2018 فانكوفر تورونتو أوتاوا كويبيك مونتريال - الصفحة 7

ali pontiac · 11-08-2018, 10:40 PM

يوم المغادرة من كويبيك نزلنا وسوينا الجك آوت وركبنا السيارة،ضبطنا الـGPS على فندقنا في مونتريال، و ومسافة الدرب هالمره ساعتين و شوي، اثناء القياده في الدرب اتصلو فينا التأمين وقلنا لهم احنا متوجهين لمونتريال، وعطيناهم العنوان الفندق في مونتريال، وقلنا لهم حاليا احنا في الدرب، وقالو طيب اذا وصلتو خبرونه،،

وصلنا مونتريال وفندقنا كان la citadelle mcgill اهوه سكن طلاب جامعة Mcgill وفي الصيف يكون فندق عام ، وصلنا ونزلنا الشنط و رحنا لمحطة البترول وشحنا السياره بترول وتوجهنا لمكتب شركة التأجير حق ترجيعها، يوم حجزت السياره اخترت مكان التسليم اقرب مكتب من الفندق ومسافة مشي 25 دقيقه بين المكتب و الفندق،، سلمنا السياره ورجعنا الفندق حق الـجك ان

رابط الفندق
V
V
http://www.booking.com/Share-zkYFY5

الفندق موقعه جيد جيدا، ونظافته ممتازه

اتصلنا على شركة الـتأمين وقلنا لهم انه وصلنا، قالو لنا مافي عيادات خاصة في منطقتنا، والمستشفيات الحكومية ماتقبل التأمين لأنهي مجانيه للمواطنين، فقالو بنرسل لكم دكتور على بيوصل لكم على الساعة7 مساء، وفعلا على الوقت وصل الدكتور، وفحص زوجتي وكتب لنا وصفتين دواء، قال الوصفه الأولى امشو عليها يومين اذا ماصار تحسن او وقف الألم ورجع اخذو الوصفه الثانيه، والحمدلله كانت بسيطة الدواء كان قطور للأذن و مسكن، والحمدلله راح الألم من بداية استخدام الدواء

الموضوع اخذ له تقريبا 24 ساعه من اول اتصال لهم الى حد ماوصل الدكتور، اعتقد انهم يقيمون الموضوع اذا كان مستعجل او لا والله اعلم،،،بس هذي اول مره وخلاص راح دائما اسوي التأمين اذا اسافر

وهذي اليوم قلت للمدام ترتاح، وانا نزلت تحت الفندق عندهم غرفة غسيل في الطابق الثاني فيها غسالات ملابس و جفافات، اشتريت كرت من الأستقبال ب 5دولار ، لأستخدام الغسالة و الجفافة، الأستخدام للغسلة 2 دولار وايضا لجفافة الملابس 2دولار

وهذي كان يوم الوصول
واليوم الثاني ابتدي لكم رحلة آخر محطة كندية

الايمان, q8ya metnaqla, مقدام و 5 آخرون معجبون بهذا.

namareq · 12-08-2018, 09:33 AM

تقرير ممتاز وممتع جدا

حبيت فانكوفر واوتاوا وكيبيك

كيبيك ذكرتني بشوارع ادنبره بمبانيها القديمه

تورنتو اللي يميزها شلالات نياجرا

ما فكرت تنزل بمنتجعات خارج المدن ؟

ali pontiac, فارس من خيال, توبليرون و 2 آخرون معجبون بهذا.

ali pontiac · 12-08-2018, 01:15 PM

اقتباس : المشاركة الأصلية كتبت بواسطة namareq

تقرير ممتاز وممتع جدا

حبيت فانكوفر واوتاوا وكيبيك

كيبيك ذكرتني بشوارع ادنبره بمبانيها القديمه

تورنتو اللي يميزها شلالات نياجرا

ما فكرت تنزل بمنتجعات خارج المدن ؟

شاكر لج مرورج

لا والله مافكرت انزل منتجعات، مقاطعة Alberta معروفة بالمنتجعات وطبيعتها الحلوه بس مازرتها.

فارس من خيال, توبليرون و آخـــرفـــرصـــة معجبون بهذا.

q8ya metnaqla · 12-08-2018, 02:53 PM

المدينة القديمة في كويبيك روووعه
بس الاحظ مدنهم مافيها زحمه والشوارع خفيفه

التأمين شي والله
سلامتها وماتشوف شر

ali pontiac, فارس من خيال, توبليرون و 2 آخرون معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ali pontiac · 12-08-2018, 06:00 PM

مونتريال
اليوم الثاني

مونتريال اكبر مدينة في مقاطعة كويبيك، و الأسم مشتق من الجبل الي في المدينة اسمه Mount royal وكان اسمها في السابق Villie marrie او City of Mary

صحينا اليوم الثاني و تجهزنا ونزلنا، كنت ابي افطر في Schwartz Deli
اشهر اماكن مونتريال حق سندويش اللحم المدخن وموجود من سنة 1928

شارع St Laurent blvd محلات ومطاعم وكافيهات

وصلنا Schwartz

السندويش عباره عن لحم مدخن وخردل بس وطلبت قهوه المدام طلبت شبس بس، وايد من الربع يوم نزلت صورته في في السناب ماعجبهم بس والله لذيذ السعر 19 دولار ويقبلون بس كاش

ونكمل مشوارنا

دخلنا ممر Rue prince arthur

حديقة Square Saint louis

شارع Rue Saint Dennis شارع حلو كله محلات ومطاعم جلسات خارجية

واصلنه المشي لي المنطقة القديمة قريبة من الميناء

شارع Saint Paul

هذي Marché Bonsecours داخله محلات حرفية و ملابس و اشياء ثانيه حلو حق طله سريعه

ساحة Place Jacques Cartier

وهذي Montreal City hall

اشهر كنيسة في كندا Notre-Dame Basilica of Montreal الدخول بــ 6 دولار

منطقة الميناء القديم

China Town

رجعنا الفندق و خذنا قسط من الراحه وطلعنا في الفترة المسائية

جامعة Mcgill

شارع Saint-Catherine St شارع طويل وحيوي فيه سينما ومجمعات و مطاعم والحركة فيه مستمره

كانو يغنون اغاني السبعينات الحلوه، وادائهم كان قوي

نهاية اليوم الثاني

يتبع...

مقدام, q8ya metnaqla, فارس من خيال و 4 آخرون معجبون بهذا.

ali pontiac · 12-08-2018, 06:03 PM

اقتباس : المشاركة الأصلية كتبت بواسطة q8ya metnaqla

المدينة القديمة في كويبيك روووعه
بس الاحظ مدنهم مافيها زحمه والشوارع خفيفه

التأمين شي والله
سلامتها وماتشوف شر

الزحمة تعتمد من مكان لي آخر

كويبيك القديمة حلوه و وايد فيها سياح

الله يسلمج

فارس من خيال, توبليرون و آخـــرفـــرصـــة معجبون بهذا.

namareq · 14-08-2018, 08:45 AM

حلوه الشوارع القديمه في مونتريال

فارس من خيال, توبليرون, آخـــرفـــرصـــة و 1 آخرون معجبون بهذا.

q8ya metnaqla · 14-08-2018, 12:10 PM

وايد حلو اليوم الثاني في مونتريال
وبالعافيه الريوق اللذيذ ماعندهم سالفه [emoji3]
فن الغرافتي روعه عندهم خصوصا رسمة العيوز
حلوه شوارعهم مرتبه وايد

Sent from my iPhone using Tapatalk

فارس من خيال, توبليرون, آخـــرفـــرصـــة و 2 آخرون معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

فارس من خيال · 14-08-2018, 08:32 PM

ماشاء الله ياعلي بصراحة التقرير تحفه

الصور ماشاء الله قمة الجمال وكامك وتصويرك رائع جدا
كل شي في كندا يجذب مدنها جميلة وطبيعتها اجمل

الحقيقة كل جزء في التقرير احلى من اللي قبله ويعتبر اول تقرير ع البوابة الكندية كامل اصلا مافي تقارير لاعضاء كلها منقوله

التقرير يستاهل التثبيت والخمس نجوم

تسلم اياديك علاوي ماشاء الله محترف بالتصوير

يعطيك العافية

توبليرون, مقدام, آخـــرفـــرصـــة و 2 آخرون معجبون بهذا.

توبليرون · 14-08-2018, 11:41 PM

يعطيك العافيه يا علي
وايد عجبتني مدن كندا اللي زرتوها وكل مدينه احلى من الثانيه والحركة ماشاءالله
اما الباث وايد عجييب بس لو مصور لنا شي منه والا هذه صور السوق اهي اللي تحت ؟
ابدعت بالتصوير وحديقة المجسمات روعه ماشاءالله
سلامتها المدام وماتشوف شر
زين انك استخدمت التأمين
بانتظار عجائب كندا معاك
واضم صوتي لفارس بن خيال ان التقرير عطانا فكرة عن كندا ويستاهل النجوم والتثبيت برافوو

فارس من خيال, مقدام, آخـــرفـــرصـــة و 2 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معلومات عن مدينة تورونتو بقلم omarmukhta	فريق التطوير	بوابة كندا	19	28-06-2021 12:22 PM
^^^ موسوعة فانكوفر ^^^ بقلم samer1	فريق التطوير	بوابة كندا	5	09-03-2016 02:01 PM