دقوا الطبوول..الفيلسوف وصل اسطنبول..حياكم

فيلسوف المقهى · 02-07-2018, 09:56 PM

السلام عليكم ورحمة الله وبركاته..

اليوم الاثنين2018/7/2

بحمدالله وتوفيقه حططت رحلي في اسطنبول..عبر الناقل الحبيب" طيران بيجاسوس" مع إنهم عند تدقيق العفش نثروا قهوتي والشاهي بالدراام عسااهم للانفلونزا الحادة.. والسبب ممنوع تاخذ معك شي للطيارة..لكن الحمدلله.. ماضاع شي..اشتريت منهم وانا بالطيارة كاس قهوة مايملا قطرة العين ب20 ليرة>>>>> أضحك على نفسي وكأني ما غُلبت..

.. وصلنا مطار صبيحة..زحمة الجوازات.. شيء لايطاااق .. شرط اللي منععم البارح عند الحلاق..ينبت الشعر وهو واقف بالسرااااء ..من طول الوقوف..

السيارة .. شركة ^^ جارنتينا^^ شركة منافسة مع بدجت وأفيس ..لكن.. تعاملهم هالمرة..زعلت عليهم..

أخذوا قيمة تأمين كامل بسعر 300 ليرة ونيف .. وعلى حسب تعاملي معهم..ماكانوا يأخذون الا مبلغ500 وأحيانا 300 على حسب كبر السيارة وصغرها.. يعني 500 حق المخالفات وسلامة الموتر.. لكن هالمرة شفطوا شفاطين النمل.. المبلغ المذكور سلفا..يعني خذوا مبلغ التأمين500 + 300 وبالطبع.. الخمسمائة يقولون ستعود..وقد تقصصفت أطراف شعرها..
..أما الثلاثة مائة.. فــ ستغيب غيبة قرش في قعر جوف قرش( البطل يفكك المقولة السابقة)

.. ثانيا..من شان تستلم السيارة .. احزم راسك بعصاابة..ســ تاخذ عفشك وتجرجره وانت بالمطار على عربية من ثقلها ( يلزمك تستأجر سطحة تركبها عليها ) ..وتروووح لمبنى جهة ( التكاااسي) تنتظر الباص التابع للشركة ومعك زبائن آخرون .. بعده يوصلك الباص خااارج المطار بمسافة ثلاثة كيلواات تقريبا حتى تصل لمقر الشركة..

.. استلمنا بحمدالله السيارة..ورجعوا مررة ثانية يوثقون المعلومات من جديد!! طيب والمكتب اللي تو كنا عنده بالمطار ش كنا نسوي!! نطلب شكشوكة مثلا!!!

.. السيارة فيات..قير توماتيك..ديزل.. لأني بعون الله وتوفيقه ناوي أعيد مسلسل سندباد..واطلع من اسطنبول الى طربزون على السيارة ..

الان .. نحن حفظنا الله في ولاية ( بولو) شررفها الله..وغدا نكمل الى أوردوا ..وإن وجدنا ديرة مناسبة أنخنا مطايانا بها( الترجمة: جلسنا فيها)..

كان الله في عون بصائركم .. حيث ستشاهد صورا متواضعة .. آمل من الله ثم منكم دعم الأسر المنتجه وتشجيعي على جودة الصور رغم ضعف مستواها( والكلمة الطيبة الصدقة) .. واللي صريح..عادي يقوول ويعببر .. أنا أخوكم الشاايب الصغيير

.. اللي يبي خدمة وإلا فزعة .. يبشر بغلاااه.. عسى الله لايحيجكم لأحد .. حيااه..يمسك يسار المنتدى من أعلاه..ويطق الباب الخاص..

معليش..الظاهر بعض الصور ملتقطها وأنا أمشي على كفرين..

Abu Muataz, مخاوي البر, توبليرون و 5 آخرون معجبون بهذا.

Abu Muataz · 02-07-2018, 10:08 PM

و عليكم السلام و رحمة الله و بركاته ...

الحمد لله على السلامة ... و نورت تركيا بقدومكم ...

مقدمة شيقة للتقرير تخفى في ثناياها أنواع المغامرات و التشويق ...."

" الله يسلمك .. أنلوحت رقبتي علشان أشوف الصور

واصل و نحنو معاك في المقعد الأمامي

مخاوي البر, توبليرون, الفراهيدي و 1 آخرون معجبون بهذا.

مخاوي البر · 02-07-2018, 10:19 PM

هلابك اخوي فيلسوف المقهى
***
بعد اذنك

تم نقل الموضوع الى هنا... مكانه المناسب

توبليرونمعجبون بهذا.

مخاوي البر · 02-07-2018, 10:30 PM

موعودون بتقرير شيق باذن الله
***
يعجبني اسلوبك العفوي وقفشاتك الجميلة... استمر
***
القهوة والشاهي شايلها معك في المقصورة والا مع العفش
اعتقد لو كانت مع العفش افضل
***
نبهنا كثيرا بعدم حمل اي سوائل او مشروبات او مساحيق
حتى لو كانت للاكل او الشرب... في المقصورة
والافضل وضعها مع العفش المشحون داخل الطائرة
***
الله يسعدك الصور تفرجت عليها وانا منسدح ههههههه
***
واصل متابع معك للنهاية

توبليرون و الفراهيدي معجبون بهذا.

فيلسوف المقهى · 02-07-2018, 10:31 PM

اقتباس : المشاركة الأصلية كتبت بواسطة مخاوي البر

هلابك اخوي فيلسوف المقهى
***
بعد اذنك

تم نقل الموضوع الى هنا... مكانه المناسب

هلا بمخاوي البر

سماك الله تقدر على النقل .. وتمتلك الصلاحية .. رفع الله مقامك..

لاهنت عددل وزنية الصور..أبومعتز طقطقة رقبه وهو يطاالع بالصور..

تم الإرسال من SM-N920C باستخدام Tapatalk

توبليرونمعجبون بهذا.

فيلسوف المقهى · 02-07-2018, 10:40 PM

اقتباس : المشاركة الأصلية كتبت بواسطة Abu Muataz

و عليكم السلام و رحمة الله و بركاته ...

الحمد لله على السلامة ... و نورت تركيا بقدومكم ...

مقدمة شيقة للتقرير تخفى في ثناياها أنواع المغامرات و التشويق ...."

" الله يسلمك .. أنلوحت رقبتي علشان أشوف الصور

واصل و نحنو معاك في المقعد الأمامي

هلا بومعتز

نوور الله حياتك..بالإيمان..وطاعة الرحمن..

شكرا لتواجدك الحلو معنا في قطاار رحلتنا ..

قدر الله .. الصور .. جنحت يساار..

أسأل الله أن يبعث لها من يعددل رقبتها

تم الإرسال من SM-N920C باستخدام Tapatalk

Abu Muataz و توبليرون معجبون بهذا.

مخاوي البر · 02-07-2018, 11:15 PM

اقتباس : المشاركة الأصلية كتبت بواسطة فيلسوف المقهى

هلا بمخاوي البر

سماك الله تقدر على النقل .. وتمتلك الصلاحية .. رفع الله مقامك..

لاهنت عددل وزنية الصور..أبومعتز طقطقة رقبه وهو يطاالع بالصور..

تم الإرسال من SM-N920C باستخدام Tapatalk

ولا يهمك حبيبنا... فيلسوف
تم تعديل الصور

تامر امر... بس المرة ذي

بعد كذا لا تمشي على كفرين وانت تصور

حاول تعدل الصور من جهازك قبل ماترفعها للمنتدى
تراها سهلة مايبيلها شي
من نفس برنامج تشغيل الصور الي في جهازك (الي يعرض لك الصور)
ابحث عن علامة تدوير الصورة

توبليرونمعجبون بهذا.

فيلسوف المقهى · 02-07-2018, 11:29 PM

اقتباس : المشاركة الأصلية كتبت بواسطة مخاوي البر

ولا يهمك حبيبنا... فيلسوف
تم تعديل الصور

تامر امر... بس المرة ذي

بعد كذا لا تمشي على كفرين وانت تصور

حاول تعدل الصور من جهازك قبل ماترفعها للمنتدى
تراها سهلة مايبيلها شي
من نفس برنامج تشغيل الصور الي في جهازك (الي يعرض لك الصور)
ابحث عن علامة تدوير الصورة

مايامر عليك عدو

تسلم

والله على الجوال كانت منننتاازه

بس الظااهر بعد ماخلصت من تنزيل الموضوع..حطيت الجوال بمخباتي.. ف حصل تغيير بتوازن الصور ..

تم الإرسال من SM-N920C باستخدام Tapatalk

توبليرونمعجبون بهذا.

توبليرون · 02-07-2018, 11:56 PM

حلو التقرير الطازج ينقلنا معاكم
تعليقاتك تضحك هههه وفهمنا القرش ( المال ) اللي بيغيب ببطن قرش ( سمكة ) والله مثل حلوو اول مره اسمعه

الظاهر بننبسط مع التقرير
عطنا تفاصيل وصور اكثر
متابعين معاك

مخاوي البر و الفراهيدي معجبون بهذا.

فيلسوف المقهى · 03-07-2018, 12:34 AM

اقتباس : المشاركة الأصلية كتبت بواسطة توبليرون

حلو التقرير الطازج ينقلنا معاكم
تعليقاتك تضحك هههه وفهمنا القرش ( المال ) اللي بيغيب ببطن قرش ( سمكة ) والله مثل حلوو اول مره اسمعه

الظاهر بننبسط مع التقرير
عطنا تفاصيل وصور اكثر
متابعين معاك

أهلا بك توبليرون

أبشروا .. بحول الله نوافيكم بكل جديد

هالصورة.. من فندق ريفي جميل..إستأجرت منه غرفة مع صالة جميلة وبلكونة ومطبخ .. يجمع ذلك فرش نظيفة.. وأثاث أجمل.
يكممل هذه.. إطلالة .. لاوصف يوفي بروعتها..

درجة الحرارة الآن 15 درجة.
..بولو

الساعة 12:30 ليلا.

تم الإرسال من SM-N920C باستخدام Tapatalk

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قارمش_فوسين فندقنا و جولتنا حياكم	ياسمينة ستي	بوابة المانيا	64	22-06-2019 01:23 AM
اهل الخبرة بماليزيا حياكم	بوعيد	ماليزيا	26	25-04-2018 09:44 AM
اول زياره لي لسويسرا حياكم	nasoore	بوابة سويسرا	23	11-09-2016 04:30 AM