اليوم الرابع بدبي 17 يناير 2018







قعدنا بهاليوم وانا بديت بالحنة على البنات سكروا شناطكم بنسوي تشيك اوت مبجر

بس لازم اطل من الدريشة والجوو شوفو المنظر







ماشاءالله



















شايفين المواقف بالخلف كلها للفنادق اللي بسطرة فندقنا









شايفين العمارة اللي على اليسار هذه اللي كان فيها مطعم بافلو اللي تعشينا فيه







والعمارتين هذيل مع جسرهم ذكروني بابراج ماليزيا اللي بتقاريركم















وهذه عمارة المطعم قريبة صح بس تعرفون لفتنا شوفوها بالصورة الثانية رسمتها لكم













تجهزت انا وسكرت جنطتي وحسين وزوجته كذلك كنا مقررين نتريق ببوفيه الفندق ورحنا وهو بالطابق 43 اعتقد المهم بالاربعينات هههه



ورحنا نتريق اخر ناس احنا بندش قال لنا بعد نص ساعة بنسكر

قلنا ميخالف وحساب الواحد 70 ريال



البوفيه عادي جدا واحلى مافيه ان هناك شيف يسوي الاومليت

وطلبنا اومليت ورحنا ناخذ من البوفيه ...ماصورت البوفيه لان زحمة وبيسكر اشلون اصور والا آكل

وهذا ريوقنا شوفوه



دور المطعم











































وصورت من دريشة المطعم النظيفة



















وبالنسبة للمصعد حاطين لكم طريقة استخدامه







بعد الريوق نزلنا الجناط والبنات وطلبنا التشيك اوت







وبانتظار اللي يسون تشيك اوت نشرب قهوة







الصرف بهالوقت









الناس تنطر







على ما يسوون التشيك اوت البنات راحو ستاربكس يتريقون







سوينا التشيك اوت وسوو فينا حركة مو حلوة

كنا حاطين تامين 300 درهم

وبعدين ما عطونا إياهم وطالبنا فيهم وان احنا معطين تأمين قالو لنا ان هذا صار للتاكس

طيب ما ذكرتوا هالشي واحنا دافعين كل شي من الأول

مادري عنهم مارضوا وحاولو يوضحون لنا بس مو مقتنعة في هالشي

فاديروا بالكم من هالحركة

المفروض يكونون حاسبين التاكس مع السعراول شي مو بعد ما نحاسب

هذه الفواتير بعد التشيك اوت











وعطونا رايكم قصوا علينا والا صح




ونبي نشوف لنا تاكسي







واخذنا تاكسي بعد ما خلينا جناطنا عند الكونسيرج بالفندق .....والى وين طيارتنا بالليل الساعه 12

بس عندنا وقت طويل والحين الساعة 12 الظهر

شوفو وين بنروح ,,,,

عليكم بالعافية الريوق
وايد حلوه الباركس وحظكم حلو انها فاضية
لاني سمعت انها وايد زحمة
الحين بكمل باقي التقرير

يوم رائع في الباركس وخصوصا بوليود شكلها يونس خصوصا تمثال الايد اللي عليه حنه فعلا اجواء هندية
عليكم بالعافية العشا فرعه بالكويت وايد لذيذ

شلون كافيه ليتو نفس لندن ؟
عليج بالعافية المشتريات وايد حلوه هالخدمة اتوقع انها يديدة ماكانت موجوده قبل وايد تريح

لامير


طلعنا وقلت لهم نروح لامير..
وومن الطريج لازم اصور









طبعا مرينا على السيتي ووك
هذه البناية كل بلكونة فيها اباجورة بالليل تشب ليتات مصورتها باول يوم بالليل عند السيتي وولك































وهذا اتجاهنا






ونزلنا هني ....وبدأ الاستمتاع بشاطئ لامير










الحساب هالمرة على حسين ...كل طلعة واحد يدفع التاكسي انا وحسين وبنتي









طبعا اذيتكم كل شوي اقول لكم عن الجو والوقت مناسب مافي زحمة
صج روووعة































وللي يحب المشي يلا هذا الميدان يا حميدان

























المكان حلوو وبمللكم من الصور ....

والجوو روعه لاهو بارد ولا حار

رحت اتمشى بروحي والبنات بعد راحو صوب المحلات يقولون في سيفورا ومادري شنو والمطاعم والكافيهات وايد










اهتمام بالشاطئ كبير































أنشطة بحرية وشاطئية










غرف الدوش وتكرمون الحمامات















هالمطعم بنرد نقعد فيه


















حبيت المكان وايد







































ترى شي حلو ان الدوش له مجاري خاصة ولا تروح على الرمل










والعاب الأطفال متوفرة































واشتهيت البرييد ولما طلبت قلت له عندك كي نت قال لا
وييي فشله طلبت وماعندي ولا فلس
وقلت له طيب تاخذ كويتي قال اي عادي
وعطيته واخذت برييدي




حلوة اللوحة للي ما يعرف الانشطة







ورجعت
















ولقيت البنات قاعدين بمطعم بارك ايرس ونادوني









المنيو






وما اشوف الا يابولي كرك من داخل وطلع من حسين وزوجته داخل المطعم قاعدين







وهذه الصورة من مكاني بالمطعم




ماي العايلة




هذا طلب بنتي اللي ماتريقت



كلينكسهم المرطب













وهذه قهوتهم طلبنا قهوة عربية طلعت قهوة نبتة









وهذه كيكة البنات لذيييذة حييل واطلبوا ثنتين
































الفيديوهات








وبس طلعنا انا وحسين وزوجته الى ....والبنات ظلو يتمشون هني وبيسبقونا حق دبي مول

تابعوو ني

مطعم ..خالد حرية


الحين بنكمل معاكم ...حسين وده نروح مطعم خالد حرية
وبما ان البنات توهم متريقين انقسمنا قسمين
البنات بيتمشون بلامير وبعدها بيسبقونا دبي مول
واحنا رحنا مع راعي تكسي
قلنا له نبي المطعم ....تابعوو صور الطريج احسن ونشوف بعدين

محلات قريبة من لامير







البيوت هني تهبل
















الغيوم




منو المنخش ؟؟




هذا المنخش عساه دايم مرفوع بالعالي





















وهالشارع شكله يطل على ميناء



























عجبتني الألوان














بعد السوالف والضحك مع راعي التاكسي نزلنا بالمكان الغلط نزلنا بسوق الذهب
واحنا قلنا له نبي المطعم بسوق نايف قام يقول هنا قريب وقص علينا
وخلانا نمشي مشي ......بس ماعليه اخذنا جم دراعة ههههه




وكل ما نسال الناس يدلونا على السوق ويقولون بعيد ادخلو مني وادخلو مناك وطبعا زحمة سيارات والشوارع الداخليه مافي رايح جهة مانبي المهم تمشينا

عجبني اللون










المشكلة هالمحلات مافي جهاز الكي نت للدفع
ما شريت الا دراعة ولا من فلوس زوجة حسين فشله قالت خالتي اعتبريها صوغتي لج
اشوة اني ما نقيت اكثر

ومافي بنك قريب

المهم وصلنا المطعم






وهذا طلع فرع صغير يقدم بس الريوق وبعض الاكلات الخفيفة

شايفين حاطين خريطة للمطعم الثاني



وصور عنه




اهني احنا دخلنا ماندري













هني قلنا لا نبي غدا وقالو تلاقونه بالسوق الشعبي وطلعنا ....نمشي هههه

بعد ما مشينا مسافة وندور تاكسي ....تعبت قال لنا واحد الفرع اللي كنتوا فيه عندهم سيارة توصلكم للفرع الكبير
بس ماقالو لنا الموظفين هناك عن هالخدمة مفروض يعلمونا

من الطريج والتعب شغال




لقينا جهاز سحب وسحبنا قبل لانوصل للمطعم السابق





بوكبوس اهو اللي قال لنا ان عندهم خدمة توصيل بس بعد شنو







وركبنا تكسي من هني وادليه بالخريطة يسوي روحه ما يدل طبعا لأن السوق الشعبي قريب وهو المطعم موجود فيه

والا نلمح السوق قلت له وقف وقف بيمشي ويعصب لان ما طلع وايد فلوس
قلت له كاهو تقول ماكو
هذا ثاني واحد يسوي دقة فينا
المهم نزلنا ومادري جم عطاه حسين

وهذا السوق الشعبي وطلع عنده مواقف ومن الجهة الثانية مواقف بعد






.........تابعووو

ودخلنا السوق محلات شعبية لكل شي







ياحلاتهم




























هالمحل شريت منه دراريع خفيفة للبيت بس بعد الغدا






والمطعم موجود بنص السوق بالوسط الكراسي والطاولات وعلى الجانبين قسم المطبخ والكاشير والثاني للجلسات الداخليه










القعدات اتونس ذكرتنا باللذي مضى









ما يحتاي بعد اصور لكم المنيو والا اشرايكم






ووصل الطلب ...مجبوس دياي بغينا بخاري مافي مخلص




وطلب حسين
جشيد



المقبلات الخليجية هههه ناقص الآجار













السفرة اللي من الخوص مفروشة على الطالولات وعليهم جام




واحنا قاعدين شفنا الشيف حالد حرية قاعد يتغدى ورانا

وهذه ديكورات المطعم







وبعد ما خلصت دخلت الغرف المخصصه للجلسات الأرضية والا كلها صور للمشاهير اللي حضروا هني















والكل مصور مع خالد حرية































وهني بعد ما تغدى الشيف قعد يشرب شاي ويتقهوى وتمر عجبني هذا ابي منه يام علي




والناس تصور وتسولف معاه




ويي كا محل الخوص خلاص ام علي لازم ارجع انا اشتريه




عطور وبخور












وبعدين كلمنا خالد حرية وسوالف مع حسين عن السالمية ورجالات السالمية وبالأخص عن سالم الحماد النائب السابق




واخذت معاه لقاء حق بوحسين هههه قام يمدح بتربيتي لحسين احم احم



وصورنا بعد هالسلة نسيت اسمها اللي كانو يحتفظون فيها بالاكل علشان لا يوصل له الحشرات والداب













وطلعنا من الباب الثاني تقريبا شوي وصرنا على الشارع العام
ومافي تاكسي ولا مواقف تاكسي

وعبرنا الشارع شفت المسيد ويمه سيارات تكسي واقفين
واحنا ننطر راعي التاكسي وقفنا تكسي ثاني ومشينا معاه






الشمس حمت هني بس الجو بالظل حلو




ومشينا الى دبي مول






ونتابع بالجزء الياي