منقول للفائدة


اماكن التنزه غرب طربزون
١- بحيرة سيرا قول
في طرف طربزون من الجهه الغربيه ( تجعل البحر يمينك المدينه يسارك )تجيك لوحتها وانت متجه غرب مع طريق سامسون تلف يسار حوالي ٣ كم بها مطعمين مطله على البحيره وقوارب مائيه تدريج بالرجلين يعيبها المويه غير صافيه ترابيه والمنطقه غير مخدومه
٢-- خضر نبي ( حيدر نبي )
تبعد عن طربزون حوالي ٤٠ كم طريقه تتجه غربا مع طريق اوردو وسامسون مفرقها بعد ثاني اشاره بعد ملعب الكره ) تحت الانشاء ) تجيك لوحة خضر نبي يسار تلف يسار تمشي كم كيلو تجيك لوحه صغيره يسار حيدر نبي تطلع معها طريق ضيق ومتعرج تطلع الجبل حوالي ٢٥ كم الطريق جميل جدا ومطلات على القرى والخضره في كل مكان خضر نبي في قمة الجبل عباره عن ارض منبسطه نسبيا بها مطاعم واكواخ للاجار وبها بحيره صغيره جدا
٣- مغارة شال
تعد لوحة حيدر نبي الصغيره تجيك قرية دوز كوي بعد ٢٠ كم تقريبا تجيك لوحه يمينك مغارة شال اتبع اللوحات صعودا للجبل لين المغاره الطريق اليها والمنطقه المحيطه جميله جدا
٤- مرتفعات حاجي كالي
من نفس قرية دوز كوي تطلع الجبل من بين المحلات لين يجيك ارض منبسطه مكان جميل به مطاعم وجلسات حلوه ويوجد منتزه حلو يبعد حوالي ٥-٧ كم