كشته في مخيم وزارة الدفاع




مخيم وزارة الدفاع هو مخيم ترفيهي للعائلات
تكون فيه حجوزات للخيام المتوفره منها الكبيره والصغيره وفي خيام محوطه باسوار تكون اكبر وفيها مستلزماتها مع حمام خاص لهم

اما الصغيره وهذه كانت مع كراسي وطاولات وبدون فرش اضافي ممكن الواحد يجيب معاه فرشه اذا لزم وهذا اللي احنا سويناه فرشه صغيره لزوم العيال ولعبهم

وممكن للزوار ان يدخلون بدون حجز خيمه لان في خيام كبيره للاستراحات العوايل وكذلك في مقاهي ومطاعم


المهم بدل السوالف تعالو شوفو معاي المخيم

اولا ما صورت البوابه خفت ههههه
بس صورنا من داخل المخيم بعد البوابه
هذا مكان الاداره واي خدمات تحتاجونها




عند باب المخيم تلاقون عمال بعرباناتهم يحملون اغراضكم للخيمه






وكذلك في سيارات غولف تودي العوايل للخيمه اذا كانت بعيده احنا الحمدلله خيمتنا عند الاداره







خل نشوف خيمتنا






مو بس هذه الكراسي لا
احنا مطلعينهم بره والعالم كلهم مطلع كراسيه والطاولات والاكل لابد منه شوفو





















شوفو الاعلانات للمطاعم الموجوده في المخيم معلقينها بالخيمه
وعادي تتصلون فيهم وتعطونهم رقم الخيمه ويوصلون لكم اللي تبون








بعد ما صلينا العصر قمنا نتمشى ونشوف شنو بالمخيم

وفي الساحه الكبيره وفيها علم الوزارة وعلم الكويت الحبيبه
وحوالينها كشكات المطاعم ووراهم الخيام















مسرح للعروض وبما ان زيارتنا ايام دوام وللحين ما صارت العطله فالحفلات بعدها بس في مكبرات صوت واغاني وطنيه وطبعا يستخدمونها للآذان






شوفو المطاعم اللي مريت عليهم بالجهتين





















وهذه الخيام الكبيره اللي للزوار بدون حجز خيمه وتكون عامه فيها عائلات كثيره









ونفتر بعد ونلاقي تكرمون دورات المياه موزعه بالمخيم
نظيفه وعليها عمال نظافه





الساحه وفيها بعد العاب اطفال












وهني المقهى الشعبي




ومطاعم شعبيه بعد




وهذا معرض متواجد على طول فترة المخيم بس اعتقد البوثات تتغير









اغلبهم مو فاتح لان الوقت الظهر








وهذه سينما للاطفال





وهذه افلامهم واوقاتهم












ورجعنا لخيمتنا





يتبع.....

وبعد اللفه رجعنا خيمتنا ولقينا ربعنا يايين طبعا انا ضيفه ما ادري بكم سعر الحجز للخيمه بس يشترط ان يكون صاحب الحجز يشتغل في وزارة الدفاع
اعتقد انه سعر رمزي واكيد في خيام عامه مجانيه


وهذه قعدتنا آكل ومرعى








وغير المطاعم اللي قلت لكم وشوفو شنو موجود




والمغيب




الكهرباء موجوده بالخيمة ومفتوحة للكل وفي بلاكات للشحن او غيره








ولقرب المخيم من المطار كل شوي تمر طياره والقلب يتعلق معاها













وبعد الصلاة رحت جهة اليسار من الخيمه وشفت المطاعم الكبيره هني




















وهذه صالة العاب قبل المطاعم






لعبة النظاره الجيم






وهذه المطاعم هني


















ونمشي جدام ونشوف الالعاب الكهربائيه والنطاطيات وغيرها









لعبة انحش يا الذيب العملاقه













سيارات







لعبة الفوتبول العملاقه لازم اللاعبين يلعبون وهم لابسين الحزام اللي بالعمود
















محميه زراعه صغيرونه



وهني لعبة صيد الورد او السمك بشبكة ورقيه
المهم تملأ الكوب بالورد او تصيد سمكة قبل لا تتمزق الورقه
وتربح سمكة او اي لعبه من اختيارك








المهم لعبت دانه وربحت سمكة وحطيناها بحوض صغير واخذنا سمكة ثانيه بعد علشان زيونه

وبلقطات ليليه نكمل معاكم








وركوب الخيل والتعليم بعد موجود









والخيام العامه موجوده عند الالعاب


















للتلوين للاطفال


























ونشوف بعد باقي الالعاب





















الرمايه جربوها البنات














وهذه السمكة ربحناها حق زيونه وشرينا وحده بعد







ورجعنا نتدفى بعد ما طلبنا دوة الفحم ودخلناها الخيمه ودخلنا معاها لما استبرد الجوو









وسوالف وضحك مع لعبة بدون كلام شارينها من مكتبة جرير

















والعشا طبعا ما يحتاج اصور لكم كل واحد فينا اشترى اللي يعجبه من المطاعم
والساعه عشر ومع انغام اغنية

باي باي ...باي باي
مع السلامه
باي باي ...باي باي
مع السلامه

الاغنيه يذيعونها بالمكبرات ويعني انتهى المخيم والناس كلها تطلع

انتهت كشتتنا وطلعنا واتمنى ان يعجبكم المكان والتقرير

حياكم الله

مخيم الدفاع من المخيمات السنوية المميزة
وايد مرتبين وخيامهم نظيفه وعندهم فعاليات وايد خصوصا بالويك اند

ما شاءالله والله ما هقيتهم جذي مرتبين
حلوين وكل شي متوفر عليكم بالعافيه خوووش كشته
بعد هالسنة وايد يمدحون مخيم الداخلية ماشاءالله بنت عمي كل اسبوع تروح
الشي الوحيد اللي ما احبه المخيات واليواخر اروح مغصوبه عشان خاطر احد فقط لاغير وخبري في التخيم اذا تذكرون بر مشرف اخيييه احلى ايام
انا متعتي في الشاليهات
تسلم الايادي ام حسين