السلام عليكم ورحمة الله وبركاته

الصراحه اكثر منتدى استفدت منه كثير بخصوص السياحه في الدول الاسكندنافيه شكرا لكم..

انا عندي رحله عائله مع طفلين اصغر من 6 سنوات راح يكون الوصول الى اسلو 12/7/2018 والمغادرة من هلسنكي تاريخ 30/7/2018
راح احط لكم جدول الرحله وابي ارائكم للمعلوميه هذا تقريبا المتفق عليه بس نحتاج رايكم في الموضوع

أوسلو/ ثلاث ليالي
فلام/ ليله
سترين/ ثلاث ليالي
جيرانجر/ ثلاث ليالي
بيرغن/ ثلاث ليالي


التنقل راح يكون بسيارة في النرويج لاكن بين اوسلو وسترين محتار وين اوقف حطيت فلام بس مو متاكد منها بالضبط

في تاريخ 25/7/2018 راح يكون الاقلاع من بيرغن الى فنلندا
ليلتين راح تكون في kakslauttanen
واخر الايام في هلنسكي والاقلاع الى الرياض

الى الان الجدول غير موكد 100% احتاج نصائحكم

وعليكم السلام

الله يحييك بيننا يا غالي

الجدول حلو
وصولكم اوسلو 3 أيام فيها ومن ثم استلام السيارة والقيادة الى فلام والراحة فيها
ثم الى بيرغن 3 أيام ومنها الى سترين 3 أيام ثم الى جيرانجير 3 أيام
العودة الى بيرغن وتسليم السيارة هناك
والطيران الى هلسنكي او ستوكهولم وهي التي ارشحها

ارشح يكون قضاء باقي الايام في ستوكهولم السويد
لكثرة الخيارات فيها

يعطيك العافيه..
الي فهمته من كلامك م احتاج سيارة في اوسلو ( هل اوبر يكفي)

بخصوص السويد كنت ناوي اروح لها بس غيرت رائي بعد ماشفت المنطقه هذي في فنلندا شي جديد وتغيير

في اوسلو ممكن تستعمل المواصلات العامة
باصات او اوبر

بس هذي المنطقة ماتنفع لك
معاك طفلين صغار
هل ناوي تاخذهم معك ؟

طفل عمره ثلاث سنوات
والثاني 6 سنوات

البرد مارح يكون قوي جدا لان السفره راح تكون في جولاي يعتبر صيف في المنطقه..

مانستغني عن رايك؟؟
هل تنصح او لا؟

طيب لو حبيت اغير فنلندا
تنصح بالدنمارك او السويد

انصح بالسويد لقربها
ولانها من النوع اللي فيه نشاطات عائلية كثيرة

نسيت اقول ان نمط الحياة هذا ماينفع لعائلة معها اطفال
لو زوجين ومغامرين نقول مقبول تروح لهذا المكان في فنلندا
اما كثرة التنقل وبهذا الشكل متعب للعائلة ككل

مقترحي لك

اوسلو 3 ايام

سترين 5 ايام ومنها تزور جيرانجير

فوس 3 ايام ومنها تزور فلام ( وفلام بلدة صغيرة جدا ممكن في يوم واحد تلفها هي والاماكن اللي حولها )

واخر يومين بيرغن