السلام عليكم
رحلتي ان شاء الله 14 يوم، خط الرحله الرياض لندن مانشستر الرياض.
احنا 2 كبار و3 أطفال .

انا قد رحت الى لندن وتقريباً ختمتها😬 ورحت لأغلب مدن الملاهي المجاوره وكمان برمنجهام .
بس خليت لها في هذي الرحله 3 أيام
اليوم الاول هايد بارك مشتاقتلها
اليوم الثاني والثالث فكرت اشوف مزارع الفراوله او اي شي جديد ومو عارفه وين اروح !
وأيضاً اخذت سكن في منطقة ويمبلي !! هل هي منطقه جميله !؟


اما استفساراتي الاخرى هي،،
المده الباقيه بنسكن في مانشستر وليلتين في ويندرمير..
في مانشستر حطيت هذي الخيارات (( العاب السفاري"تسلق "- ترافورد سنتر- ميدان ألبرت- هيتون بارك)) وماعرف غيرها!؟
وايضاً سمعت ان في حديقة حيوان وفي سفاري ايهما الافضل في مانشستر!؟
وبلاك بول يكفيها يوم واحد نروحلها من مانشستر!؟
ووش قصة ليدز تستحق الروحه!؟
ويندمير اخذنا فندق لورا اشلي هل يستحق التجربه !؟

انا مشكلتي دقيقه جداً بالترتيبات وبنفس الوقت مابي أكثر تنقلات عشان الاطفال..

وبالنسبه لمواعيد القطارات وحجز التذاكر هل احجز من الان ولا لما اكون هناك!؟

والف شكر للي بيساعدني