السلام عليكم ورحمة الله


انا بسافر ايطاليا من 26 ابريل الى 15 مايو
يعني 15 يوم

وابي اروح روما و فينيسا و ميلان وكومو و بورتفينو و لوقانو

وصراحة محتاااااااسه جدا ومخي تعب من كثر ماقريت قلت مالي اسألكم يا الاجاويد
عندي كم سؤال وتكفون تكفون تكفون ساعدوني والله ماني قادره ارتب افكاري
1-اول شي ايش اسم مطار روما الاساسي ؟ لاني لما ابحث يطلع لي اكثر من مطار
2-ثانيا هل اقدر اوصل على روما وارجع الرياض بعدين من ميلان ولا ماينفع؟
3-ثالثا هل تنصحوني ابيت في ميلان و اروح كومو و بورتفينو و لوقانو كل وحده بيوم وارجع انام في ميلان؟ لان في وحده نصحتني بهالشي ابي رايكم
4-وابي اعرف هل اقدر اتنقل بين المناطق مثلا روما و فينيسيا و ميلان وكومو و بورتفينو و لوقانو بالمترو و القطار؟ و ايش الفرق بين المترو و القطار
تحملوني شوي بس خايفه لانها اول رحله انظمها ومابي استعين بالمكاتب لانهم اكلوني باسعارهم والله
5-و ايش افضل اوتلت في هالمناطق كلها ابي تقولون لي عن افضل اسم لاني شفتهم كلهم واحترت اي واحد اروح
6-واحتاج نصايحكم عن مناطق السكن في كل مدينه
يعني مثلا فينيسيا وين اسكن ابي فندق مو غالي وقريب مني كل شي او بالباصات اروحلها لاننا مابناخذ سيارة ولا احد فينا يسوق للاسف
ومو لازم تقترحون اسماء فنادق بس هم شي ابي افضل شارع او منطقه في كل مدينه ذكرتها عشان اسكن فيها او حولها

7-وكيف بيكون الجو وقت سفرتي؟ ايش نوع الملابس الي اخذها؟


يعطيكم الف عافية صراحة موقع جباااااار
سويت الفيزا عن طريقكم لا خلا ولا عدم ❤❤❤ماكنت اعرف فيها شي بس تعلمت منكم

اسمه
مطار ليوناردو دا فينشي
هذا رمزه FCO


اسكن ببرغامو

https://www.arabtrvl.com/vb/t32312.html


من ميلان الى روما بالقطار 3:30 ساعات انا سويتها رحت و رجعت بنفس اليوم
من ميلان الى فينيسيا 2:30


افضل اوتلتين هم سيرفالي - قريب ميلان و نوفينتانا قريب فينيسيا


الجو ربيعي و حلو

خذ فكرة https://www.arabtrvl.com/vb/t32018.html

اي افضل
ولو شفتيها اغلى خليها ميلان ذهاب و عوده

من ميلان ممكن تزورون كومو ولوغانو وفنيسيا بالقطار وتوجد رحلات مباشرة
اما بورتفينو فممكن تزورونها من ميلان بالقطار من محطة ميلان سينترالي
ومدته من 3 الى 4 ساعات تقريبا الى بورتفينو
والقطار فيه عدة توقفات وبدون ماتنزلون منه وتنزلون منه في محطة Rapallo
ومنها تركبون باص الى بورتفينو ومدته تقريبا 27 دقيقة والرجوع نفس الشيء


مقترحي لكم لتوزيع الأيام

3 أيام روما
3 ايام فلورانس فلورانس ومنها زيارة برج بيزا
3 أيام فيرونا ومنها تزورون فينيسيا
6 أيام ميلان ومنها زيارة كومو ولوغانو وبورتفينو اذا اردتم .. بالإضافة الى اوت لت سيرفالي