شكرااا على المعلومات يام بدر
ربي يحفظه ويحفظكم جمييع
متابعين لا تتأخرين

الآن انتظمت بالقرآءه ومتابعه معك
ماركة المكياج هل هي حلوه وكيف اسعارها لانه بصراحه ما قد انتبهت لها او سمعت حد من ربعي جاب لها طاري
متابعينك

ماشاء الله تقرير جميل روعة بالوصف وغني بالصور والمعلومات

احلى شي بالسفر العيال هم شمعة السفرة

الله يحفظهم لك وويبلغك فيهم

حركىة الفندق غريبة بعد اضافة 250 يورو ليش هو ماعطاكم فاتورة بالمبلغ الكاش ؟ على اعتبار انكم دافعين للمكتب الي بالكويت مسبقاً صخ ولا دفعتوا في الفندق ؟

ويوم شيك الي بالريسبشن مافهت استرجع لكم المبلغ لو لا ؟ يعني رجع الي دفعتوه

اذا رجعه زين الله يجزاه خير امين هالشخص والله ونادر من يسويها في مثل هالمواقف لانه يدري انه بامكانكم شكوى الموظف قانونياً

لكن هم يدرون ان حنا وش حليلنا طيبين ومانسويها لان الواحد جاي يستانس ومو فاضي يتشكى على مبلغ بسيط لذلك دائما انصح الكل بتوضيح جميع الامور خاصة في السكن وفي السفر ككل ومايعطي مجال للاحتمالات او مجال لاي شخص ممكن يستغل فرصة مو معلومة او واضحة لدي في ادجرائات سفري وحجوزاتي

متابعين معاك اختي واسمحي لنا طولنا عليك بالاسئلة

واااو اجزاء اتينن واتونس
عليكم بالعافيه بهبهانيه
إنتي ذكرتي بالتذكره تقدرون تدخلون البارك قبل موعدها بساعه يعني عادي اذا معاي هالتذكره ادخل مبچر قبل الاوادم ؟ اذا جذي والله حلو حق التصوير اخذها

والسيارة كل الفنادق عندهم هالميزه توصيل من ديزني الى باريس ؟ حلو بدال القطار ؟ جم تكلف السياره وجم ساعه الطريج؟

من تقريرج حطيتها في الكور حق الكريسماس الياي اذا الله أراد [emoji2][emoji2]

ليش ماطلبتوا فاتوره من الفندق عشان تحاججونهم فيها ؟ يالله أشوه رد لكم الثاني بيزاتكم

قواج الله ام بدر


Sent from my iPhone using Tapatalk

اليوم السابع 23/12/2014




اليوم اخر يوم لنا في باريس .. باجر بنروح امستردام


قعدنا الصبح نتريق ... المكان هادي جدا ومافي احد

والريوق متنوع










الحمدلله


طلعنا نتمشى




واستخدمنا المترو للانتقال الى الاوبرا .. قاصدين جاليري لافييت







في شوارع الاوبرا








احب الاكشاك اللي تبيع سوفوفينيرات .. اكثر شي احب اشتريه المغناطيسات تبع الثلاجه و السنو بوول










وصلنا الى نقطتنا ولكن قبل لا نغوووص في الماركات رحنا C&A

بالضبط مقابل جاليري لافييت



ملابس عمليه جميله للاولاد احب اشتري منهم

وطبعا مانقدر نشوفه وماندخل نشرب قهوه

عاد انا اخذت منهم باستري اخذتها من صوب الجيز باستري

حطيتها عند الكاشير ورحت اقعد عالطاوله ..

لمن زوجي راح يدفع جان يقوله هذي فيها هام (لحم خنزير)

الحمدلله انه نبهنا ولا انا كنت ماخذتها من صوب الجبن بس الظاهر احد حاطها بالغلط






خلصنا طلعنا الى جاليري لافييت

الاولاد استانسو عالفاترينه










حبيب النساء







بس ماصورت اكثر انشغلت بالشوبنق





بعد وقت من التسوق .. خلاص مانقدر نمشي ولا نستخدم المترو ..

قالي زوجي اشرايج ناخذ الباص منها نشوف المعالم بالجو الحلو ومنها نوصل الفندق

وافقت عالفكره

واحنا راكبين الباص شاف انه في عرض تذكره الباص مع جوله بالسين بسعر اقل .. جان ياخذ العرض





والحين اخليكم مع جوله على معالم باريس ..

كل معلم توقفون عنده يقولون لكم سالفته شنو












على كل هالمرات اللي رحت باريس ولا مره نزلت عنده .. ولا دخلت اشوفه .. ماتستهويني الصور والمتاحف والرسم












































قبل لا اسافر سمعت عن انهيار السور بسبب الاقفال والحمل الزائد المعلق عليها .. ماصدقت حسيت صوره مفبركه

لكن طلع صج





لاحظو شلون في اماكن مسكره بخشب



























وصلنا عند برجل ايفيل ونزلنا لانه من هني ناخذ الرحله البحريه






















تبون الصج دخنا وصار فينا النوم .. انا ماتحركت من مكاني داخل السفينه بس الاطفال طلعو فوق شافو البحر والهوا والمناظر الحلوه وردو انزلو لانه بررررد وااايد .. وبس ماصورت شي

تقريبا نمت


اظن الرحله مدتها ساعه


المهم ردينا حزه المغرب









تمشينا الى الما













استخدما الاندر قراوند للوصول الى فندقنا .. من الما الى جورج5 ..

متعب مع الاغراض اللي شارينها بس اللي يعافي العربانه اللي معلقين عليها الاغراض


نزلنا الفندق حطينا اغراضنا .. صلينا وطلعنا


وتمشينا بالشانز نكمل اخر المشتريات



وتعشينا بيتزا ..



ولازم كريب من الكشكات وبطاطا









هني انتها يومنا في باريس






لكن قبل لا انتقل الى امستردام




كان موعد القطار اللي بينقلنا من باريس الى امستردام الساعه 10:25 وهذا اول قطار يروح امستردام .. القطار ثايلس ( الافضل بين اللي جربتهم)

قبل لا اروح كنت سائله عن الرحله بالمنتدى وماقصرو اللي جاوبوني وقالولي اخذي اول رحله لانه القطار يكون موجود .. وفعلا كان موجود لانه انا معاي جنطتين كبار ووحده وسط وغير الهاند باق وجنطتي الشخصيه وجنطه الاطفال .. وعربانه اطفال

فنوعا ما لوووويه الموضوع


بس الحمدلله سهالات







المحطه


















حجزنا درجه اولى .. اربع كراسي على طاوله







الوجبه المقدمه






الى هولندا










....

راح انتقل الى جزء هولندا وبلجيكا .. بعدين برجع اكمل .. لانه بعد بلجيكا رديت باريس
وللموضوع بقيه

جزء جميل ومتابعين معك

يسلموو خيتوو ع التقرير الرائع
متااابع وياااك يالغالية

آخر مواضيع Haksa77

- ## الخيمة المغربية رقم (4) 2019 ## - افتتاح سفارة المملكة العربية السعودية في جورجيا - لمن يسأل عن جورجيا " الصور تتحدث لكم " - نبارك للعضوة المبدعة Sana منحها لقب " خبيرة المغرب " - موقع مهم للمسافرين للدول التي تتطلب فيزا شنغن

توقيع : Haksa77

يلومني فيك ي المغرب من لا عذرنا ولا شافك جاهل ومسكين مستغرب محروم من روعة أطيافك