السلام عليكم ورحمة الله وبركاتة

بإذن الله انا طالع لكوالامبور لوحدي عزوبي لمدة 5 أيام وفكرت بعدها امر بالي 3 أيام وممكن اخليها 4 ايام ولكني محتار ومتردد والسبب اني سمعت ان الأنشطة اللي هناك كلها بحرية وانا شخص من اصل ما اعرف اسبح ههههه واخاف اني اسوي اي نشاط بحري خصوصا اني لوحدي فالحذر واجب

فهل فيه انشطة واماكن حلوة في بالي غير الأنشطة البحرية ؟

ابي كم ترشحون لي فندق حلو وفيه حركة وصخب ويكون بمنطقة حيوية وقريب من البحر

الأمر الاخر هل بالي فيها اسواق ؟ كيف التعامل والشراء منهم ؟ فيه شخص قال لي لازم تكاسرهم لو قالت لك 100 قول لها 30 وبصراحة مدري عن صحة هالمعلومة ؟

هل احتاج سواق خلال هال3 أيام ؟ واذا كان نعم ابي سواق شقردي ومجرب وبتكلفة معقولة ؟

في حالة اني مثلاً ما احتجت سواق وش افضل طريقة للتنقل هناك ؟ هل فيه تطبيقات مثل اوبر وتكون التسعيرة واضحة ولا كيف النظام ؟