رحلتي الممتعة في الأراضي السعودية 2017 - الصفحة 2

هاوية الاسفار · 10-04-2018, 02:08 PM

اقتباس : المشاركة الأصلية كتبت بواسطة نـــواف

أهلا بك أختي هاوية الأسفار

يسعدني ويشرفني أتابع تقريرك وأشوف ديرتي بعيون غيري

من الأشياء الملفتة للنظر ولمستها في أول جزء بالتقرير ( البساطة المتناهية ) في الطرح بلا تكلف وهذا النوع من الكتابة يجذب أي متابع للتقرير

واصلي في التقرير .. ولا نحتمل التأخير

حياك الله اخي نواف
أنا من الناس إليّ أحب أكون بسيطة في كل شيء بعيدا عن التكلف و الموضه و التجديد و هالسوالف كلها
الحمدلله انه تقاريري تنال إعجابكم
ان شاء الله دام بدأت ما يبكون في تأخير
حياك معنا

توبليرون, آخـــرفـــرصـــة, فيصل و 3 آخرون معجبون بهذا.

هاوية الاسفار · 10-04-2018, 02:15 PM

اقتباس : المشاركة الأصلية كتبت بواسطة آخـــرفـــرصـــة

وعليكم السلام

تستاهلين المساعدة مشرفتنا
وأخيراً شاف التقرير النور

زين خرجتوا قبل المطر ولا حستوا بالزحمة

الحمد لله كل شي تيسر لكم والطريق مو زحمة
البخاري ادمان أتوقع لكم فترة عنه

متابعين معاك

إنتوا إليّ ما قصرتوا و كنتوا سبب في نجاح الرحلة الشكر لكم
الحمدلله كنت احاتي الصابون اللي على السياره يتنظف
احنا مدمنين عليه البخاري و نحبه بس الأهل في السعودية ما يحبونه ما ادري ليش
حياك معنا بو غسان

توبليرون, آخـــرفـــرصـــة, فيصل و 3 آخرون معجبون بهذا.

هاوية الاسفار · 10-04-2018, 02:27 PM

اقتباس : المشاركة الأصلية كتبت بواسطة JR7ALSHIMAL

ماشاء الله التقرير متكامل من جميع النواحي بالرغم من انك ماسردتي التفاصيل الا انه واضح ومافيه شي مبهم واستغربت ليه حريصين انكم تطلعون قبل الامطار احس سفركم على صوت المطر ومنظر السحاب وهو مكتظ بالسماء راح يضيف شعور جاد جميل على سفرتكم
وتمنيت يكون بشكل متواصل بحيث م يصير فيه انقطاع وفجوه كبيره بالتقرير بين كل مشاركه والثانيه
وللامانه يمكن عشان اختلاف لهجاتكم كلامك بالجزئيه هذي اول ماقريته استغربت قلت شلون تقول عنه لذيذ وتحت تقول طرشته فـ عرفت ان معنى هالكلمه عندنا غير عنكم

حياك الله يمه ببيتك الثاني بين اهلك واخوانك .. مشكورين الاخوان اللي خلوك تطلعين بنتيجه مرضيه عن الاماكن اللي زرتيهن وبانتظار تكملة التقرير

يمكن انت ما جربت الخطوط في المطر بالعكس نحب المطر لكن صعب انك تمشي بالسيارة في هالاجواء
الممطرة اولا الشوارع تكون خطره و ما تقدر تسرع و المسافة طويله لوجهتك و راح تتأخر في الوصول
احنا تقاريرنا طويله و صعب انه ننزلها في وقت واحد و بعدين بالعكس عشان نقدر نرد على المشاركات
و ما في مشاركة تسقط سهوا
عاد سامحونا اذا ما فهمتوا أي كلمه راح نترجمها لكم و لا يهمكم
الشكر موصول لكم
الله يحيك معنا و ان شاء الله تستمتعون بالتقرير

توبليرون, آخـــرفـــرصـــة, فيصل و 2 آخرون معجبون بهذا.

هاوية الاسفار · 10-04-2018, 02:32 PM

اقتباس : المشاركة الأصلية كتبت بواسطة بوصلووح

استمتع بسفر السيارة
خاصة تسالي الطريق ومطاعم المحطات
احسه مب نظيف لكن لذيذ هههه

متابعين معاكم =)

بالفعل السفر بالسيارة متعه ما بعدها متعه
و الله التسالي ناخذها و ما نستفيد منها و بتشوفون بعدين شو سويت فيهم

حياك معنا في التقرير

توبليرون, آخـــرفـــرصـــة, بوصلووح و 3 آخرون معجبون بهذا.

الايمان · 10-04-2018, 07:34 PM

سبحان الله قبل كم يوم كنتي على بالي وقلت وين تقرير ام علي

اكيد راح نتابع احلى تقرير منج
ولامرة شفت تقرير عن الرياض ومن زمااااان مارحت لها
راح نشوفها من خلال تقريرج

هاوية الاسفار, توبليرون, آخـــرفـــرصـــة و 3 آخرون معجبون بهذا.

هاوية الاسفار · 10-04-2018, 10:39 PM

اقتباس : المشاركة الأصلية كتبت بواسطة الايمان

سبحان الله قبل كم يوم كنتي على بالي وقلت وين تقرير ام علي

اكيد راح نتابع احلى تقرير منج
ولامرة شفت تقرير عن الرياض ومن زمااااان مارحت لها
راح نشوفها من خلال تقريرج

القلوب شواهد
لا تغترون وايد قضينا ليله وحده بس و كان ودي اكثر بس ان شاء الله المرات الياية
حياج الله ويانا

توبليرون, آخـــرفـــرصـــة, فيصل و 3 آخرون معجبون بهذا.

هاوية الاسفار · 10-04-2018, 11:25 PM

حياكم الله مره ثانية

نشوف معاكم دار هاشم

المدخل

و هذا تقييمهم في بوكينج

و الحين نطلع نشوف الشقة وياكم

شقتنا في الدور الرابع و هاي الصالة واسعة

غرفة النوم الرئيسية

الغرفة الثانية

و هذا المطبخ

و هذا تكرمون الحمام في الصالة

و هذي المغسلة وايد صغيرة

الثلاجة فيها 4 غرش ماي

و هذا المتوفر في غرفة النوم

و موفرين هذا للجرج عشان ما تتوهقون

و هذا حمام غرفة النوم

توبليرون, طوق الياسمين, آخـــرفـــرصـــة و 8 آخرون معجبون بهذا.

هاوية الاسفار · 11-04-2018, 12:46 AM

نشوف ادوات المطبخ

اول ما وصلنا الشقة أذن المغرب دخلنا بدلنا و صلينا و الحين وقت الخروج

الوجهة كانت القرية الشعبية لكن ما لقيناها في قوقل و قلنا نشوف اسواق طيبة

وصلنا و المكان ما شاء الله مزحوم و لفينا مرتين عشان نحصل موقف و هذا المبنى دليلنا

و هذا هو المكان المطلوب

السوق متنوع و فيه كل شيء ملابس احذية عطور مأكولات ادوات منزلية و غيرها الكثير

و هذا بفك الطيبين

و حصلنا مخبز يبيع خبز يمني و زوجي خذ جبن بالزعتر لذيذ بس ما كثرنا نبغي بروستد

طلعنا من السوق مع بعض الملابس الشتوية و الوجهة مطعم بروستد و قوقل دليلنا

و نشوف الرياض ليلا و اعذروني الصور غير واضحه

قعدنا ندور وايد مطاعم وكل ما حطينا احداثية يطلع مطعم غير اللي نبغيه

و آخر شيء يأسنا و قلنا بنسير الشقة و نشوف المطاعم القريبه مننا و الحمدلله

شفنا مطعم الطربوش الدمشقي و قريب وايد حتى بالمشي نوصله

عندهم بروستد و مشاوي و الكثير الكثير و زحمه عليه

و الجو بارد و قعدنا ننتظر يمكن نص ساعة لين يجهز الطلب

و هذي عصاير كوكتيلات منوعه

و هذا عشانا بروستد و شوارما نسيت اصوره من البداية

الحمدلله الاكل كان لذيذ و الزايد عطيناه العامل اللي يابلنا الماي

لانه الله يسلمكم يوم وصلنا الشقة بنغسل ايدنا ما شيء ماي و اكلم الاستقبال

قالوا الماي مقطوع و بيرجع خلال 10 دقايق انزين كيف نغسل غسلنا بالمياه المعدنية

و بعدين يابولنا ماي زياده و سرير اطفال و لين ما رجع الماي الكل نام من غير شاور

و انا قعدت اكمل الحجوزات اللي راحت علينا لاني كنت حاجزه في هيلتون مكة لكن يوم بغوا يسحبون

المبلغ البطاقة ما فيها المبلغ المطلوب ما خبروني و لا اتصوا تفاجأت بالالغاء

و بعدين حجزت بولمان مكة و لغيته بسبب تغيير الايام و قالت لي زوجة اخوي

يوم توصلين السعودية احجزي من عندهم ارخص لان الاسعار فعلا كانت نار

و بالفعل يوم حجزت لقيت المتوفر كثير و رخيص و في دبي كله يطلعلي فل و الاسعار

مبالغ فيها فعلا و زوجي كل يوم يطلع برأي مره يقول بنمر الطايف و مره يقول ما بنمر

و انا احجز و ارجع الغي الحجز المهم كملت الحجوزات و قبل ما انام حاولت اشغل الغسالة الموجوده

لكن ما لقيت فيش كهرباء في الحمام و نمت بعد تعب يوم طويل

الحمدلله كانت ساعات قليلة لكن استمتعنا بالأجواء و الجو البارد

نكمل غدا باذن الله دمتم بود

توبليرون, طوق الياسمين, آخـــرفـــرصـــة و 9 آخرون معجبون بهذا.

توبليرون · 11-04-2018, 12:58 AM

الشقه حليوووة
والاهم النظافه والتقييم من بوكينغ ممتاز

الاسواق هذه حلوه شكلها نفس بضاعة المباركيه
واما المطعم زين حصلتو مطعم نظيف وباين عليه لذيذ
بس ليش ماكوو ماي الله يهداهم

متابعين معاج اليوم الثاني وين بيكون

آخـــرفـــرصـــة, هاوية الاسفار, فيصل و 3 آخرون معجبون بهذا.

بن قوت · 11-04-2018, 01:45 AM

ماشاء الله فيكم طاقة
ماسكين خط طويل وتمشية في الرياض وزحمتة

اصعب شي تغير الراي بين الزوجين

كان نزلتو تطبيق هنقر استيشن
حلو جدا ويعطيع المطاعم بالتفصيل والقريبة منكم

متابعين لكم

آخـــرفـــرصـــة, هاوية الاسفار, توبليرون و 3 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الاقتصادية إلى الأراضي الماليزية	أبو سعد	بوابة ماليزيا	287	20-11-2019 11:15 PM
رحلتي إلى اندونيسيا 2017	مسافر وبس	بوابة اندونيسيا	19	12-02-2018 06:00 PM
الرخصة السعودية اصبحت معترف فيها بالنمسا اعتبار 12 مايو 2017	alradadi	بوابة النمسا	13	27-05-2016 08:20 PM
متاهة Infinity الممتعة (قولد كوست)	زهرة نيسان	بوابة استراليا ونيوزلندا	27	15-04-2015 07:40 AM
استفسار مهم بخصوص الأمتعة على متن طيران آسيا ..	Toota2	ماليزيا	10	31-01-2015 05:20 AM