلا في اوزنجول اسمها cinner villa
حجزت فيلا في ايدر في فندق هاشم اوغلو
حجزت شقق في طرابزون اسمها ذا لايف سويسس

والسياره حجزت من رينتل كار بسعر ممتاز 4900 ريال لمده 15 يوم سياره كبيره لعدد 9 اشخاص ..

الله ييسرها ....

السياره بالرغم من انها كبيره لكن بجرب متعه القياده بنفسي

أهلاً بك ...

جميل مافعلته ... وخيار السيارة موفق جداً .. بالعكس القيادة هناك ممتعة ...

تجنّب الأماكن المرتفعة ذات الطرق الضيقة والمنعرجات الحادة ..

سؤال يالغالي ... هل الأيام 15 أم الليالي ؟؟؟ تراها تفرق حبيبنا ..

علشان يكون التقسيم صحيح .. وآيدر قرية جميلة جداً لكن يكفيها ليلتين كحد أقصى ..

وتأكد يالغالي من السكن هل هناك صعود أم لا .. ( ضروري جداً )

وراح أحاول اتأكد بنفسي إن سمح وقتي

اونجول لو 50 يوم ما تمل من عندها

بس حذاري انك تطلع لمرتفعات شكرسو او بحيرة السمك

يعطبك العافية اخوي ماجد وماقصرت لكن الجدول تغير الى 15 يوم من (26 يونيو-11 يوليو) والتذاكر قصيتها وخلصت والعدد ارتفع الى 7 كبار (4 كبار فالسن) و2 أطفال كما ذكرت في مراسلتي مع الاخ كتكات اللي ماقصر وجميع الاخوان