دبي المتعة الحقيقية



تقرير جديد لدبي الممتعة
اقدمه
ل
شبكة ومنتديات العرب المسافرون

كانت رحلتنا لدبي بعد تخطيط قبلها بشهر تقريبا
حجزنا كان على طيران الأمارتية ب 50 دينار تقريبا للشخص
وقبل السفرة بيوم حجز ولدي معانا طلعت عليه التذكرة ب105 دينار

فرق الضعف
علشان جذيه الحجز المبكر افضل

وحجزنا الفندق شقة فندقية بالأمارات جراند
تقريبا 350 دينار كويتي لثلاثة ليالي حجز مسبق لخمسة اشخاص

يوم السفرة كان يوم 14 يناير الفجر

هذا وقت الروحة



وهذه الردة

[IMG][/IMG]

وصار الموعد وطلعنا من البيت الساعة 1 تقريبا




وصلنا المطار




والمطار كان زحمة لأن عطلة المدارس بلشت عندنا تقريبا وقفنا اكثر من نص ساعة مع الزحمة بس كان في ترتيب من قبل مظيفين الإماراتية



اخذنا الجناط الكبار علشان نسوي مجال لاغراض التسوق



اخذنا الجوازات لآن حجزنا كان بالاسماء اللي بالجوزات لان البطايق الأسماء مختلفة باحرف للبعض
علشان جذيه قلت اخذ الجوازات احسن






خلصنا من الجوازات واخذنا البوردنق



ورحنا صوب المطاعم وصرفنا الفلوس



الصرف من بنك الكويت الوطني



كانت 100 دينار = 1200 درهم تقريبا

والبنات راحو يشترون لهم عشا



وهذا عشاهم دجاج كينز اللذيذ





وانا طلبت منهم يشترون لي كباتشينو ...يابت لي دانه كراميلو مادي شنو بس طلع حلوو



خلصوا البنات ورحنا صوب ممر البوابات وبوابتنا اخر شي



شفنا سيارة الغولف وصعدنا فيها






وصلنا البوابة ودخلنا للطيارة بالوقت المناسب

ممر السعادة







المفروض كان يمي ولدي يوسف بس صار مكانه رجل مصري










وطارت الطيارة



شوفونا فوق مطار الكويت اللي شكله على طيارة




السماعات موجودة مغلفة دائما






شوفو اشلون ماسكتها لان الله يهدي اللي حاط علج لاصق فيها

شوفو مكاني ورا احنا اربع صفوف من كرسيين وجدامنا 3 كراسي
جدامي مسافة حلوة لمد الرجلين وخاصة اليمين مريحة




وصل الريوق







الفجر









بينت دبي












الحمدلله على السلامة
واسطول الطيران الأماراتي....عجيبة الصورة قولو الصج




ووصلنا دبي بالموعد وهني بالاصنصيرات الكبيرة







اخذنا جناطنا وطلعنا ...الجناط كانوا بالاحزمة اللي على يسار الصورة









وطلعنا للتاكسي وكنا نبي تكسي كبير لست اشخاص قالو لنا خليكم واقفين طلبنا لكم




أسعار التكاسي باللوحة



وهذا تاكسينا




عنده جهاز نفس الايباد يحسب العداد




وصور من الطريج







والبرواز










وصلنا الفندق ....تابعوو بالجزء الياي

دبي المتعة الحقيقة

فندق الأمارات جراند

الجزء الثاني لأول يوم





وصلنا الفندق



هذا عند باب الفندق




محطة المترو قريبة




وهني اللوبي






اهني عام 2018



فندقنا قعدنا هني مقابل الباب
الصورة مغبشة بس حطيتها علشان تشوفون المكان




ومن مكاني على اليسار مكتب للرحلات وتأجير سيارات والكونسيرج









الريسبشن




مكتب تابع للريسبشن والتشيك ان فقط وقت الزحمة






أخذ منا التشيك ان ساعة تقريبا والريسبشن يعني ماعليه زحمة
وايد بطيئين الموظفين جدااا جدااا
طلبنا سريرين اكسترا

طبعا ماراح يدخلونا الحين الدخول الساعة 2
واحنا الحين الساعة 8
عطونا وصل نروح فيه للكوفي لنا مشروب مجاني للجميع
وهذا الكوفي في الفندق



























فينا من طلب قهوة وانا طلبت عصير طعام ....قصدي عصير برتقال

كله طعام ...حبوب البرتقال طلعت يمكن خمسين حبة طلعت

عطونا هذه الورقة لتعليمات وخدمات الفندق



بعد العصير وبعد ما ريحنا طلعنا لدبي مول ....بحطه بجزء ثاني

ولما صارت الساعة 12 ونص رجعنا الفندق ويزرعونا بعد وكل ما اكلم الموظف يقول بعد ما طلعوا الناس
او يقول يجهزونها اذا اجهزت الغرفة اناديج
وهو حتى ما سألني عن حجزي ولا التشيك ان

بعد شوي والا اشوف اللي كنا مكلمينها الصبح وأقول لها عن الشقة
وسيدا امسكت الشاشة وقالت الشقة جاهزة بس يشيكون عليها وعطتنا المفاتيح وقلت لها لا تنسين الاكسترا بد ابيهم الحين
قالت اوكي
وهذا يماطل الله يهداه

هني وقت ما كنا ننطر ينادينا الموظف
نتقهوى باللوبي
وشوفو المكتب الصغير للشيك ان والعالم حوله...ولا الموظف دزني لها قلت له انا خالصة التشيك ان بس بستلم شقتي









خووش قهوة
صعدنا شقتنا وكان تحكم الاصنصير عجيب ...تحط رقم الدور في جهاز وهو يقول لك أي مصعد بيوديك
المصاعد ما تأخذ الا اربع أدوار يعني حلو ما تنطر كل المصاعد واي واحد تدخل لا كان شي مرتب

الجهاز



شوفو الجهاز بس واحد تحط الرقم وتروح للمصعد اللي طلع لك رقمه مع الصوت






شقتنا بالدور ال 29

الصالة ومحتوياتها















باب الشقة وعلى يمينه ممر فيه تكرمون الحمام وبعدها الغرفة الرئيسية وحمامها
وومقابل الحمام الاولي الغرفة الثانية



والمطبخ















احسن شي تلاقون شرح استعمال الغسالة بالعربي




الغرفة الرئيسية






يعلمونكم عن السيفتي بوكس



الغرفة الثانية










تكرمون الحمام اللي بالصالة






باقي لنا المطل للشقة وهذا بكل مكان حوالينا ناطحات السحاب




وبرج دبي يبين



شوفو المواقف كثيرة والفندق بعد بخلفه مبنى ثاني تابع له قلت لهم ابي مصلى بالريسبشن اول ما وصلنا قال روحي المبنى الثاني
قلت له عطني كرسي ودليني القبلة وروح قعدت عند مكتب تاجير السيارات ماكان في احد




نكمل جولتنا الأولى بدبي مول اللي كانت قبل الدخول للفندق ... بالجزء القادم

دبي مول

اليوم الأول



بعد ما سوينا التشيك ان طلعنا على ما يصير دخول الشقة
رحنا دبي مول نتمشى توه فاتح










تموذج لبرج جديد سيتم انشائه في دبي
احنا النموذج ونقول عالي اشلون بالصج ....غنيمة تقول وين بيوصل البرج

عمار يادبي .....ماشاءالله

























وقعدنا انا وحسين بالقهوة مقابل حوض الاكواريوم والبنات يتمشون



قمت اتمشى وشريت حلويات حق زيونة



بعدها طلعنا صوب البرج نبي نتغدى مبجر



وتصوير البرج ضروري




















مطعم ام شريف







وهذا المطعم اللي بناتي يبون يتغدون عنده










هذا غداهم














مطعم بوسبورس


واحنا اخترنا هالمطعم طبعا شغلنا دانة مترجمة
















وصل اللبن التركي



والبيبسي






والخبز الحار توه طالع من الفرن




ورق العنب



حمص




طلبي وطلب دانة










وطلب حسين وزوجته شيش طاووق
















الاكل زاد وايد اخذناه عطيناه واحد

الحساب يايبنه بعلبة شكل الجسر مو واضحة الصورة




بعد الغدا اللذيذ قررنا نرجع الفندق
وهذه الصور واحنا رايحين للتاكسي قالو لنا من داخل






















كان في طابور كبير بس الحمدلله كان يمشي واخذنا تاكسيين مالنا خلق ننطر تاكسي كبير













طبعا بعد ما دخلنا الشقة الكل نام بعد ما صلينا الظهر والعصر جمعا وقصرا

الجزء الياي نشوف وين رحنا ببقية اليوم الأول

ماشاء ع التقرير

ما شاء الله تبارك الرحمن
كما انتي دوما وأبدا مبدعة اختي
ام حسين وان كنتي معصبة شوي من
بدايتها هههههه متابعين يالغالية
ومستمتعين حفظك الباري ومن تحبين ،،

السيتي ووك

مساء اول يوم



بعد ما ريحنا بنومة عدلة ثلاث ساعات
قعدنا على قريب المغرب وتجهزنا وصلينا وطلعنا للسيتي ووك
وتواعدنا مع عيال اخوي نتقابل هناك اهم واصلين قبلنا بيوم

وهذه طلعتنا







عجبتني الاباجورات بالعمارة




تقريبا وصلنا







نزلنا هني ...




لوحة الاتجاهات







المكان حلووو واول مرة ازوره وايد حلو والمطاعم اللي فيه راقية ومتنوعة




محل الكاكاو



جدامه على الطوفة هذه المحركات تحط فلوس ويتحركون اعتقد بعد تحصل كاكاو











مطعم الماشوة الامارتي ماجربته بس ولدي جربه بيوم ثاني يمدحه








المكان حلوو والأجواء احلى بالبراد







ملعب غولف صغير والظاهر كان في دعاية لشركة تجارية




وصلوو عيال اخوي واكتمل عددنا وبدت المتعة للعيال مع ربعهم

ورحنا على اليمين من النافورة












شخصية الكوكيز تتمشى




العربانات للاكل والبرييد والقهوة بكل مكان









هذا عليه زحمة

يتبع.....