كانفي ستريت .. مطاعم وكافيهات ... ومراجيح !!

ابو عبدالله · 04-05-2018, 01:18 PM

السلام عليكم ....
المشي على طول نهر التايمز ممتع جدا وما يمل ... خصوصا من جهة عين الندن ... تمر بأشياء كثيرة مثل الاكواريوم ودانجوان ومغامرات شريك وعين لندن ومطاعم الفود ستريت وسوق الكتب تحت جسر واترلو ( انصح به للي يحب يقرا وفيه خيارات كثيرة ومنوعة للكبار والصغار وجدا رخيص) والملاهي الصغيرة اللي قريبه منه ...وعروض الشوارع المختلفة والمسلية ..والمضحكة احيانا ....وانت تمشي على طول النهر تمر بمطاعم وكافيهات مليانه .. ناس تاكل وناس تشرب ... وناس جالسة تستنى تدخل !! الاماكن كثيرة بس الناس بعد اكثر . وانت تمشي من هنا يمكنك تخطط / ين / طون تجربون اكل الاويستر ( نوع من المحار ) في برو ماركت ... المشوار توه بعيد ... يمكن 40 دقيقه ... قرصك الجوع !! تعبت مشي !! تبي تتقهوى !! تتلفت حولك مافيه جسر المشاة الحديد والمسرح الوطني ... والمعرض ... اذاكان الجسر الحديد على يسارك بيكون المعرض على يمينك وهو مبنى كبير اسمه Tate Modern وهو معرض او مجمع معارض للرسم وطبعا بما اني انا والرسم اعداء ومحد فينا فاهم الثاني فمسوين هدنه .. مااوقف عنده ولا يطلع لي !!
https://www.google.co.uk/maps/@51.50...7i13312!8i6656

المعرض متوفر فيه دورات مياه اكرمكم الله .. وهي سبب دخولنا يوم احجتجنا دورة مياه للصغار ...
انت ادخل مع البوابه هذي واطلع مع البوابة المقابله ) تقدر تشوف وش فيه اذا ودك .. اذا طلعت من المعرض بتلقى مراجيح كبيرة ( المرجيحة تشيل ثلاث اشخاص جنب بعض ) تمرجحوا شوي سوا وصوروا .. انا صورت بالسناب ويخلف الله راحت نسيت احفظها ... ثم بعد المعرض بتشوفون كافيهات ومطاعم وشارع جانبي صغير حلو وموب زحمه ... الشارع هذا اسمه canvey street ومطعم ليون يكون بزاويته

https://www.google.co.uk/maps/place/...3!4d-0.0993074

الشارع مناسب للي يحب ياخذ بريك وهو يمشى على النهر وفيه مجموعة مطاعم وكافيهات منها بريت وليون وغيرهم .. وممكن بنهاية الشارع تروحون يسار وتكملون تمشية ... فيه شوي محلات هناك ... ومطاعم

هذا المعرض من ورا

اللي يحبون الفلافل ممكن يجربونها هنا

انا مسمي المكان بقوقل ماب على جوالي مراجيح وكافيهات ... يعني كل وراجع هظم

وبس هذا اللي عندي اليوم ... ومدري كان احد جاب طاري المكان اول او لا ؟ وسلامتكم ...

آخـــرفـــرصـــة, فارس الجبيل, توبليرون و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطاعم ورد	الايمان	بوابة الاردن	35	05-11-2017 09:02 AM
مطاعم دبي	R O S E	بوابة الامارات	4	17-05-2017 06:34 AM
مساعده في فندق في اوكسفورد ستريت	kanari212	بوابة بريطانيا	1	21-08-2016 04:27 PM