2018 فانكوفر تورونتو أوتاوا كويبيك مونتريال - الصفحة 8

آخـــرفـــرصـــة · 15-08-2018, 09:15 AM

مبدع يا علي

تذكرني كندا بسويسرا
كل منطقة لها لغة و طابع مختلف عن الاخرى

عندهم اهتمام رائع بالحدائق
ومعاك ان سلسلة الفيرمونت دايم فنادقها متميزة

اعجبني تصرف شركة التأمين
وهذي الشركة لا تغيرها أبداً و يا ليت تذكر اسمها

ali pontiac, توبليرون و قطرية كول معجبون بهذا.

ali pontiac · 17-08-2018, 08:52 PM

اقتباس : المشاركة الأصلية كتبت بواسطة فارس من خيال

ماشاء الله ياعلي بصراحة التقرير تحفه

الصور ماشاء الله قمة الجمال وكامك وتصويرك رائع جدا
كل شي في كندا يجذب مدنها جميلة وطبيعتها اجمل

الحقيقة كل جزء في التقرير احلى من اللي قبله ويعتبر اول تقرير ع البوابة الكندية كامل اصلا مافي تقارير لاعضاء كلها منقوله

التقرير يستاهل التثبيت والخمس نجوم

تسلم اياديك علاوي ماشاء الله محترف بالتصوير

يعطيك العافية

من ذوقك عزيز بو راكان

اتمنى يكون التقرير مرجع مفيد حق الي حابين يزورون كندا

فارس من خيال, توبليرون و آخـــرفـــرصـــة معجبون بهذا.

ali pontiac · 17-08-2018, 08:56 PM

اقتباس : المشاركة الأصلية كتبت بواسطة توبليرون

يعطيك العافيه يا علي
وايد عجبتني مدن كندا اللي زرتوها وكل مدينه احلى من الثانيه والحركة ماشاءالله
اما الباث وايد عجييب بس لو مصور لنا شي منه والا هذه صور السوق اهي اللي تحت ؟
ابدعت بالتصوير وحديقة المجسمات روعه ماشاءالله
سلامتها المدام وماتشوف شر
زين انك استخدمت التأمين
بانتظار عجائب كندا معاك
واضم صوتي لفارس بن خيال ان التقرير عطانا فكرة عن كندا ويستاهل النجوم والتثبيت برافوو

الله يعافيج اختي

اي صور السوق اهي صور الباث

مشكووره

فارس من خيال, آخـــرفـــرصـــة و توبليرون معجبون بهذا.

ali pontiac · 17-08-2018, 09:02 PM

اقتباس : المشاركة الأصلية كتبت بواسطة آخـــرفـــرصـــة

مبدع يا علي

تذكرني كندا بسويسرا
كل منطقة لها لغة و طابع مختلف عن الاخرى

عندهم اهتمام رائع بالحدائق
ومعاك ان سلسلة الفيرمونت دايم فنادقها متميزة

اعجبني تصرف شركة التأمين
وهذي الشركة لا تغيرها أبداً و يا ليت تذكر اسمها

هلا بيك بو غسان

اسم شركة التأمين Solidarity

فارس من خيال و توبليرون معجبون بهذا.

ali pontiac · 17-08-2018, 10:19 PM

مونتريال
اليوم الثالث

للأسف اليوم الثالث ماخذت صور وايد
تمشينا في شارع Saint-Catherine St الشارع طويل و مسافته 11.5 كيلومتر

حفل Jazz

وصلنا هذي الجزء من الشارع، هالجزء كله محلات حلوه ومطاعم وكافيهات لكن للأسف اسمه Gay village

شرينه آيسكريم 6.5 دولار وجلسنا، كنت ابي اشوف معارض سيارات كلاسك ادور في قوقل وحصلت John Scotti Classic Cars ، اتصلت فيهم اسأل اذا كانو فاتحين ، وقالو نعم فاتحين، شوي كان بعيد وخذينه Uber

وصلنا منطقة كلها وكالات سيارات وطلع الأخ John scotti وكيل لعدة شركات سيارات مثل السبارو و الفولفو، وشركات وايد وايد، و معرض خاص حق شركة لامبورغيني لكنه بعيد عن المدينه وشفته في الدرب واحنا كنا رايحين مونتريال

المهم دخلت المعرض وانا ماشوف سيارات كلاسك وكانو اكثر شي سيارات سوبارو و ميتسوبيشي، سألت الموظفة وين صالة السيارات الكلاسك، قالت انتقلو لمكان ثاني في الخلف مسافة مشي 5 دقايق، طلعنا تمشيته و وماشفت اي معرض! ورجعت ونلف ونلف في المنطقة! اخر شي شفت مبنى شكله ابد مايوحي انه معرض سيارات، ومسكرين ستاير الدرايش/النوافذ، وانه امشي يم المبنى، لمحت جزء من سيارة كورفت يبين من الدريشة، وطلع اهوه المبنى رحنا للباب ومسكر!! اتصلت عليهم وردة علي نفس الموظفة قلت لها ان المعرض مسكر، تقول مايصير، بخليه يفتح لكم،،،،، بس المكان كان مسكر مسكر بالكامل مو بس الباب الرئيسي،، انتظرت شوي و فقدت الأمل ورجعت بخيبة امل

توصيلة Uber سعر 31.33 دولار
سعر توصيلة العودة 26.29 دولار

لاحظت انه Uber يختلف من منطقة لثانية، في شيكاغو كان في Uber pool ارخص شوي ويكون معاك في المشوار راكب ثاني يوصله السائق قبلك، او تكون انت الراكب الأول وياخذ راكب ثاني، في مونتريال ماكان في هذي الأختيار

رجعنا للفندق ارتاحينه، الفتره المسائية نزلنا شارع سينت كاثرين مشينه عكس الجهة الي مشيناها الصبح، وتعشينا في مطعم صيني كان جدا لذيذ

نهاية اليوم الثالث

يتبع....

فارس من خيال, توبليرون, q8ya metnaqla و 3 آخرون معجبون بهذا.

توبليرون · 18-08-2018, 01:54 AM

استغفر الله هالجماعه تبع قوم لوط وايد انتشروا بالعالم ولا لهم من يشجعهم للاسف وهذا علمهم موجود بالشارع اللي مريت فيه

الله يقطعهم

اما الذهاب للمعرض حسافه روحتكم ما شفتوهم
ان شاءالله شفتوهم بالايام الباقيه

متابعين الابداع

آخـــرفـــرصـــة و قطرية كول معجبون بهذا.

ali pontiac · 18-08-2018, 02:53 PM

اقتباس : المشاركة الأصلية كتبت بواسطة توبليرون

استغفر الله هالجماعه تبع قوم لوط وايد انتشروا بالعالم ولا لهم من يشجعهم للاسف وهذا علمهم موجود بالشارع اللي مريت فيه

الله يقطعهم

اما الذهاب للمعرض حسافه روحتكم ما شفتوهم
ان شاءالله شفتوهم بالايام الباقيه

متابعين الابداع

مشكلة منتشرين في كندا بكل مكان وعلمهم في كل مكان في كندا لو بتلاحظين في صور التقرير

لا والله مارحت المعرض مره ثانيه

شاكر لج مرورج

توبليرون و آخـــرفـــرصـــة معجبون بهذا.

توبليرون · 19-08-2018, 01:05 AM

بانتظار الجزء الجديد

ali pontiac و آخـــرفـــرصـــة معجبون بهذا.

q8ya metnaqla · 21-08-2018, 06:35 PM

حسافه ضاع مشوار المعروض

اما هذول عسى الله ياخذهم كله يختارون أحسن الأماكن

ومتابعين معاك مونتريال

ali pontiac, آخـــرفـــرصـــة و توبليرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ali pontiac · 24-08-2018, 08:18 AM

مونتريال
اليوم الرابع

اليوم الرابع نزلنا الصبح ورحنا محطة مترو قريبه من الفندق اسمها Station Place-des-Arts واخذنا تذكرتين حق ثلاثة ايام بسعر 36 دولار و التذاكر للباصات و المترو

ورحنا مطعم La Banquise معروف بالبوتين ويسويه على خلطات مختلفة، انه خذت بوتين وبرجر، صحن البوتين الصغير يشبع شخصين ! وشفت آسيويين طالبين كل واحد الحجم الكبير و تفاجئو بالمنظر يوم وصل طلبهم

و هذي البوتين الي طلبته ، سعر فطورنا كامل 40 دولار

رحنا بالباص Mount Royal park

مشينا مسافه و صلنا فوق جبل Mount royal لمكان الإطلاله على المدينه وشفنا محطة باص موجوده، الباص الي ركبناه نفسه يوصل لفوق الجبل واحنا مشينه المسافة من تحت الحديقة

Montreal Olympic park تأسس سنة 1976 للألعاب الأولومبية الصيفية

مشينا مسافة بسيطة لأرفع نقطة وفيها صليب Mount royal cross الي موجود من سنة 1924، مب متأكد من المعلومة بس قريت انه ممنوع اي برج او مبنى في مونتريال يكون ارفع من النقطة الي موجود فيها الصليب

رجعنا الفندق للراحة، من غرفة الفندق يبين الصليب

كنا هناك

بعد الراحة نزلنا كالعادة رايحين شارعنه saint catherine st، بس هالمره عن طريق شارع Rue cresent

هذي الشارع و فيه بعض المحلات

هذي رسمة للمغني الكندي Leonard Cohen رسمها الفنان Kevin Ledo بالقرب من بيت المغني للذكرى بعد وفاته في سنة 2016

امطرت واحنا في شارع saint catherine st

نهاية اليوم الرابع

يتبع،،،

آخـــرفـــرصـــة, توبليرون و AL Tunaiji معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معلومات عن مدينة تورونتو بقلم omarmukhta	فريق التطوير	بوابة كندا	19	28-06-2021 12:22 PM
^^^ موسوعة فانكوفر ^^^ بقلم samer1	فريق التطوير	بوابة كندا	5	09-03-2016 02:01 PM