وللناس في مايعشقون مذاهب - الصفحة 2

مخاوي البر · 30-01-2018, 08:04 AM

اقتباس : المشاركة الأصلية كتبت بواسطة بوصلووح

ههههه
بعض الناس مأسورين في ذكرياتهم
و يحب يجمع اشياء بايخة في نظر الناس
لكنها بالنسبة له شي مهم لأنها مرتبطة بذكرى

اتخيلها وهي كل ماترفع لعبة تقول هذي شريتها من المكان الفلاني
هذي شراها لي فلان و هذي من المنطقة الفلانية
و هذي عطوني اياها يوم جاني ولد و هذي يوم سكنا البيت الجديد هههه

كنت احب اجمع اشياء بايخة و كنت احبها .. غراش العطور و الريالات الي ارقامها مميزة ههههه
لكن بعد ماكبرت و كثرت المشاغل ضاع كل شي و اختفى .. و اكتشفت انه بسبب فراغي كنت اجمع هالأشياء البايخة و السخيفة
لكن ذاك الوقت ماكانت سخيفة بالنسبة لي هههه

وعلى ماقلت .. و للناس فيما يعشقون مذاهب
يعطيك العافية

حياك اخوي بوصلوح
اي والله بعض الناس مأسورين في ذكرياتهم
حرام عليك ضيعتها لو هي باقية الى الان كانت ذكريات رائعة
انا احب احتفض بالذكريات... لاني اعتبرها تريح النفس
وتسرح بخيالك في ذاك الزمن الجميل
ولابد للانسان من ماضي جميل
يروي عطش حاضره الجاف

بوصلووحمعجبون بهذا.

مخاوي البر · 30-01-2018, 08:09 AM

اقتباس : المشاركة الأصلية كتبت بواسطة الايمان

اتوقع الوحدة هي اللي خلتها نعيش مع هالعاب ويمكن تسولف معاهم
الله يعينها هذه الالعاب يبيلها تنظيف وترتيب

هلابك اختي الايمان
انا اتوقع الاتحاد...! ههههههه
مداعبة... ممكن تكون الوحدة مثل ماتفضلتي الله اعلم
لكنها بصراحة غريبة عجيبة...!

مخاوي البر · 30-01-2018, 08:15 AM

اقتباس : المشاركة الأصلية كتبت بواسطة توبليرون

يحليلها زين تسوي
مسويه لها متحف من العابها

انا كنت اجمع غراش العطور وجمعت حتى الاهل يعطوني غراشهم اذا انتهو
وبعد ما انتقلت لبيت جديد قطيتهم وتحسفت ههههه
يعطيك العافيه على الموضوع الطريف بالاسلوب
شكرا لك

اهلين وسهلين... يا ام حسين
فعلا يعتبر متحف... بس احسه حوسة
وش سالفة تجمعون الغراش... وآخرتها حذفتوها
لو هي باقية الان كانت ذكريات غييير
يعافيك ربي... ومشكورة عـ اطرائك الجميل