عليكم السلام ورحمة الله وبركاته
ماقصر الاخ ATL بيض الله وجهه

انا شخصياً افضل رويال غاردين على الكمبرلاند لكن بما انك اول مرة في لندن انا اشوف انك تكون بجهة الماربل ارش او النايسبريدج افضل واحسن لك لكي تحد من المواصلات

ياهلا ومررحبا فيك اخوي بومشعل

ماقصرو الاخوان مشرفنا فارس وايضا الاخ ATL

بما انك اول مره بعد مانخلص الفنادق ان شاء الله نبدأ بترتيب كافه التفاصيل المواصلات والاتصالات والتسوق والسياحه
بس الي يهمنا الحين
( الفيزا + حجوزات الطيران + حجوزات الفنادق )

والاخ العزيز عطاك طريقه تقديم الفبزا

بالنسبه للفنادق انا ارشح لك هالفندقين

1- فندق ثيستل ماربل ارش

Booking.com: ظپظ†ط§ط¯ظ‚ ط«ظٹط³ظ„ ظ…ط§ط±ط¨ظ„ ط¢ط±طھط´ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©


2- فندق فندق ذا مانديفيل

Booking.com: ظپظ†ط¯ظ‚ ط°ط§ ظ…ط§ظ†ط¯ظٹظپظٹظ„ - ظ„ظ†ط¯ظ†, ط§ظ„ظ…ظ…ظ„ظƒط© ط§ظ„ظ…طھط­ط¯ط©


الفندقين مجددين قريب ومواقعهم حلوه
بس موقع فندق ثيستل افضل


بالنسبه للصرف في لندن
المعروف ان لندن غاليه
لكن
في طرق تخفض التكاليف و أن شاء الله راح اذكرها لك في مشاركتي الجايه

تحياتي

اختيار موفق اخوي مشعل ولاتشيل هم شي
ابد أبإستخراج تأشيرتك انا الحمدلله قد بديت بها قبل اسبوعين وهذي ثالث مره واخترت مدة التأشيره سنتين واللهم لك الحمد تم الموافقه عليه واخرجتها
بالنسبه لحجز الفنادق انا انصحك باستخدام تطبيق او موقع برنامج agoda لأنه يوفر لك الكثير عن بوكينق وانا شخصيا جربته واجراءات الدفع فيه ميسره
بالنسبه للتنقل انصحك بالمترو والباص وابعد عن التاكسي لانه مكلف جدا

اذا اتيت عن طريق مطار هيثرو انصحك تنتقل الى وسط المدينه بالمترو حتى لو كان معك شنط كبيره لاتقلق وعليك اتباع الخارطه

ايضا انا ان شاء الله في شهر ماي بروح لندن ورحلة سعيده للجميع

اشكرك من كل قلبي على مساعدتك لي بس نويت اجل السفره بعد العيد احس انه ما في وقت وظروف عملي ما تسمح بس اكيد راح ارجعلك واستفيد منك اكثر والله يوفقك ويحفظك

السلام عليكم ورحمة الله وبركاته الحمدلله تحسنت الظروف وناويت بإذن الله السفر الي لندن يوم 28 مايو لمدة عشرة ايام وعملت التأشيرات ولله الحمد واسيوعين وتكون خالصه ارجو منكم المساعدة من حيث الفندق اللي اشار اليه الاخ العزيز فارس الجبيل وايضاح كيفية التنقل وهل المده كلها اقضيها بلندن او اروح لمنطقة اخرى لاني فعلا محتاج مساعدتكم لي لانه الوقت قصير وما باقي الا كم شهر على سفرتي ولكم مني جزيل الشكر