فزعتكم جاوبي على اسئلتي - الصفحة 2

wala0022 · 15-07-2018, 05:47 PM

قررنا نسافر في شهر اغسطس بسبب اجازة العمل
الله يعطيك العافية ابي مخطط لمدة عشرين يوم كم مدينة ازور؟
وكل مدينة كم اجلس فيها ؟
عند الوصول الى طوكيو اروح لاي مطار لان طوكيو لها مطارين

Prince Kytuمعجبون بهذا.

Prince Kytu · 15-07-2018, 11:06 PM

بالنسبة للمطار في طوكيو الأقرب Haneda
ولكن ممكن يكون توقيت طيران Narita أفضل فعلى حسب شنو تفضلون

بالنسبة لجدول الرحلات بعطيكم أكثر من اختيار وشوفوا إلي يناسبكم

(اقتراح 1)
طوكيو 3 (مثلا تكون في ديزني)
ناغويا 4
هيروشيما 3
أوساكا 5 (نارا - كيوتو - كوبي - هيميجي .. مناطق ممكن زيارتهم)
طوكيو 5

(اقتراح 2)
طوكيو 1 (طيران داخلي إلى سابورو 3)
هيروشيما 3 (طيران من سابورو إلى هيروشيما)
أوساكا 5 (نارا - كيوتو - كوبي - هيميجي .. مناطق ممكن زيارتهم)
ناغويا 4
طوكيو 5

(اقتراح 3)
طوكيو 1 (بحيرة كاواغوتشي في فوجي 3)
ناغويا 4
هيروشيما 3
أوساكا 5 (نارا - كيوتو - كوبي - هيميجي .. مناطق ممكن زيارتهم)
طوكيو 5

* طبعا الخيارات كثيرة ممكن تسكنون في كوبي أو كيوتو وتقللون من أوساكا أو بدال منطقة ثانية وهكذا
يعني الأسهل تحددون أماكن الإقامة وبعدها أحدد لكم توزيع الأيام وترتيبهم حسب الطريق
المناطق المناسبة للإقامة ومناسبة للمدة
(طوكيو - أوساكا - ناغويا - هيروشيما - كوبي - أوكاياما - كيوتو - سابورو - هاكون أو كاواغوتشي عند فوجي)

وهذا تقرير يفيدكم (هنا)

wala0022معجبون بهذا.

wala0022 · 16-07-2018, 05:40 PM

يعطيك العافيه

ملاحظه ان طوكيو اخر محطه هل السبب ان اوساكا مافيها مطار ؟

ان كتبت ان التنقل بين المدن يكون بالطيران الداخلي هل الطيران الداخلي افضل من القطار ؟
وهل سعر القطار ارخص من الطيران الداخلي ؟

لاني صراحه ماعرف قيمه القطار من مدينه للثانيه

والصراحه احترت نختار اي برنامج وحسيت الاقتراح الاول هو افضل شي

Prince Kytuمعجبون بهذا.

Prince Kytu · 16-07-2018, 08:47 PM

يعطيك العافيه
الله يعافيج أختـي

ملاحظه ان طوكيو اخر محطه هل السبب ان اوساكا مافيها مطار ؟

بلى فيها مطار ولكن مو كل الطيران عندنا يوصل إلى أوساكا فـ افترضت إن الوصول والمغادرة من طوكيو

ان كتبت ان التنقل بين المدن يكون بالطيران الداخلي هل الطيران الداخلي افضل من القطار ؟
وهل سعر القطار ارخص من الطيران الداخلي ؟

لاني صراحه ماعرف قيمه القطار من مدينه للثانيه

القطار هي الوسيلة الأفضل ولكن الطيران الداخلي ذكرته لأن المسافة بعيدة بين المنطقة إلي ذكرتها (سابور)
مثلا تكلفة القطار من طوكيو إلى أوساكا تقريبا 14500 ين ياباني

والصراحه احترت نختار اي برنامج وحسيت الاقتراح الاول هو افضل شي

بعد اختيار البرنامج
الخطوة الثانية تحجزين الفنادق بإلغاء مجاني
لأن الفنادق إلي مساحتها ممتازة بسرعة تخلص

wala0022معجبون بهذا.

wala0022 · 17-07-2018, 09:56 AM

اقتباس : المشاركة الأصلية كتبت بواسطة Prince Kytu

بالنسبة للمطار في طوكيو الأقرب Haneda
ولكن ممكن يكون توقيت طيران Narita أفضل فعلى حسب شنو تفضلون

بالنسبة لجدول الرحلات بعطيكم أكثر من اختيار وشوفوا إلي يناسبكم

(اقتراح 1)
طوكيو 3 (مثلا تكون في ديزني)
ناغويا 4
هيروشيما 3
أوساكا 5 (نارا - كيوتو - كوبي - هيميجي .. مناطق ممكن زيارتهم)
طوكيو 5
()

اولا الله يعطيك العافيه تعبتك معي واقلقتك لكن والله جدا ملخبطه ولاني فاهمه ولاشي احس اول سفريه اكون مو عارفه شي

الحين لو تنقلت من طوكيو الى ناغويا قطار تقريبا بيكون زي ماقلت 14500 ين يعني بالسعودي 485ريال يعني تقريبا بسعر طيران داخلي للشخص الطيران 385 ريال
مافي فرق كبير
انا مادري الصدق ايهم اريح القطار ام الطيار خصوصا ان معنا شنط
هذي ابي خبرتك ورايك فيها ماستغني عنها

ثانيا بالنسبه ل اوساكا انت حاط لي مناطق فيها هل هذي المناطق داخل اوساكا ولا اطلع من اوساكا و ازور مثلا نارا وكيوتو

ثالثا اول 3 ايام بطوكيو ان كاتب مثلا ديزني كيف اروح ديزني ب القطار او الباصات ؟

رابعا بما ان التنقل بالقطار تقريبا مكلف هل تنحصني ببطاقه JR Pass لتوفير التنقل بين المدن في حال اخترنا التنقل بالقطار
وهل صحيح تكلفتها 266 دولار وبالين 29856 ين ؟
هل المبلغ ممكن نصرف اكثر منه في حال التنقل طبعا للشخص ؟

خامسا الف شكر لك على سعه صدرك وحبك للخير وافاده الناس الله يجزاك الف خير

Prince Kytuمعجبون بهذا.

Prince Kytu · 17-07-2018, 09:42 PM

إن شاء الله أختـي
راح اجاوب على الاسئلة غدا إن شاء الله

wala0022 · 18-07-2018, 10:35 AM

خذ راحتك الله بعذيك العافيه

Prince Kytuمعجبون بهذا.

Prince Kytu · 18-07-2018, 05:19 PM

اولا الله يعطيك العافيه تعبتك معي واقلقتك لكن والله جدا ملخبطه ولاني فاهمه ولاشي احس اول سفريه اكون مو عارفه شي

الله يعافيج أختـي .. إن شاء الله تتيسر الأمور وتكون رحلة سهلة

الحين لو تنقلت من طوكيو الى ناغويا قطار تقريبا بيكون زي ماقلت 14500 ين يعني بالسعودي 485ريال يعني تقريبا بسعر طيران داخلي للشخص الطيران 385 ريال
مافي فرق كبير
انا مادري الصدق ايهم اريح القطار ام الطيار خصوصا ان معنا شنط
هذي ابي خبرتك ورايك فيها ماستغني عنها

من محطة Tokyo إلى Nagoya بـ 11090 ين
أما 14500 ين من Tokyo إلى Osaka

ولكن تفضيل القطار عن الطيارة بسبب قصر المسافة
لأن فرضاً إذا بتروحون من طوكيو إلى ناغويا بالطيارة
لازم تروحون من الفندق إلى المطار بالقطار وبعد ما توصلون مطار ناغويا تاخذون قطار من المطار إلى الفندق فما استفدتوا من الطيران !! بل العكس ضفتوا إجراءات الطيران زيادة

الطيران الداخلي مفيد حق الأماكن البعيدة مثلا تبعد 7 أو 9 ساعات بالقطار ويكون الطيران فقط ساعة أو ساعتين

ثانيا بالنسبه ل اوساكا انت حاط لي مناطق فيها هل هذي المناطق داخل اوساكا ولا اطلع من اوساكا و ازور مثلا نارا وكيوتو

نارا وكيوتو مناطق خارج أوساكا ولكنها قريبة وسهل الوصول لها والعودة بنفس اليوم ورحلة القطار ما تكلف وايد
نارا تشتهر بوجود الغزلان البرية تمشي في الحدائق وعند المعابد
أما كيوتو فهي العاصمة القديمة لليابان فتعتبر منطقة تاريخية وكذلك طبيعتها حلوة

ثالثا اول 3 ايام بطوكيو ان كاتب مثلا ديزني كيف اروح ديزني ب القطار او الباصات ؟

عن طريق القطار من المطار

بموقعهم موضحين الطريق حسب موقعكم ((هنا))

رابعا بما ان التنقل بالقطار تقريبا مكلف هل تنحصني ببطاقه JR Pass لتوفير التنقل بين المدن في حال اخترنا التنقل بالقطار
وهل صحيح تكلفتها 266 دولار وبالين 29856 ين ؟
هل المبلغ ممكن نصرف اكثر منه في حال التنقل طبعا للشخص ؟

في حالة تنقلاتكم بالمقترح إلي ذكرته
اي الأفضل تشترون الـ JR Pass تطلبونه من النت ويرسلونه لعنوانكم
وفي اليابان بالمطار تبدلون الظرف ببطاقة الـ JR Pass
الأسعار والطلب يكون من هذا الموقع ((هنا))

التنقل من مدينة لأخرى بالقطار وتطلبون تذاكر بحجز مقعد من المكتب الموجود بالمحطات الرئيسية بعد ما تورونهم الـ JR Pass
مثلا في طوكيو محطة Tokyo وفي أوساكا محطة Osaka وهكذا

خامسا الف شكر لك على سعه صدرك وحبك للخير وافاده الناس الله يجزاك الف خير

وياج أختـي وحياج الله

wala0022معجبون بهذا.

wala0022 · 22-07-2018, 10:57 AM

الله يجزاك خير ماقصرت
تأخرت بالرد لان حصل لي ظرف

البطاقه من النت طلبها كم تأخذ من يوم وتوصل لان سفرنا تقريبا بعد اسبوع ؟ وتقترح نأخذ حقت 7 ايام ولا 14 يوم ولا 21 يوم ؟ مده سفرنا تقريبا 20 او 25 يوم

واحنا شخصين نشتري لكل واحد بطاقه او نفس البطاقه ؟

في موضوع لك كتاب فيه الافضل الوصول على اوسكاكا اول والعودة من طوكيو تقترح علينا نخلي خط الرحله كذا ؟ ولانبقى على اللي عطتنياه انت ؟ واذا بنغير الله يعافيك ابي المسار الجديد

وفي سؤال اخير
اذا وصلت للمطار ومثلا اول مدينه طوكيو كيف اروح للفندق نأخذ قطار ولا تاكسي ولا كيف ؟ واذا قطار لازم اكون اعرف اسم المنطقه اللي بنزل فيها ولا ايش
صدق هذا اكثر سؤال حيرني

Prince Kytuمعجبون بهذا.

Prince Kytu · 22-07-2018, 08:55 PM

wala0022
أول شي أختـي حجزوا الطيران وشوفوا شنو المتوفر لأن على حسب الطيران مو كلهم يروحون أوساكا
فإذا الوصول أوساكا والعودة من طوكيو تكون الرحلة كالتالي:

أوساكا 5 (نارا - كيوتو - كوبي - هيميجي .. مناطق ممكن زيارتهم)
ناغويا 4
هيروشيما 3
طوكيو 8

أما إذا الذهاب والعودة من طوكيو تكون

طوكيو 3 (مثلا تكون في ديزني)
ناغويا 4
هيروشيما 3
أوساكا 5 (نارا - كيوتو - كوبي - هيميجي .. مناطق ممكن زيارتهم)
طوكيو 5

تطلبون الـ JR Pass بأقرب وقت تحتاج تقريبا 4 أيام للوصول
تطلبون 2 حق 14 يوم
ويكون تاريخ الاستخدام بتاريخ مغادرة أول منطقة يعني إذا أول منطقة أوساكا يكون تاريخ الاستخدام يوم مغادرتكم لأوساكا وتستمر لـ 14 يوم

أما طريقة الوصول إلى الفندق من المطار يعتمد حسب مكان الفندق ممكن يكون الباص أسهل وممكن يكون القطار أفضل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فزعتكم جاوبي على اسئلتي	wala0022	بوابة جورجيا و اذربيجان	7	27-07-2018 01:00 PM
اسئلتي عن السكن واشياء ثانيه	Reema	بوابة بريطانيا	10	07-05-2017 09:35 AM
اتمنى الجواب على اسئلتي للضروره	ابوميار	ماليزيا	7	25-12-2016 02:48 PM
جواب ع اسئلتي	حلم الفراشه	بوابة الامارات	6	24-05-2015 04:35 AM