السلام عليكم
وكل عام وانتم بخير وتقبل الله منا و منكم صالح الأعمال
بعد بحث عميق في جميع المنتديات وجدت ان هناك موضوع مهم لم يتطرق له احد او لم يعطى حقه وهو قيادة السيارة في بريطانيا
انا مخطط اني اخذ سيارة من مانشستر الى منطقة البحيرات(طبعا لندن مستحيل اجرب السيارة) لاني افضل القيادة على النقل العام وحاب ازور اماكن يمكن لا يصل لها الباص
وبما أن القيادة في بريطانيا مختلفه عن بقية دول العالم فأتمنى كل واحد استخدم السيارة يعطينا تجربته ويقدم لنا النصائح في كيفيت التأقلم وهل هي سهله ولا صعبه
واذا ممكن تعطونا افضل شركات لتأجير السيارات او اذا فيه طرق افضل من المكاتب
كل ما جيت احجز اتردد ابي احد يعطيني دفعه معنوية للإقدام على هالتجرية

اذا بتروح فيها من مانشستر الى البحيرات توكل على الله اهم شي مو داخل لندن
اشوي فيها شد بس تتعود عليها تمشي الامور
اهم شي تلتزم بالقوانين
الشركات المعروفه أفيس ويوروبا والامو والخ
ورحله سعيدة

وعليكم السلام ورحمة الله وبركاته
وكل عام وانت بخير
كنت بسأل نفس السؤال ووجدت الاجابه وما زلت متردد قليلا
ولكن كان لي تجربة القيادة في بعض الدول الاوربية وكانت ممتعة جدا مما يشجعني على اعادة التجربة مرة اخرى في مانشستر لزيارة البحيرات وملاهي التون تاور وغيرها اما لندن مخدومه بالمواصلات ، صحيح ان المقود عكس لكن تتأقلم ان شاءالله .

اهم نقطه خذ تأمين كامل لا تتحمل اي شي حتى لو زاد سعره

والله يحفظنا واياك وكل مسلم

انا نفس تفكيرك بالضبط لكن ودي اسال كيف الاسعار وهل يحتاج استخرج رخصة هناك او الرخصة السعودية تمشي؟ وياليت مواقع شركات تاجير

شي اخر وقاعدة اساسية في القيادة -في اي دولة -على الطرق (الفرديه ) يعني سايد واحد وهو ان السائق دايم يكون جالس بمنتصف الطريق موب جهة الطرف

انا افكر في نفس الموضوع من شهر ولازلت متردد
وسالت السواق الهندي كيف تعلم السواقه في السعوديه لان نظامهم مثل بريطانيا

الي عنده تجارب قياده في بريطانيا يعلمنا