السلام عليكم ورحمه الله وبركاته ...

اول شي شكرا جميعا على عوده المنتدى ...

ثاني شي التقرير هذا كان المفروض اكتبه من زمان بس النوت اللي كاتبتها بالتليفون ضاعت وقاعده احاول قد ما اقدر اتذكر التفاصيل بالرحله ...



الرحله من تاريخ 17/12/2014 الي 1/1/2015 ..

مقسمه بين ديزني لاند باريس .. باريس.. امستردام .. بروكسيل .. ثم العوده الي باريس

( انا ودي اكتب التقرير كامل هني .. بس قولولي رايكم.. او اكتب كل دوله بروحها ؟؟)



الجزء الهولندي

http://www.arabtrvl.com/vb/t5033.html#post85265


التخطيط كان من قبل شهرين من الرحله .. بحكم عطله الاطفال في شهر 12 قررنا نوديهم ديزني لاند (الهدف الاساسي) .. لانه اخر مره رحنا لها كان ب 2011 ومايتذكرون التفاصيل فيها

ولاني ابي اروح مكان ثاني غير باريس قررنا نروح امستردام وبالمره بلجيكا







كان الحجز عن طريق الخطوط الجويه التركيه بسعر ممتاز 163 دينار كويتي

كويت - اسطنبول-باريس-اسطنبول - كويت

الترانزيت ساعه بس





اليوم الاول 17/12/2014


الرحله كانت الساعه 6 صباحا .. انطلقنا للمطار قبلها ب 4 ساعات ادري وايد بس لانه ماكان في احد يقدر يوصلنا قبل الرحله


لحسن الحظ الكاونتر كان شغال












دخلنا الشنط .. وقعدنا ننتظر بقاعه الؤلؤ بمطار دوله الكويت

حتى موعد الاقلاع ..




حتى وصلنا اسطنبول بعد 3 ساعات ونص تقريبا ... الطياره كان فيها تلفزيون









و بسرعه عالطياره الثانيه




حتى وصلنا الى باريس الحب






مطررر









وبسهوله خلصنا الجوازات وكان في تاكسي حاجزينه من النت ناطرنا بالمطار ..

وانطلقنا لي فندقنا بديزني لاند



فندق ريم كاسل





















اول مره نجربه .. اخذنا غرفه عائليه



وصلنا تعبانين ودايخين نبي ننام لكن الحماس ماخذنا ... .

بس غسلنا وصلينا وطلعنا على طوووول على ديزني لاند .. انا متحمسه اكثر من الاطفال









الحين الخطه شنو ؟؟؟

احنا حاجزين بدايه الرحله ديزني لاند ونهايتها بليله راس السنه بعد .. والفندق مايوفر مع الغرفه تذاكر .. ولانه اذا حجزنا تذاكر الحين وبعدين ليله راس السنه يومين راح تطلع علينا وااااايد غاليه

قررنا ناخذ منهم التذكره السنويه .. اللي اسمها ديزني باسبورت .. طبعا فيه انواع وكل نوع يختلف عالثاني بالايام .. يعني اقل نوع بينهم يمنع الدخول في ايام العطل وهذا مايناسبنا


اخذنا اللي اسمها Fantasy 20th annual passport سعرها 169 يورو


ميزتها ايضا عليها خصومات بالمطاعم والمحلات ... استفدنا واااايد من الخصم




ولانه الوقت متأخر تقريبا كانت الساعه 6 فدخلنا البارك شوي لعبنا الاطفال اللعب البسيطه وتسوقنا شوي









رحنا الفليج ناكل لنا لقمه ..




الشي اليديد محل ليقو موجود .. والاطفال غرامهم ليقو





بعدين رجعنا البارك





قعدنا شوي بس لانه تعابانين رجعنا الفندق نرتاح ونستعد لليوم الثاني











وتصبحون على خير

وعليكم السلام ورحمة الله وبركاته

كل جزء بمكانه أفضل


ايه ما الومك أوقات الفجر ما تلقى

متابعين
وشاكرين لك

مثل ما قال الاخ فيصل
كل جزء بالقسم المختص

و بعدين حطي روابطهم في الموضوع عشان يتكامل التقرير


متابعين

تقرير من بهبهانيه بنت الكويت
اكيد بكون رووووعه
فاقدتج من مده مادخلتي المنتدى
جان كتبتي بالديوانية انه عندج تقرير
ترى انا ماره بالصدفة هههههههههه

بداية تقرير مميز...

متابعين

وعليكم السلام

صدقيني حتى لو ما ذكرتي كل التفاصيل فكل معلومه تذكرينها راح تفيد احد الأعضاء
واحنا متعودين على تقاريرك الباريسيه ( الديزنيه) المميزة

متابعين معاك

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

عاشت بهبهانية عاد حزتكم كنا بنروح يوم ديزني ونرجع من لندن بس قلنا مايسوى حسيت يبلها مبيت ماتسوى نفس اليوم
حطي اهني بعدين فصلي كل ديره

ما شاء الله يا زين صور المطر [emoji299] [emoji7]

تقرير جمييييل في انتظار التكملة[emoji477]

اليوم الثاني 18/12/2014




قعدنا الصبح مبجر نزلنا نتريق بالفندق .. البوفيه بسيط مافيه تنوع وااايد بس الحمدلله




عندي مطاره ماي للاطفال عبيتها ماي من الفندق و زهبت جنطتهم ماي وبعض السناك الخفيف وبعض الحاجات المهمه ..


في العاب بالفندق يلعبون فيهم لحين وصول الباص اللي ينقلنا الى ديزني لاند





ووصلنا الى عالم الاحلام











لازم نصور جم لقطه عند الفندق


والقصر ... مانشبع منهم










اذكر اخر مره كنت بديزني كان هني حاطين ستيج للعروض .. لكن هالسنه ماكو ولاحظت انه التصوير مع الشخصيات بساعات محدده ودووور حتى عروض مافيه بالساحات نفس كل سنه

قبل لمن كنت اروح كانو الشخصيات يتمشووون بين الناس ونصور معاهم




انطلقنا الى اول محطه








الموسم هذا ازحم موسم بالسنه اتوقع ... واااايد زحمه اجانب (عطله الكريسماس) وكل يوم عن يوم تزيد الزحمه


يعني ننطر دور اقل شي ساعه بالالعاب الجماعيه .. والالعاب الفرديه اكثر ..

وبعد حتى الفاست باس ما ياخذ اكثر من وحده .. اقصد لي خذينا فاست باس حق لعبه مانقدر ناخذ حق وحده ثانيه الا اذا طاف وقت معين ينكتب بالتذكره مالت الفاست باس









اول مره ادخل بيت علاء الدين على كل هالسنين اللي رحت










اطلب وتمنى





هذي السفينه لانها تاخذ عدد كبير يمكن اللعبه الوحيده اهي و سمووول ورلد اللي لعبناها اكثر من 5 مرات يمكن





طلعنا بعدها للمين ستريت لانه في عرض قادم



طبعا جدول العروض موجود عند الباب






















































حبيب الاولاد بززز و وودي





























نفسهم حلووووه













واخر العرض عربه سانتا كلوز



















خلص العرض ورحنا نتغدا





لاحظت هالسنه بعد ماعندهم العلب الملونه اللي على شخصيات دزني


...


الكشكات منتشره بس انا افضل اشتري من المحلات ولو انها نفس السعر ونفس البضاعه






لعبه بززز اللعبه المفضله ولكنها عله ... طابور اكثر من ساااعه وغصبن علينا لازم نوقف لانه الاولاد يحبونها وغير جذي لاحظت اكثر من عربه مغطينها كأنها خربانه ومو بس بهاللعبه باكثر من لعبه مادري ليش مايعدلون ويسووون صيانه





يعني المفروض مكان بمستوى ديزني المفروض المفروض يلاقون حل للطابور الطويل .. ووقت الزحمه والمواسم







لازم نشتري من المحل اللي يم اللعبه





على فكره في تاكس فري على فاتوره ديزني اذا وصلت باليوم الواحد 169 اعتقد ماني ذاكره بالضبط ..







غرااااامي





وبناهية اليوم بعد اللعب والمشتريات .. سوينا التاكس فري وكان في عرض على شجره الكريماس .. عرض ليتات وثلج









على فكره عندهم خدمه توصيل المشتريات لي الفندق اذا كنتو ساكنين بأحد فنادق ديزني لاند


...

اخر شي رحنا الفليج كنا بنشوف السينما








بس كل الافلام بالفرنسي .. بس انا ثقافتي اسبانيه ماعرف فرنسي



من داخل السينما





ورحنا ليقو


اليهال شرووو ماخلو شي











و بس خلص يومنا الثاني ...

وتصبحون على خير