السلام عليكم ..
عندي موضوع حصل لي في 2017 بباريس شهر عسل ..
نصب واحتيال من الشرطة بالتعاون معى أفراد حرامية من جميع الجنسيات ..بدون استثناء
سلمكم الله في اول يوم وصول لي باريس أخذت فندق في حي قريب من برج ايفل لسهولة الوصول للوجهات السياحية ..
(نصيحة وأكمل )
(بما اني سعودي باتطرق لعتب للمواطنيين السعوديين والخليجيين بصفه عامة ..
انت عينك مليانه بمعنى لو في يدك أييسكريم ماعجبك عادي بكل سهولة تطشه بالقمامة يمعنى ماتتحسف عليه غض النظر عن اكرام النعمه بس مثال علشان تتضح الصورة لك لانه باستطاعتك تشتري غيره وانت اصلن مسافر وانت مؤمن نفسك والجيب عمران المهم كل الي خارج الخليج ( الغير خليجيين ) يحسب حساب لقمته وبالمسطره والقلم يأكل توفير ومو كل شي يقدر يوفره حقيقه ذي فلذلك هم يرونك برميل بترول يمشي على الارض فأقول لكم يا اخواني. الخليجين كن مثل طبعهم. بالصرف لاتبذر لاتلبس ماركات كن طبيعي لأجل لاتلفت الأنظار ...وبعد فينا صفه حلوة داخل الخليج وبرا لاوالله انها من أكبر غلط تدري ايش الفززززززززززززعة ياخي خلك في حالك حتى لو يحط خشمة بخشمك اتركة لاتكلمة ولا حتى ابتسامه لانه ذا السائد عندهم وبتكون شاذ بمجرد ترد على الماره ويعرفون انك خليجي وشوف انواع النصب والاحتيال مثل حضرتي ... )
اكمل لكم قصتي اول يوم لي ابغى اكتشف المكان انا والمدام وقفني شخص يتكلم إنجليزي بطلاقه سألني من وين قلت لك من السعوديه ادربي برأسي ابتسم ابتسامة عريضه قلت بس بيقول لي كيف مزايين الإبل عندكم أكيد بينصبك انت ورأسك المهم قال لي صورني ابغى صورة تذكارية طبعا بعد ما نزلني تحت بالممشى حق نهر السين زوجتي تقول لي مشينا اتركه قلت لها افااا لازم أفزع له مسوي ذئب على غفله نزلت وقالت لي زوجتي باذني هذا كان يطاردنا من اول كأني حسّيت في شي لانه الرجال قاعد يكسب وقت بمعنى يفتش بمخابيه ومعاه ورقه يطوي فيها ويرجع يفتحها حطيت كامرته على الدرج وقلت له خذها وجيت طالع الاء اثنين حاطين الشاره بوجهي بوليس افااا !!! قال طلع كل الي عندك من امواااااال قلت ليش قال الشخص الي انت معاه مزور عملات واكيد انت تشتري منه !!!!!!!! وقال لي تفتيش كانت معي المحفضه من السعودية فيها صرف ريالات وعشرات شافها وقال طلع الان يالله انا بجيبي الخلفي في 1000 يورو قلت لهم لاحد يلمس زوجتي فتشوني انا فقط قال شنطتها لازم قلت شنطه ماعليه لاكن نو تتش ماي وايف اقل شي اطلع بنص ذيب قدام زوجتي 😂😂😂
المهم الرجال النصاب طلع فلوسه قبلي انواع العملات دولار يورو المهم قال لي ماعندك شي نهائي قلت مامعي يابن الحلال وانا معررررق بمكان وضع النقود 😂😂😂 المهم بعد كلام طووويل وتفتيش قال روح ولاعاد تتعودها ...
تنفست تنفس السعداء حقيقه موقف لا احسد عليه ...
طيب باشرح لكم بعد البحث في موضوعي وقابلت رجال محترم يبيع في محل يتكلم العربية شوف محل يعني مكان معلوم مو بالشارع قلت له موقفي ضحك وقال باين موضوعك انت معاك فلوس اصلية وَذَا متعاون معى الشرطه وعندهم فلوس مضروبه بيبدلها لااكثر لانه مستحيل تسرق بوجود الشرطة الكامرات بكل مكان لاكن يأخذ منك الأصلي ويعطيك مضروب اضمن له ... اهاا طلع ذا الموضوع ..
ياناااااس بعدها عشت في باريس اجمل ايّام حياتي تدرون كيف ما أكلم احد نهائي نهائي الاء صاحب محل مطعم كافية للطلب فقط ضبط امورك كل شي تبغى تسال عنه الجوال بيدك أستعلم من مثل ذا الصرح الجميل ( منتدى العرب المسافرون )
وطبقو ذا الموضوع بكل دولة بالعالم لأتكلم احد مهمى طلب مساعدتك انت رايح سياحة ولاء مكتب خدمات .. وسلامتكم
والله يوفقكم .. وكل عام وأنتم بخير

طيب ما تخاف اذا ما رديت عليه تتعرض للعنف خاصة ان اجسامهم قويه ويمكن تتأذى

Sent from my ONEPLUS A5000 using Tapatalk

جميل

احنا جونا بنات ع اساس تبع منظمه حقوق اطفال مدري ايش يبغونا نوقع على ورقه ونعطيهم فلوس وقت ماكنا نتناقش معهم وحده كانت تحاول تفتح سحاب شنطة زوجي وتركناهم على طوول
منتشرين كثير باالشانز وعمد برج ايفل

شكرا ع التنبيه جزاك الله خير


الافضل الابتعاد وعدم الاستماع لمثل هولاء >>>تطنيش ولا اوقف لهم

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

كل شيء تسال عنه موجود
ف جوالك
كلام كبير ومهم
بارك الله فيك
كلام درر وصفة سياحية متكاملة
فقط المهم التنفيذ والله الحامي

السوال الأهم هل تطنيشهم وعدم الرد عليهم لا يسبب لي اي عنف جسدي

Sent from my ONEPLUS A5000 using Tapatalk

اهم شي اذا طنشتهم مايأذوني

المفروض ماتتكلمون مع اي احد غريب عنكم حتى لو كلمكم عربي ... شفنا حالات كثير للنصب والسرقة ومايسمى بالـ( تقمير ) وهو مثل السحر ويسرقون الواحد وكانه موافق لهم ... ومافيه احد راح يؤذيك وصعبة توقف لاي واحد لمجرد انك خايف والحل انك لو خفتي انك تركضين منه وفي صفرات حماية تباع واحيانا توزع مجانا وهي لو احد تعرض لك او رفض يبعد عنك تسحبينها وتطلق انذار عالي جدا يلفت انتباه اي احد من مسافة كبيرة ويعرف انك تتعرضين لاعتداء .. وحملها مفيد وانا بنتي وزوجتي معهم دايم



https://www.amazon.co.uk/Self-defenc.../dp/B01B4KFEEQ

والله يحفظ الجميع

ابد عن نفسي اذا طلعت امشي لمكان معين. ادخل الجهة المقصودة برأسي ثم اشغل "Auto Pilot" وادعس ولا علي من أحد.