السلآم على الأخوه الأعضاء الأفاضل
اختلاف الرأي لايفسد للود قضيه طبعأ .
انا زرت اثيوبيا الى تاريخه 18 مره منها عمل ومنها سياحه سفرات كانت لوحدي وسفرات كنت مع الأهل والأطفال .
بصراحه مطعم بيت المندي اسؤا مطعم دخلته في حياتي لماذا ؟
النصب عينك عينك طلبت منهم مندي لحم لأربعة اشخاص سفري وانتظرت وكان السعر مبالغ فيه وجاب الطلب وخذته للفندق وحصلت الرز مقبول ككميه ولاكن اللحمه نص مندي وليس 4 رجعت لهم وقالوا لا هذا حق اربعه اشخاص وحاولت ارجعه ورفضوا علمأ بأننا لم نمسه اطلاقأ رجعت ورحت لمطعم صنعاء واطلبت لحم فقط اربعه مندي والله انه قد ما اعطوني ببيت المندي ثمان مرات وطلبت مره ثانيه من النخله وكلهم كميات معقوله ومذاق احلى من بيت المندي .
طلعت بنتيجه ان مطعم بيت المندي مبالغ بأسعاره حسب خبرتي ونصابين بمتياز وللأسف معطيهم اكراميه مجزيه ونهم يستغلون العرب بشكل لايتصوره عقل .
نصيحتي لمن يريد ان يأكل مندي يامطعم صنعاء بامطعم النخله يامطعم المندي القديم لاكن ديكوره متواضع .
ملاحضه مطعم بيت المندي نصب ومذاق سيئ وخدمه وسط ديكور جدأ راقي انا مارحت ابي اكل ديكور وينصب على رحت ابي آكل أكل نظيف ومذاق وسعر مثل الناس .
ارجو ان اكون افدت الأعضاء الأفاضل والمتصفح ولو بالجزاء القليل وتحياتي الخاصه للمشرفين الأفاضل وصاحب الموضوع الموقر .
تقبلوا مروري بكل حب وتقدير للجميع

فعلا كلام الاخ الخالدي صحيح وانا جربتهم اكثر من مرة لاعجبني الاكل ولاعجبني السعر ومن وقتها قررت اكل اكل حبشي فرصه والاكل العربي ملحقين عليه لما نرجع . ... واستغرب في بلداننا ندور الاكل الحبشي والهندي والاندنوسي واذا سافرنا نروح ندور للاكل العربي ..المفروض السفر فرصه لتجربه اكلات البلد