ابتلشنا بالرحله الداخليه يالربع

موهوب القصيم · 13-03-2015, 03:29 PM

السلام عليكم ورحمة الله وبركاته

ان شاءالله الرحله بشهر مايو

التذاكر وقصيناها وكان عندي فكرة الذهاب من اسطنبول لطرابزون بالسياره والعوده بالطائره وكنسلنا الفكره

المهم الحين صفينا على الطيران

طبعاً من مطار اتاتورك لأن الرحله على الخطوط التركيه

الوصول لأسطنبول الساعه 9.25 صباحاً وفيه رحله داخليه الساعه 10.50 صباحاً مدري يمدي اطلع عليها والا لا خصوصاً انها نفس الخطوط التركيه

علماً اني شيكت على رحله من القصيم الي طرابزون وطلعت رحلة 10.50 موجوده بخط السير يعني ممكن تختارها

ياليت اللي عنده خبره بمثل هالاشياء يفبدنا

الغردقاوي · 13-03-2015, 03:46 PM

أرجو من الإشراف أو الإداره نقل الموضوع لقسم إستفسارات البوابة التركيه

نتمنى لك أخ موهوب القصيم رحلة ممتعه
وبإذن الله يدخل الخبراء في تركيا ويفيدونك بالمعلومات التي تطلبها
تحياتي

ذيبة · 13-03-2015, 10:19 PM

انا مثلك اخوي حجزت من شهر الحج الطائف طربزون كان موعد الرحلة الساعة 13والحين نتقدمت االى 10 و50دقيقة رقم الرحلة 2828 حجزنا صار عليها ومابلغونا بالتقديم معانا تقريبا ساعتين مادري نلحق عليها
ياليت تفيدونا

العقرب · 13-03-2015, 10:40 PM

والله يا جماعة انا راي الشخصي
خلي الفرق بين الطائرتين 3 ساعات
لاقدرالله صار اي تاخير او امر طارئ
لكن اذا تم الحجز والتغير بيكون صعب
اتوكل علي الله وربك ييسرها

بالنسبة لاخوي موهوب القصيم
اشوف ان ساعةو25 دقيقة
قليلة جدا حاول تحجز فى الرحلة الي بعدها

زهرة نيسان · 14-03-2015, 01:56 AM

وعليكم السلام
والله اشوف الوقت قصير جدا
احسب حساب يمكن تتأخر في الاقلاع
وتشييك الجوازات واستلام الشنط يأخذ وقت
حاول تشوف الرحلة الي بعدها حتى لو متأخره اضمن لك

توبليرون · 14-03-2015, 02:02 AM

انا نصيحتي خل حجوزاتك كامله دامها على نفس الطيران
يعني تبلغهم ان طريقك بيكون من المملكة الى طرابزون
فهم يرتبون الحجوزات لك
واذا تأخرت الطيارة أكيد بيكون السبب منهم وراح يعوضونك في حال تأخر الطياره

موهوب القصيم · 14-03-2015, 01:32 PM

الف شكر للجميع وان شاءالله نخلي الوقت اوسع لتدارك أي مشكله قد تحدث

موهوب القصيم · 14-03-2015, 01:34 PM

اقتباس : المشاركة الأصلية كتبت بواسطة توبليرون

انا نصيحتي خل حجوزاتك كامله دامها على نفس الطيران
يعني تبلغهم ان طريقك بيكون من المملكة الى طرابزون
فهم يرتبون الحجوزات لك
واذا تأخرت الطيارة أكيد بيكون السبب منهم وراح يعوضونك في حال تأخر الطياره

كنا نبيها كذا افضل وأريح

بس للأسف جميع رحلات العوده من طرابزون فيها توقف بأنقره لذالك كنسلنا الفكره

ماجد الفهد · 15-03-2015, 09:07 AM

حبيب ألبي

إذا كانت على نفس الخطوط

40 دقيقة تكفيك بحول الله

السؤال ؟

هل الحجوزات مربوطة مع بعض ؟

يعني حجزك واحد للداخلي والدولي

لو لا

روح أقرب مكتب خطوط للتركية

وخليهم يربطون حجوزاتك مع بعض

بحيث إنه أثناء عمل التشيك غن في المطار

تطلب من الموظف إنه يكون عفسك على طرابزون

وتكون كذلك مسوي التأشيرة على النت

تنزل من الطيارة سيدا على الجوازات

وبعدها على المطار الداخلي

وتنتظر رحلتك

الاهم

1. ربط حجوزاتك مع بعض

2. التأشيرة الإلكترونية

3. تكون كذلك مسوي تشيك إن اون لاين للرحلة الداخلية

بالتوفيق

احمد الحربي · 15-03-2015, 11:31 AM

انا برأيي اذا في مجال الغي الحجز لاسطنبول واحجز مباشرة لطرابزون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تكفون يالربع حجزي بالمركز الموحد في الرياض بعد أسبوع (استفسارات)	ابو فهد2003	فيزا	9	18-04-2015 09:55 PM