ايامي الحلوه في جزيرة كوسوماي Koh Samui الرائعه - الصفحة 4

hearty · 22-03-2015, 11:27 AM

اختي هداوه تقرير جميل وجزيره ساحره جدا بس لو تكرمتي تعطينا اسعار الفلل والكاكولات وثمن التذكره وفي اي شهر سافرتي اختي العزيزه

راحيل · 22-03-2015, 01:06 PM

[SIZE="5"]

هلا و غلا بأم عيسى

اولا الحمدلله على عودة المنتدى ....و ثانيا حمدلله على سلامتكم

أنا ما قرأت شي من التقرير لحد الحين بس متأكدة أنه رائع كروعة تقاريرك السابقة....و ان شاء الله لي عودة لقراءة التفاصيل الجميلة

بس أنا ما فاهمة انتي ليش تخافي من الحشره اياها...على قولتك الزواحف...تحسسيني كأنكم شفتوا تمساح...بالعكس أن أحس الوزغ مسالم و خجول.

جداااوي · 23-03-2015, 10:59 AM

vرائع التفاصيل والصووووووووووووووووووووووووووووور

هداوه · 23-03-2015, 09:55 PM

اقتباس : المشاركة الأصلية كتبت بواسطة bufahad

متابعين معاك الله يسلمج

ويسلمك يارب

اقتباس : المشاركة الأصلية كتبت بواسطة FuNnY GIRL

هههههههههههههههههههههههههههههههههههههههههههههههههه هاي هدهد والله تشهبيني ضحكتيني مع الهنندي والحركات انتي مثلي ننسى نفسنا ونطالع هههههههههههههاي مالومج اتخيل الموقف مالومج تقعدين اطالعينهم خخخخ وبصراحه مشاءالله عليييييج طلعتي صاحبة اراده وماتخافين مشاءالله لانج رحتي والطريق امبين صعب من الصور لوانا اشوف هذا كله مااروح بس عجبتيني والله ابو عيسى زين سوى يوم قالكم مافي تكمله الطريق صعب الله يحفظكم تعليقاتج تجنن كالعاده وصج صج صج ضحكتيني مع الهندي هههههههههههههاي

اقتباس : المشاركة الأصلية كتبت بواسطة FuNnY GIRL

مستمتعين معاج يالغاليه ومتابعين

ههههههههههههه أعجبج

عساه دوم الضحكه ع ثغرج

الجزء الياي مغامرتها أحلى

اقتباس : المشاركة الأصلية كتبت بواسطة سوسو الصغيرة

رووووووووووووعة قليل في حقه

بس الا سالفة الطياطير ... ما كنتي تدرين انهم موجودين صح .. بس ما عليه اذا قررتي تسيرين مره ثانية شلي وياج تفج ( امسجبة )

احلى شي كان الحوض .. انا لو منج بتم فيه طول الوقت ... اطلع حرتي ع الاقل خخخخخخ

ان شاء الله في المرات الياية تنزلين في فنادق ثانية ...

من وجهة نظرج هدواه الجزيرة كم يوم تستاهل ...

حبيبتي ، شكرا

كنت أدري اني بحصله ومهيأه نفسي لهم

لو شفتي الطياطير والحشرات مابتقولين جيه

ما أعتقد أزورها مره ثانيه ، أصلا ما أظن أزور جزر مره ثانيه الا اذا جزر مب اسيويه

مال 5 أيام جيه

اقتباس : المشاركة الأصلية كتبت بواسطة hearty

اختي هداوه تقرير جميل وجزيره ساحره جدا بس لو تكرمتي تعطينا اسعار الفلل والكاكولات وثمن التذكره وفي اي شهر سافرتي اختي العزيزه

انا خبرتكم عن سعر الفلل وعموما سعر الفلل ولا التذاكر تختلف بحسب الاوقات اللي بتسافرون فيها

ونحن سافرنا في شهر 1 الظاهر قاري التقرير ع السريع لأني كاتبه التفاصيل

اقتباس : المشاركة الأصلية كتبت بواسطة راحيل

[SIZE="5"]
هلا و غلا بأم عيسى

اولا الحمدلله على عودة المنتدى ....و ثانيا حمدلله على سلامتكم

أنا ما قرأت شي من التقرير لحد الحين بس متأكدة أنه رائع كروعة تقاريرك السابقة....و ان شاء الله لي عودة لقراءة التفاصيل الجميلة

بس أنا ما فاهمة انتي ليش تخافي من الحشره اياها...على قولتك الزواحف...تحسسيني كأنكم شفتوا تمساح...بالعكس أن أحس الوزغ مسالم و خجول.

الله يسلمج يالغاليه

وشكرا حبيبتي هذا من ذوقج

التمساح عندي أهون منه

ما أدري سبحان الله أقرف منه ، كل أحس انه بيطيح عليه

أصلا من السنه انه نقتله

اقتباس : المشاركة الأصلية كتبت بواسطة جداااوي

vرائع التفاصيل والصووووووووووووووووووووووووووووور

ومشاركتك أروع

هداوه · 23-03-2015, 09:59 PM

نتابع فعاليات هذا اليوم

بعد ماخلصوا العيال ركوب الفيله سرنا عند النشاط الأحلى وهو ركوب الدراجات

عاد أنا تحمست أركب الدراجه وبيني وبينكم كنت خايفه لأني من زمان ماركبت

لبسونا خوذه وكل واحد من عيالي ركب دراجته

وكان معانا أجانب وكنا مجموعه وطلعوا معانا اثنين من المرشدين

واحد جدامنا بدراجته والثاني ورانا

في البدايه استغربت ليش نحن قروب وليش هم معانا ، ولكن

بعد ما انطلقنا معاهم قلت الحمدالله انهم معانا

يمشونا وسط الزراعه في ممرات خاصه ووعره بالاضافه انه فيه صعدات ونزلات ومنحيات

وساعات نمشي ع الماي وع حصى وع طريق مرصوف وع رمله

والأخطر انه نمشي والفيله تمشي عدالنا

ونحن منطلقين فجأه دعمني عبادي

ودخل جزء من دراجته في دراجتي

والله الحمدالله الله سلمنا نحن الاثنين

وتمينا فتره واقفين لين ماقدروا يفكون الدراجتين والاجانب متضايقين لأنه معطلينهم

وبعد مافكها الريال قال لعبادي انه يركب معاه

طبعا عبادي احتج يبا بروحه

وانا قلت الحمدالله انه الريال عصب وخذاه معاه في دراجته

أرتحت وبعدها انطلقنا عدل

وانا أسوق وأنبه البنات

تصدقون طلعت انا أسوق أحسن عن بناتي وشفت اني وايد أعرف أتحكم فيها

يمكن عشان أنا أسوق سياره وعندي خبره

وماتتخيلون كيف انبسطت وااااايد استانست ماتوقعت اني بعيش هاي المشاعر

حسيت اني رجعت صغيره

فله والله لايفوتكم

بعد ماخلصنا ركوب الدراجات

خلص الوقت ولازم نطلع لأنه مافيه شي نسويه

عروض القرود والثعابين فاتنا مالحقنا عليهم

كان السائق يتريانا طلبنا منه يودينا نتعشى في مطعم من اختيار البنات

تابعوني ..

عامر الزعابيمعجبون بهذا.

هداوه · 24-03-2015, 12:04 AM

نتابع معاكم

بعد ماخلصنا مغامراتنا سرنا مطعم ايطالي

ونحن في الطريج وقفنا عند مكان ويلسنا نصور بس مااعرف وين هالمكان

وعقب ماصورنا ، سرنا صوب مطعمنا واسمه

وهذا موقعهم ع النت

http://www.drfrogssamui.com/

انطباعي

مطعم راقي وجميل والمنظر اللي يطل عليه غايه في الروعه وانصح فيه

دخلنا المطعم وكان فاضي لأنه نحن سايرين بدري

لاهو وقت غدا ولاوقت عشاء

ووجبتنا هاي هي الغداء والعشاء

المطعم كبير

هاي طاولتنا

المطل الجميل

كان الجو كله هواء ورياح

وعموما هاي الفتره تكثر الرياح والامطار في الجزيره

هذا الممر يودينا للحمام عزكم الله

وانا أمشي هنيه جان اشوف الشيخ طيطار يترياني

وانا سايره الحمام شفت العاملات وهم يشتغلون

بس مافي داعي تشوفون كراكيبهم

طلباتنا

الصراحه صورت في البدايه ومن اليوع نسيت أصور باقي أطباقي

طبعا غربت الشمس وليلت

وعقب مماخلصنا طلبونا تكسي وردينا منتجعنا

تابعوني في

اليوم الثاني وكيف قضيناه

قصة حب و عامر الزعابي معجبون بهذا.

bufahad · 24-03-2015, 02:13 AM

الحمدلله على سلامتكم وزين سويتي خليتي عبادي مع الريال

وعليكم بالف عافية متابعين معاج ..........والف شكر لج على نشاطك وجهدك

هاوية الاسفار · 24-03-2015, 04:17 AM

بالعافيه عليكم

يوم قلتي ركبت الدراجة على طول تذكرت عمري و يتني الضحكه

انا وأيد اخاف من الدراجات بس أجازف و اركب و امشي شوي شوي و مرة في خاطري اركب بس النسايب ويانا استحيت جان أسير فوق عَل العرقوب و نتمشى ورا شفت ولد اختي قلت عطني شوي بسوق و عطاني و اول ما مشيت الا رفعة و شيرة صغيرة جدامي و اركب و ترتفع الدراجة بس الله سلمني ما انجلبت و الشعب طبعا كلهم يضحكون عليه
لأنهم يالسين فوق و اليهال مصخروني صراحة ما شاء الله عليهم أحسن عني
و ما يخصه اذا تسوقين سيارة عادي انا أسوِّق بس السياره غير عن الدراجة لين الحين فيني الضحكة
متابعين المناظر الجميلة

راحيل · 24-03-2015, 09:22 AM

ذكرني هذا الشلال بشلال زرناه في اندونيسيا...نفس المغامرات و الصعوبة... خاصة كان معنا 4 أطفال
بس لحد الحين أعاني من مشكلة في الركبة بسبب زيارتي للشلال

[BIMG]http://i1050.photobucket.com/albums/s417/hadawauae/Bankok/water%20fall/Image00032_zpszmo7mtpw.jpg[/BIMG]

عاشقة مسقط · 24-03-2015, 11:59 AM

مرحبتين بأم عيسى

تقرير رائع كما تعودنا منك

و اريد استشارة

بحكم خبرتك و تجربتك، ايهما ترشحي للي يزور تايلاند لأول مره:

جزيرة بوكيت و الا جزيرة كوسوماي؟

وصلي ابداعك و نحن نواصل متابعتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جزيرة Redang .. جزيرة السحر والجمال .. جزيرة يجهل وجودها الكثير !!*	أبوعبدالله (الاسفار )	بوابة ماليزيا	8	05-08-2019 06:59 AM
الرحلات السياحية في جزيرة بوكيت	طائر الليل الحزين	بوابة تايلند	13	23-12-2016 02:07 AM
من جزيرة...لجزيرة..	نونا	بوابة البحرين	33	28-01-2016 08:27 AM
جزيرة جيمس بوند - تايلاند	bdr742	بوابة الكاميرات	19	27-04-2015 11:25 AM