الرحله جمليه بمنتهى الروعه أن شا الله كل سنه تعيدونها وانتوا بصحة وعافية يارب ..سبق وجربت الماجيك سيركس حبيبت اعرف رايج ومنو الأفضل هو ولا الدريم كاسل رايح يهمني لاني بحجز أسبوع كامل وتقبلي تحياتي ::

Welcome back في البوابه

ديزني ما تنمل أبدا البارك ، الاستوديو وحتى الفيلج

يهمني اعرف رايج في الفندقين ... انه جربتهم اثنينهم رغم التشابه بس فضلت واحد اكثر من الثاني

متابعين وناطرين احتفالات السنه الجديده في ديزني شلون بتكون

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

اليوم الخامس عشر 31/12/2014


اليوم اخر يوم لنا في ديزني لاند ... بنروح تركيا اليوم باجر الصبح 1/1/2015


نزلنا نتريق























هذي حديقه الفندق

بس كلش ماطلعنا لانه باول الصبح بررررررررد و غير جذي ماعندنا وقت نضيعه بالفندق








بما انه الليله احتفال راس السنه الميلاديه واحنا بنقعد بديزني نشوف العروض

قررنا نروح الصبح الاوتلت والمووول اشتري باقي الاغراض اللي كانت ببالي وماشريتها





ايام الكريسماس كانو مسوين عروووض اكثر اليوم كل الاسعار مثل ما اهي

غير جذي كنت ابي جنطه وما اخذتها على اساس اشتريها اليوم .. لكن مااااكو خلصت شروووها

فنصيحه اللي تبي شي لاتخليه .. تاخذه على طووول






حق اللي يخافون من الشتا والبرد .. ترا ما يحلى الايس كريم الا بالبرررد














محبوب البنات








وبما انه راح نرجع الكويت والاطفال يبتدون مدارس على طول ثاني يوم

قلنا نقص شعورهم حق المدرسه











القصه سعرها مناسب جدا


5 دنانير كويتي تقريبا






خلصنا من المول وتغدينا بالمول ..

بعدها ردينا الفندق حطينا اغراضنا وطلعنا








ومن هالوقت لي الليل بديزني


الوضع كان زحمه وكل ساعه تزيد الزحمه

بالبارك اما الاستديو مافي احد


قصينا فاست باس حق لعبه باز ولا الموعد الساعه 10 ونص

قالولنا اليوم بسكر البارك والاستديو بعد الساعه 12 .. او بالاصح بعد عرض راس السنه











كنا بنلعب لعبه راتاتولي بس ماكو امل .. الفاست باس مسكر و الدور يبيله اكثر من ساعه





قضينا الوقت تمشي و مشتريات


واكل








هذا الشي لذييييذ

شريناه اول يوم من السوبرماركت وماكليناه الا اليوم ..حسافه جان ماخذه منه وااايد

طلع لذييييييذ

بوب كورن مغطى بالكاكاو



















رحنا الفليج نتعشى

وكانو مسوين عرض





وردينا بعد العشا البارك












وصار موعد بااااز





حسيت اليهال تعبو و يبون ينامون

قلت حق بوبدر .. خلاص خلينا نرجع مو لازم نشوف العرض والالعاب الناريه


وبوبدر شاف بعيوني انه ودي اقعد .. بس عشان الاطفال


مارضى قالي نقعد .. كل سنه نسافر ودج تشوفين عروض راس السنه ومايصير

ولا تطوفين لانه بكره بتحسفين


وفعلا قعدنا والوقت بالغصب يمشي لانه كل شي تسكر

والناس كلها تجمهرت جدام القصر تنطر العرض


وصااار زحمه مو طبيعيه اصلا ما نقدر نطلع من الزحمه


و الناس كلها قاعده عالارض

عاد انا نومت والاطفال بالعربانه وغطيتهم ونطرننا


و كااان برررررد الارض بارده بس تحملنا




لين صارت اللحظه

والعد التنازلي بالفرنسي

(انا مصورته فيديو بس مادري شلون انزله.. اذا عرفت بحطه)


وبعدها العاب ناريه


بعدين عرض مال كل يوم مدته 30 دقيقه تقريبا


وخلصنا وردينا الفندق .. رتبت الاغراض ونمت


وثاني يوم كانت طيارتنا المغرب تقريبا



فمن الظهر رحنا المطار نخلص التاكس فري

وزين انه رحنا قبلها بوقت لانه كان زحمه



وطرنا الى اسطنبول


الطياره تأخرت ساعه تقريبا على ما طارت .. واحنا ترانزيت ساعه بس يعني طيارتنا الثانيه اللي المفروض تودينا على مانوصل تكون طارت
المهم مو بس احنا بالطياره بهذا الوضع .. اكثر من 50 شخص كانو نفس حالتنا والكل يسأل شنو بيصير

قالت لنا وحده قاعده ورانا انه صاير هالموقف فيها من قبل والطيران عطوها سكن بفندق لحين موعد اقرب طياره








وصلنا اسطنبول وبس انقتح باب الطياره .. دخل واحد يقووول كويت كويت ويأشر بسرعه الطياره الثانيه

ناطرتكم


وبسرعه نروح الطياره





ثم الى الكويت





و اللي حصل من تاخير ولخبطه وبسرعه بسرعه

وحده من جناطنا ما وصلت


بلغنا عنها


والحمدلله بعد 4 ايام تقريبا وصلت الكويت

--------------------------------------






شكرا من قلب لكل كلمه كتبت وشكرا للمتابعه

خلص تقريري

وان شالله اكون اضفت ولو شيء بسيط للبوابه


وانا حاضره لاي استفسار بخصوص ديزني لاند

يعطيج الف عافيه يا ام بدر
مرجع مهم لكل زوار ديزني
ورايك في الفنادق مهم ومفيد
تشكرين وناطرين تقارير لرحلات جديده

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

شكرا لك ولا قصرتي
ربي يسعدك علي هالتقرير اللي بإذن الله راح يفيد الكثير وتوصل لهم المعلومه

ابدعتي يام بدور
وزين سوى بوبدر وخلاج تنطرين العرض
والا شيفكه بعدين ما شفت العرض وما وديتنا
ربي يخليكم لبعض
ماجيك سيركس والا غيره المهم احط جناطي واطلع استانس
وبالليل انام واريح
انا عجبتني خدمتهم حتى نص الليل دقينا عليهم يوو عندنا
شكراا للتقرير وكل ما قدمتي
توني مستفيده من اسم الاوت لت
كل كلمة تكتب فيها فايده حتى لنا احنا
شكرااا يام بدر وعساج كل سنه تسافرين صيف واشتا هلشان نستمتع معاكم

يعطيك العافية معلومات كافية ووافية

مع اصدق المنى برحلات قادمة

وسعادة دائمة