رحلتي الأولى لـ أندنوسيا , نخوتكم .

wloahmed · 08-03-2018, 06:57 AM

السلام عليكم ورحمة الله وبركاته .

بالبداية حابه أشكر اعضاء المنتدى المتميزين واللي ماقصروا معي بالمساعدة لرحلتي العام الماضي لماليزيا , وعارفة ماراح تقصرون معي بالسفرة هذي بعد

..............

بعد متابعه لتقارير الاعضاء تحمست و قررت أني اسافر لاندنوسيا هالصيفية .

بس محاتجة مساعدتكم .

الرحلة بتكون لشخصين "أنا وزوجي "
من 2 اوقست إلى 15 اوقست .
14 يوم ب 13 ليلة .
باقي ماحجزنا التذاكر . بس بتكون ع الخطوط الاماراتيه تقريبا السعر بيكون بين 2200الى 2400 .

ميزانيتنا للسفرة 18 الى 20 ألف , هل تكفي للسفرة كاملة ؟
..........

ابي اقتراحكم لتقسيم أيام الرحلة على المناطق " جاكرتا , بالي , بونتشاك "
وهل تكفي رحلتي أروح زيارة لـ لومباك من بالي أو باندونق من الجبل ؟

وبغيت اذا ماعليكم أمر , اسماء فنادق في كل منطقة ؟
."مع العلم بيسونا علم مالقيت حجز فيه "
"وودي بمنتجع ببالي نفس "منتجع برجايا بلنكاوي " اكواخ ع البحر عدل , بحثت ومالقيت شي سعره معقول ومناسب ؟

وايش أجمل منطقة للسكن في بالي " أوبود , كوتا , دنباسار , سيمينياك "؟

مخاوي البر · 08-03-2018, 08:07 AM

باذن الله خبراء العمة... ماراح يقصرون معك
بالتوفيق ان شاء الله

alradadi · 08-03-2018, 08:58 PM

عليكم السلام

العفو اختي هذا واجبنا اننا نخدم جميع اعضاء و زوار شبكة العرب المسافرون وكنت اتمنى انك كتبتي لنا تقرير عن رحلتك العام الماضي حتى تعم الفائدة للجميع

بالنسبة لرحلتك اول شي اهنيك على اختيارك ذلك البلد الجميل اندونيسيا وباذن الله راح تنبسطي هناك

تقسيم الايام بين المدن اول شي لازم نعرف متى رحلتك يوم وصولك ويوم مغادرتك بالضبط حتى نقسم الجدول بالشكل الصحيح لكن لنفرض ان عدد ايام 14 يوم بدون يومي الوصول والمغادرة

5 ايام بونشاك

3 ايام باندونق

4 ايام بالي

2 جاكرتا

بالنسبة لطيران الامارات اغلب الرحلات توقيت وصوله ومغادرتها من اندونيسيا سيئه جداً وافضل خطوط في التوقيت هي الخطوط السعودية والجارودا وبعض رحلات الطيران العماني

الميزانية تكفي وزياده بأذن الله اما الفنادق بسيطه لا تشيلي همها احجزي التذاكر في الاول وابشري ما يصير خاطرك الطيب راح اسماء افضل الفنادق

اكواخ على البحر في بالي غير متوفرة بأسعار جيدة لكن موجودة في لومبوك وافضل من منتجع بروجايا بمراحل

بالنسبة للسكن في بالي سكن اقتصادي وقريب من الخدمات والاسواق والمطاعم عندك كوتا و سيمنياك واذا تبغى منتجعات على البحر عندك نوسا دوا ومنتجعات داخل الغابات عندك ابود

wloahmed · 09-03-2018, 10:07 PM

ان شاء الله في اول فرصه اكتب تقرير رحلتي لماليزيا .

احتمال كبير تكون الرحلة مدتها كاملة 14 يوم بيوم الوصول والمغادرة .

على حسب ماقريت بتقارير الاعضاء انه باندونق تتشابه كثير مع بونشاك وقريبين من بعض .
فهل تستحق اني اسكن فيها ؟

بالنسبة للطيران ، غالبا السعودية والجارودا اغلى بكثير من الاماراتي ، والعماني وقت الرحلات فيه مره طويله .

للاسف مااقدر احجز التذاكر الا بعد ما ياخذ زوجي موافقه ع الاجازه ��
ان شاء الله على نهاية الشهر .

بحثت عن لومبوك مالقيت فيها اكواخ ع البحر ، ممكن اسم المنتجع ؟

يعطيك العافيه ع الرد alradadi

Abo mir3 · 13-04-2018, 10:39 PM

باذن الله خبراء العمة... ماراح يقصرون معك
بالتوفيق ان شاء الله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الآولى للفلبين ..	Mr M	بوابة الفلبين	42	28-01-2018 12:40 AM
عندي كم سؤال ( رحلتي الأولى للكويت)	القاضي الفاضل	بوابة الكويت	16	14-01-2018 10:14 PM
رحلتي الأولى لماليزيا وابغا مساعدتكم 💔	ام الياس	ماليزيا	9	11-06-2017 02:52 PM
مساعدة بخصوص رحلتي لندونسيا	BOOKR	بوابة اندونيسيا	10	15-07-2016 05:38 PM
رحلتي الأولى خارج المملكة	omsara1437	ماليزيا	14	17-05-2016 08:14 PM