كناري وارف لندن و ليدز و البحيرات - الصفحة 6

q8ya metnaqla · 09-05-2018, 09:36 AM

اقتباس : المشاركة الأصلية كتبت بواسطة بوصلووح

اي يبي يراويني انه يدل المنطقة عدل هههه

اظن احنا بعد ممنوع نشتغل هناك ..

لأن أصلاً البعثات يعطون رواتب عالية .. خاصة لو كنت موظف

يمشي راتبك الأصلي + راتب البعثة

انا ماتقبلت هالشي الصراحة

مادري شلون احس بلادي عازتني و رازتني

وانا اروح اشتغل في مطعم هناك

لكن يمكن من وجهة نظر الخليجيين الي يشتغلون هناك

ان يكتسب خبرة و يتعلم شلون يتحمل ضغوطات العمل و يشغل وقته

يلا .. كل واحد ينام على الجنب الي يريحووو هههه

مشكورة على التفاعل مع التقرير حياكم الله ..

بالعكس وايد حلوه التجربه
من مميزاتها :
- الاختلاط بجناسي مختلفه وعادات و طباع جدا مختلفه وهذا يخفف من حدة العنصريه عند البعض وعدم التعالي على الغير وشوفة النفس وهذي واضحه عندنا في الخليج ..
- الاعتماد على النفس .
- القناعه بالشي القليل وان الشغل مو عيب في هالمهن
- الخبره وتحمل ضغط العمل خصوصا في هالاماكن .
- فرحة الراتب من عرق جبينك

هذيل بعض المميزات اللي اكتسبتهم من شغلي في الغربه

Sent from my iPhone using Tapatalk

بوصلووح, آخـــرفـــرصـــة, فيصل و 2 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 08-05-2018, 07:38 PM

يا سلام وصلنا ليدز معاك
قبلها محطات القطارات حلوه واغلب محطات بريطانيا جنها مطار وبعضهم صغيره كأنها محطه باص
ليدز حلووه ماشاءالله والاسواق جميله
عجبتني القبه في سوق الذره صج تاريخ
ماقصر صديقك يبي يراويك كل شارع وكل مكان
وبانتظار الحديقه باين عليها روعه من الصوره اللي حاطها

بوصلووح, آخـــرفـــرصـــة, فيصل و 1 آخرون معجبون بهذا.

بوصلووح · 09-05-2018, 09:25 AM

اقتباس : المشاركة الأصلية كتبت بواسطة توبليرون

يا سلام وصلنا ليدز معاك
قبلها محطات القطارات حلوه واغلب محطات بريطانيا جنها مطار وبعضهم صغيره كأنها محطه باص
ليدز حلووه ماشاءالله والاسواق جميله
عجبتني القبه في سوق الذره صج تاريخ
ماقصر صديقك يبي يراويك كل شارع وكل مكان
وبانتظار الحديقه باين عليها روعه من الصوره اللي حاطها

مرحبا توبليرون
اي والله بعض المحطات كبيرة وحلوة مثل محطة كنقز كروس
محطة كناري وارف كانت جميلة .. محطة مانشستر و ليفربول

محطة ليدز يعني صغيرة لكن لا باس فيها
اما محطة هيدرزفيلد و محطة ويندرمير
كللش صغار و مافيهم شي ..

اي والله حلوة ليدز هاي وانا ماصورت النهر و التكسي المائي
ياخذكم حق مطعم هندي كبير على النهر وايد حلو
و في وايد اماكن و فعاليات ماكفانا الوقت ان نزورها ..

اي والله ماقصر الله يجزاه خير و يقدرنا على رد الجميل
ان شاء الله قريب باحط صور الحديقة و بعض التفاصيل عنها

مشكورة اختي على التفاعل حياج الله ..

آخـــرفـــرصـــة, فيصل, توبليرون و 1 آخرون معجبون بهذا.

طوق الياسمين · 09-05-2018, 09:57 AM

حلوة حبيتها ليدز كلها اسواق

اتوقع الطلاب المبتعثين ممنوع يشتغلون
مع اني اشوفها تجربة رائعة

آخـــرفـــرصـــة, فيصل, توبليرون و 1 آخرون معجبون بهذا.

بوصلووح · 09-05-2018, 10:25 AM

اقتباس : المشاركة الأصلية كتبت بواسطة طوق الياسمين

حلوة حبيتها ليدز كلها اسواق

اتوقع الطلاب المبتعثين ممنوع يشتغلون
مع اني اشوفها تجربة رائعة

هههه ياحبكم يالحريم حق الاسواق

انا بعد اشوفها تجربة رائعة
بس مب في اي وظيفة ..

يلا قاربنا وجهات النظر هههه

شكراً على المتابعة و التفاعل .. حياكم الله

طوق الياسمين, آخـــرفـــرصـــة, فيصل و 2 آخرون معجبون بهذا.

بوصلووح · 09-05-2018, 10:00 AM

اقتباس : المشاركة الأصلية كتبت بواسطة q8ya metnaqla

بالعكس وايد حلوه التجربه
من مميزاتها :
- الاختلاط بجناسي مختلفه وعادات و طباع جدا مختلفه وهذا يخفف من حدة العنصريه عند البعض وعدم التعالي على الغير وشوفة النفس وهذي واضحه عندنا في الخليج ..
- الاعتماد على النفس .
- القناعه بالشي القليل وان الشغل مو عيب في هالمهن
- الخبره وتحمل ضغط العمل خصوصا في هالاماكن .
- فرحة الراتب من عرق جبينك

هذيل بعض المميزات اللي اكتسبتهم من شغلي في الغربه

Sent from my iPhone using Tapatalk

الله يعطيج العافية
لكم وجهة نظر في هالشي ..

وانا وجهة نظري
ما قولها تكبراً مني او تعالي
و الاختلاط بالجناسي المختلفة يصير في اماكن كثيرة
مثل الجامعات او تكوين الصداقات
و اكيد ان الشغل مب عيب

و كثير من العظماء اشتغلوا في وظايف بسيطة
يوم كانوا محتاجين لهذي الوظايف , مب غلط الواحد يكون نفسه
ويبدأ من عامل بسيط

لكن لعلنا نتفق ان الوظايف درجات
وبلادي تعطيني الي يكفيني
عشان ادرس واجتهد
و اكون مهندس او مدير مشاريع او غيره من التخصصات
وانا اشتغل عامل في مطعم !

و اشوف انه يشغل عن الهدف الرئيسي من السفر وهو الدراسة

يبيلنا نطرح الموضوع للنقاش في مركاز العرب

نقاش جميل شكراً لج =)

طوق الياسمين, آخـــرفـــرصـــة, فيصل و 2 آخرون معجبون بهذا.

طوق الياسمين · 10-05-2018, 02:27 AM

عاد من زمان نفسي اكون نادلة بمطعم

والكل يضحك على طموحي

هو مو طموح او حاجة مادية

لكن الواحد يحب يجرب شي صعب وشبة مستحيل

يعني من باب التجربة

وادري بنطرد واحوس الدنيا

بوصلووح, آخـــرفـــرصـــة, فيصل و 2 آخرون معجبون بهذا.

آخـــرفـــرصـــة · 10-05-2018, 08:39 AM

ما شاء الله عليك يابو صالح
زرت مناطق كثير بالرحلة هذي

ليدز حلوة وملمومة وكثير طلبة عرب فيها

انا مع الشغل وقت الدراسة
يعلمك الالتزام و لغتك تصير أفضل بكثير
بجانب أنه يعرفك على ناس كثير وتكون صداقات جديدة

خلاص نتناقش فيه بالمركاز

بوصلووح, فيصل, طوق الياسمين و 2 آخرون معجبون بهذا.

فيصل · 11-05-2018, 06:47 PM

ما شاء الله عليك
حلو ان الانطباع تغير
حلو ان المحطات فيها فنادق مرتبطه وفيه بالمحطات خزن للشنط بعد

الشغل مو عيب همهم اعتقد تعلم اللغه والمخالطه
تمشيك في ليدز ممتعه حقيقه
متابعين

آخـــرفـــرصـــة, طوق الياسمين, بوصلووح و 2 آخرون معجبون بهذا.

Raw8an7rb · 12-05-2018, 05:09 PM

تغطيه مميزه
شكرا ع التقرير الرائع

بوصلووح, توبليرون, آخـــرفـــرصـــة و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنسب وقت لحجز تذاكر أنشطة لندن	Yousra	بوابة بريطانيا	1	10-06-2016 01:00 PM
بريطانيا : مانشستر، منطقة البحيرات، ليفربول، سوانزي، ويلز، كاردف و لندن	منيرة	اوروبا	50	25-04-2016 12:19 PM
ايش افضل شهر للسفر الى لندن وافضل وقت لحجز طيران	مسافر خارجيا	اوروبا	6	07-08-2015 07:14 AM
ساعدوني بترتيب المدن,لندن,مانشستر.ليفربول,يورك,البحيرات	احب السففر	اوروبا	6	07-06-2015 05:27 PM