31-01-2018, 07:43 AM
|
#1 |
مسافر متميز
تاريخ التسجيل : Dec 2014 رقم العضوية : 109 الدولة : السعودية - الاحساء الجنس : ذكر المشاركات : 277
|  موقع تجول لحجوزات الفنادق
السلام عليكم ورحمة الله وبركاته
حبيت انقل لكم تجربتي مع موقع تجول للحجوزات
TAJAWAL
بسم الله نبدأ...
فجأءه قررت اروح دبي..
جلست المدام تبحث عن فنادق (انا موكل لها هذه المهمه)
حصلت فنادق على موقع تجول مش متوفره على المواقع الثانيه (اقصد انها نفذت من المواقع الثاني)
(الفنادق في الشارقه ) ( انا دايما اسكن في الشارقه لفرق السعر وللتسوق ولغيره من الاسباب)
المهم حجزت فندقين (فندق لمدة ليله واحده .. اول ليله.. وفندق غيره لمدة ثلاث ليالي ) ليه كذا ؟ عندي اسباب لايسعني المقام لذكرها وليس هنا الشاهد من الحديث
تم الحجز الساعه 12 في الليل وعلى انه بنسافر ثاني يوم
نمنا ... مشينا الصباح على الساعه 10 ....عالساعه 4 العصر انا عند اللاست اكزيت في دبي
وشبكت على الواي فاي حقهم..
وشفت رساله من موقع تجول تقول انهم الغو الحجز على الفندق اللي حاجزه لمدة ليله واحده
ونرجوا التواصل معنا على البريد التالي...
وكان وقت ارسال الرساله الساعه 3:18 العصر
وارسلت لهم على تويتر وعلى الايميل حقهم رساله شديدة اللهجه ...
كيف تلغون الحجز في هذه الساعه وانا مستلم رسالة تاكيد الحجز ؟؟!!
هل بترجعون فلوسي او هل بتشوفون لي حجز؟؟!!
وانا جالس في اللاست اكزيت ردوا علي على تويتر وعلى الايميل انهم كانوا يحاولون يتواصلون معي على الجوال بس كان الجوال مقفل...
(انا اتخذت قرار وقتها اني بكمل الطريق وبروح الشارقه لعل وعسى اني احصل فندق او شقق)
ارسلت لهم على تويتر وعلى الايميل اني ماعندي نت وتواصلوا معي على هذا الرقم...
وحطيت لهم رقم اماراتي ورقم سعودي...
واتصلوا علي واعتذروا (انا وش اسوي بعتذاركم )
حنا بنرجع لك الفلوس ( انا وش اسوي بالفلوس ذا الحين؟؟!! ومتى بترجع ؟؟!! يبغى لها وقت)
حنا كنا بنتصل عليك عشان نحجز لك فندق غيره بس جوالك كان مقفل ( هذا مش عذر !! كيف تلغي الحجز وانا مستلم رسالة تاكيد حجز )
قال فيه بيننا وبين الفندق سابلاير وعطانا التحديث متاخر
طيب والحل؟؟!!
نحجز لك فندق في نفس منطقتك بنفس المستوى او ارقى
اوك حجزوا لي
ولا حصلوا في نفس المنطقه فنادق فاضيه (لاني كنت حاجز ثلاث غرف)
قالوا لازم في نفس المنطقه؟؟!!
قلت لهم لا مش لازم ..اي مكان ..المهم في الشارقه...
وحجزوا لي فندق قريب مطار دبي في شارع النهده وفي فندق ارقى من اللي انا حجزته ولادفعت لهم ولا ريال زياده 
طبعا عشت حالة توتر بس ولله الحمد انحلت المشكله
بصراحه احب اشكرهم على سرعة الرد على الرسايل على الايميل وعلى تويتر
تجاوبهم واعترافهم بخطائهم وتعويضي عن خطائهم
مثل هذا التعامل راح يخليني اتعامل معهم مره ثانيه بدون خوف
مع العلم ان الفندق الثاني اللي حاجزه ثلاث ليالي كان ايضا عن طريقهم ولم يتم الالغاء ولم تحصل اي مشاكل معه
يعني الفندق الاولي كان كبوة جواد او خطا مطبعي وتحصل في احسن المواقع
هذا والله اعلم...
| توقيع : رائد بومريم | | اجعل طاعة الله تجارة
تأتيك الارباح بلا بضاعة
| |
|  |
40الاعجاب
العرض الشجري
المواضيع المتشابهه 
