الله يمسيكم بالخير جميعاً
وتقبل الله صيامكم وقيامكم وصالح اعمالكم واسأل الله ان يعيد هذا الشهر وانا وانتم وجميع من تحبون بصحه وعافيه ،،

قررت اقضي شهر العسل في اندونيسيا وبصراحه ماعمري طلعت برى دول الخليج << واقولها مستانس
مابطول عليكم مدة الرحلة 17 يوم تبدأ من 1 اوقست يوم الثلاثاء وتنتهي في 17 اوقست يوم الجمعة
رتبت جدول مبدئي ووضحت المبرر لأختيار الجدول واحتاج تكملون هالجدول بأرائكم وحسب تجاربكم وهو كالتالي :

( 2 جاكرتا ، 5 ايام بالي ، 1 جاكرتا ،4 باندونق ، 4 بونشاك ،1جاكرتا )

1- اول ما اوصل اريح بجاكرتا يومين << تعرفون ارهاق من الرحلة واول مره اجلس 10 ساعات فالطائره ومنها نتعرف على جاكرتا
2- وبعد كذا من جاكرتا على بالي خمس ايام <<
4- ومن بالي على جاكرتا ارتاح يوم واحد
5- الى باندونق 4 ايام قطار << بعيش اللحظة والبساطه واشوف الطبيعه ع الطريق
6- اخلص من باندونق على بونشاك << وياليت تفيدوني عن الطريق كيف من ناحية الامان والمسافة على فكرة حجزت في فندق ( بيسونا الام ) واخترت هالاربع ايام انها تصادف من الاحد الى الخميس يعني مافي زحمة بالطرق وكمان هذا الايام المتوفره بالفندق
7- ارجع على جاكرتا وارتاح يوم واحد نستعد لرحلة العودة لأرض الوطن فاليوم التالي ان شاء الله.

وسلامتكم ، وشرايكم بالهالجدول وترون مانسقت كذا الا بعد متابعة توفر الفنادق في بونشاك وكذلك اخذت فالحسبان ارهاق الطائرة فالقدم لأندونيسيا وكذا تعمدت اخلي بونشاك اخر شي
( رأيكم عن الجدول ، الفنادق والمنتزهات والمطاعم في بالي وباندونق وجاكرتا ) رايكم في كل شي يهمني جداً وتكفوون الفنادق في ارتفاع وبعضها نفذ ماعاد باقي وقت بحجز وراتاح وااسف على الاطاله وفقكم الله جميعاً .

كل شوي ادخل واعدل عالموضوع وهذا التعديل الاخير رأيكم

ماشاء الله الله يوفقنا وياك ورحلة سعيدة يارب