ونتابع .....



اخر يوم بدبي مول طبعا النهار للحين والساعة صارت الحين 4.30 مساء

ومرينا على خور دبي بالسيارة اصور









وثالث سايق ماله خلق اليوم
والسايق اقول له روح حق البرواز خل نشوف المكان عاد
يقول شنو برواز ما اعرف هههههه

لما مرينا قلت له هذا البرواز بس وين ماله خلق يودينا







البرواز يقولون بعد مكان ممتع للعوايل مطاعم وكافيهات وفيه بعد جسر زجاجي تشوفون الشارع تحتكم







حللته تصوير












ووصلنا دبي مول










تمشيت بس من البوابة للمصلى بصلي قبل المغرب
لفيت المول لحد ما حصلت المصلى



اطل من فوق واريح





















وهذه صور بناتي بهاليوم اخذتهم وانا بين الصلوات انزلهم









استانسوو على كافيه بينو القصر مال غلاسكو



هذه من لامير









واخيرااا لقيت المصلى واتيدد وادخل اصلي الظهر والعصر .....وبعدين قعدت انطر صلاة المغرب













خلصت من صلاة المغرب واطلع انطر دانة قالت بتييني ...ووقفت اصور

دليلي حق دانه ووحدة غالية علي ادز لهم الصور علشان يعرفون مكاني







وبعدين وين رحت ؟؟

الميلس



الروح تبي الروح
والطيور على اشكالها تقع
والصداقة كنز
صداقتنا تكونت من المنتدى وتقابلنا مرات ومرات بالكويت
بس هالمرة هني بدبي بديرة صديقتنا الغالية هاوية الأسفار

ام علي الحبيبة
اتفقت معاها قبل لا اسافر ان راح اشوفها باخر يوم بدبي مول لاني اضمن اني بكون هناك بهاليوم
وانا بدبي مول راسلتها قلت لها انا موجودة وين تبين نقعد
قالت مطعم الميلس ودزيت لها الصورة اللي تحت قالت لي
ورا هالمحلات بيكون المطعم وسبقتها انا هناك




وكانت غنومة مصورة هالمكان قلت لما اخلص مع ام علي اروح له




ومن هني دخلت للمطعم



اوووه لقيت الشمسيات بنفس المكان












قعدت اشوف المنيو ...وبعدين قلت له انتظر صديقتي بعدين نشوفه



ويت الغالية ام علي وبعد السلام والسؤال عن الحال قمنا نشوف المنيو مرة ثانية
ايباد ومركب على ستاند جميل
نكمل صور المنيو









وطلبنا ووصلت طلباتنا










الحمص لذيذ عندهم



سلطة بالسمسم




وهذه بعد بداخلها دياي شي معتبر









عصيري موهيتو












صورة جامعة للمائدة العامرة عساها دايمة يام علي







ولذيذ على دياي انا اكل وبس ما اذكر الاسامي















عصيري لذيذ



وهذا بعد ما خلصنا يابو لنا الطيب



الاكل كان وايد ومرت علينا غنيمة تحط اجياسها ههه وقعدت معانا شوي وقامت
المهم تعرفت عليها ام علي
انعم الله عليج ام علي والله يديمها نعمة على اهل الامارات جميعا
كان احلى لقاء وجميييل

قالت ام علي انا بوصلج لعيالج وقمنا نتمشى







وحسين يخاف من الزحمة تصيدنا بروحتنا للمطار
المهم وانا أقول لام علي هذا ولدي
لا لا مو ولدي
لا ولدي انا مخليته قاعد هني
لا لا مو اهو

قالت ام علي ام حسين اشفيج ما تعرفين ولدج
ههههه قلت لها ولدي لابس دشداشة وهذا نفسه بنفس الحجم والمقفى والنظارة بس هذا لابس بنطرون ههههه

والا نمشي شوي واشوف ولدي نفس القعدة ولكن على المقاعد الثانية
قلت لها ها ام علي في فرق والا لا
قمنا نضحك ههههه ماشاءالله يخلق من الشبه أربعين

.......

نهاية السفرة


وبعد ما تجمعوا البنات رحنا لمواقف التكاسي وركبنا سيارتين علشان بنمر الفندق ناخذ جناطنا ونروح المطار




خدمة التوصيل موجودة بدبي مول بعد شوفو اللافتة فوق






سايقنا هالمرة مينووون يسوق بسرعه ويلف رونغ سايد اشوه محد انتبه عليه







اخذنا الجناط وسيدا للمطار واول مانزلنا حطينا اغراضنا اللي اليوم شريناهم بالجناط ودخلنا المطار




خلصنا التشيك ان واحنا اول ناس يمكن رايحين مبجر
ودخلنا للبوابات وصعدنا المصاعد




تعرفنا على مكان بوابتنا ....



وبعدها تمشي بالسوق الحرة




شايفة قبل لا اسافر برنامج ان هالقلم مخترعينه شباب عمانين

بس هني شفته اجنبي ...تسوون منه اشكال مجسمات



عروض بالمطار



وتمشي وتسوق طبعا اخذت كاكاو وبسكوت ...وتصوير










هني رحت اقعد والا ربعي كلهم هني







هنيييي وقته الحين شريت شاي والبنات اللي اخذ قهوة واللي اخذ توست وانا اخذت توست مع المشروم كم وحدة حق ربعي اللي بالكويت يتريقون فيها







انصحكم وبقووووة لا تقولون الناس يشوفونا والا الناس بيقولون انتو سويتوا جذيه والا جذيه ,,,,,لا يهمكم الا نفسكم محد راح ينفعكم ...دلل نفسك




بعدين رحنا صوب البوابة وما شاءالله انترسوا الكراسي ....اخذت كرسي واتمدد عليه









وتعليق القحطاني ههههه







ونزلنا البوابات تحت وكان معانا بالطيارة قرووب كبير من الفلبينيات .....الظاهر كانو اخر دفعة من الفلبين للعمل بالكويت ....لان عقب رجعتنا لقيناهم مانعين استقدام العمالة من الفلبين









دخلنا الطيارة وتشغيل الأفلام والشاشات من اول ما يفعله المسافر ليش هههه



شفت فيلم ليوناردو




وآكلهم اللي ما جاز لي







ووصلنا الديرة













العربانة الكبيرة للجناط بالمطار سعرها 2 دينار ....الصغيرة 1 دينار
طبعا الاحسن الكبيرة للعايلة



وحصيلتي من الكتيبات والمشتروات القليلة
















واقلام غنيمة




حقي







وهذا حق بوحسين ككاو من حليب الجمل

بس ليش غااالي









ولازم لولي بوب حق زيونة



وهذا كان غداي مضبطتنا عليا... ولقيت وردي مفتح لازم اصوره لكم




والختام ....وشكرااا لجميع المشاركين والغير مشاركين الف شكر

ونلاقيكم بسفرة أخرى ان شاءالله

الحمد لله ع السلامة يا أم حسين ...

تقرير ممتع ومفصل بمعلوماته وجولاته وجمال مايُطرح من تجارب ومواقف ..

دبي مدينة متجددة .. ذات خطوات متسارعة .. لذلك أي زيارة لها كأنها استكشاف ..

لامير .. منطقة راااااااائعة ويبدو بأنها أحدث مشاريع دبي ..

قرأت وشاهدت وسمعت عنها .. لكني لم أحظَ بزيارتها .. للأسف ..

( خالد حرية ) عرفته مشجعاً بالمدرجات .. وآخر زيارة لدبي قبل 5 أشهر ..

شاهدته في سوق نايف .. الحين عرفت سبب تواجده هناك .. ظنيتها صدفة ..

طيب ماعطيتينا تقييمك لمطعمه ...

حركات سائقين التاكسي المتكررة ( كما ذكرتي ) هي ماكنت أقصده في بداية تقريرك

استئجار سيارة في دبي أفضل بكثيييييير من الاعتماد ع التاكسي ..

وشهادتنا في ( أم علي ) مجروحة .. من الأخوات الناشطات ..

كريمة في عطائها .. وفي أصالتها ... واختيار ( الميلس ) كان موفق ..

الحضور المبكر للمطار خصوصاً ( العائلات ) مهم جداً جداً .. لتفادي أي طارئ ..

استمتعنا كثيييييييراً برفقتك يا أم حسين ...

واسأل الله لكِ طولة العمر وأن يحفظ لكِ هالعائلة الجميلة ويجمعكم ع الودِ والسعد ..