نصيحتكم لسفره دبي

مونامور · 15-03-2018, 12:09 PM

اقتباس : المشاركة الأصلية كتبت بواسطة توبليرون

عمر ولدج حلوو للعب والسباحه معاه
ليش تخلينه بالحضانه وناس ما يعرفهم
اخذيه معاج راح يدخلونه كل الاماكن وبعد يستانس وايد
الاماكن اللي ذكرتها اختي مونامور كلها حلوه وفيها الجديد
والسباحه اخذي المايوه الاسلامي وتسبحي

بس مدن الملاهي تاكدي متى تكون مفتوحه

في منتجع دبي باركس قريب من الملاهي لو انا منج اخذ فيه يومين او ثلاثه تستمتعين فيه وبالملاهي اعتقد التذاكر يعطونج اياهم مجانا مع حجزج للمنتجع

وعليكم بالعافيه استمتعوا

فعلا كلام الاخت توبليرون صحيح ، ترا منتجع دبي باركس اند ريزورتس فيه فنادق و لو حجزت بواحد منهم يعطونج تذاكر مجانية لدخول مدن الالعاب.

من ضمن الفنادق لابيتا, دبي باركس اند رسرورتس, أوتوجراف كولكشن و بعد فندق قصر السلطان "جديد"

منتجع دبي باركس اند ريزورتس يشمل "حديقة موشن جيت - حديقة ليجولاند المائية - حديقة ليجولاند "ثيم بارك" - حديقة بوليود - ممشى ريفر لاند"

بامكانك تتعرفين اكثر على الرابط تحت:

https://www.dubaiparksandresorts.com/en/hotel-partners

عن نفسي جربت السكن في فندق لابيتا ، المسابح فيه وايد حلوه ، بناتي استانسوا عليها. كان سابقا تابع لدبي باركس لكن الحين استوى تحت ادارة مجموعة الماريوت لكن ، اذا حجزت فيه بيعطونج تذاكر دخول مجانية.

و على فكرة ، معظم الاماكن اللي ذكرتها ، الدخول مجانا للي اقل من 3 سنوات.

توبليرون و عشقي السفر معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كاليفورنيا نصيحتكم	simeis	البوابة السياحية	3	03-07-2016 09:24 PM
نصيحتكم بالمالديف	ندى	رحلات الجزر والكروز	14	02-04-2016 05:15 PM
مساعدتكم لسفره مفاجئه	Ahmed_HJ	بوابة اندونيسيا	7	21-02-2016 09:15 PM
أبي نصيحتكم 😑	Zumurda	اوروبا	6	24-11-2015 06:21 PM
نصيحتكم	Lover121	بوابة الهند وسيرلانكا	10	01-02-2015 10:11 AM