دقوا الطبوول..الفيلسوف وصل اسطنبول..حياكم

فيلسوف المقهى · 02-07-2018, 09:56 PM

السلام عليكم ورحمة الله وبركاته..

اليوم الاثنين2018/7/2

بحمدالله وتوفيقه حططت رحلي في اسطنبول..عبر الناقل الحبيب" طيران بيجاسوس" مع إنهم عند تدقيق العفش نثروا قهوتي والشاهي بالدراام عسااهم للانفلونزا الحادة.. والسبب ممنوع تاخذ معك شي للطيارة..لكن الحمدلله.. ماضاع شي..اشتريت منهم وانا بالطيارة كاس قهوة مايملا قطرة العين ب20 ليرة>>>>> أضحك على نفسي وكأني ما غُلبت..

.. وصلنا مطار صبيحة..زحمة الجوازات.. شيء لايطاااق .. شرط اللي منععم البارح عند الحلاق..ينبت الشعر وهو واقف بالسرااااء ..من طول الوقوف..

السيارة .. شركة ^^ جارنتينا^^ شركة منافسة مع بدجت وأفيس ..لكن.. تعاملهم هالمرة..زعلت عليهم..

أخذوا قيمة تأمين كامل بسعر 300 ليرة ونيف .. وعلى حسب تعاملي معهم..ماكانوا يأخذون الا مبلغ500 وأحيانا 300 على حسب كبر السيارة وصغرها.. يعني 500 حق المخالفات وسلامة الموتر.. لكن هالمرة شفطوا شفاطين النمل.. المبلغ المذكور سلفا..يعني خذوا مبلغ التأمين500 + 300 وبالطبع.. الخمسمائة يقولون ستعود..وقد تقصصفت أطراف شعرها..
..أما الثلاثة مائة.. فــ ستغيب غيبة قرش في قعر جوف قرش( البطل يفكك المقولة السابقة)

.. ثانيا..من شان تستلم السيارة .. احزم راسك بعصاابة..ســ تاخذ عفشك وتجرجره وانت بالمطار على عربية من ثقلها ( يلزمك تستأجر سطحة تركبها عليها ) ..وتروووح لمبنى جهة ( التكاااسي) تنتظر الباص التابع للشركة ومعك زبائن آخرون .. بعده يوصلك الباص خااارج المطار بمسافة ثلاثة كيلواات تقريبا حتى تصل لمقر الشركة..

.. استلمنا بحمدالله السيارة..ورجعوا مررة ثانية يوثقون المعلومات من جديد!! طيب والمكتب اللي تو كنا عنده بالمطار ش كنا نسوي!! نطلب شكشوكة مثلا!!!

.. السيارة فيات..قير توماتيك..ديزل.. لأني بعون الله وتوفيقه ناوي أعيد مسلسل سندباد..واطلع من اسطنبول الى طربزون على السيارة ..

الان .. نحن حفظنا الله في ولاية ( بولو) شررفها الله..وغدا نكمل الى أوردوا ..وإن وجدنا ديرة مناسبة أنخنا مطايانا بها( الترجمة: جلسنا فيها)..

كان الله في عون بصائركم .. حيث ستشاهد صورا متواضعة .. آمل من الله ثم منكم دعم الأسر المنتجه وتشجيعي على جودة الصور رغم ضعف مستواها( والكلمة الطيبة الصدقة) .. واللي صريح..عادي يقوول ويعببر .. أنا أخوكم الشاايب الصغيير

.. اللي يبي خدمة وإلا فزعة .. يبشر بغلاااه.. عسى الله لايحيجكم لأحد .. حيااه..يمسك يسار المنتدى من أعلاه..ويطق الباب الخاص..

معليش..الظاهر بعض الصور ملتقطها وأنا أمشي على كفرين..

مخاوي البر, Abu Muataz, ابو راكان ~ و 5 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قارمش_فوسين فندقنا و جولتنا حياكم	ياسمينة ستي	بوابة المانيا	64	22-06-2019 01:23 AM
اهل الخبرة بماليزيا حياكم	بوعيد	ماليزيا	26	25-04-2018 09:44 AM
اول زياره لي لسويسرا حياكم	nasoore	بوابة سويسرا	23	11-09-2016 04:30 AM