2018 فانكوفر تورونتو أوتاوا كويبيك مونتريال

ali pontiac · 12-07-2018, 01:05 AM

السلام عليكم و رحمة الله

تكتمل رحلتي من بعد شيكاغو الى كندا، الي حاب يقرأ من بداية الرحلة في شيكاغو هذي الرابط
V
V
V
https://www.arabtrvl.com/vb/t35763.html

التخطيط لكندا ماكان على بالي، الخطة انه تكون جولة امريكية ثانية للمدن الي ماشفتها مثل سياتل و سان دييغو و غيرهم، الي خلاني افكر في كندا زميل الدراسة معاي كان دائما يحدثني عن مونتريال الي درس فيها فترة الباكلريوس، وشوي شوي صرت اقرأ عن كندا واشوف اهم المدن والأماكن السياحية، وحسبت الموضوع مره ومرتين وثلاث ومشاورات مع مع المدام الى ان توكلنا على الله و اتفقنا على كندا

في البحرين عندنا قنصلية كندية ولكن ماعندنا سفارة، اتصلت فيهم وسألتهم عن الفيزا، وعطوني الموقع اونلاين للفيزا، التقديم سهل، انشاء حساب في الموقع وتلبية الطلبات ورفع المستندات مثل شهادة راتب و عقد زواج و نسخ من الجواز الخ الخ، عند اكتمال رفع كل المستندات المطلوبة تدفع مبلغ 50 دولار كندي للشخص، وبعدها بفتره جاتني رسالة اني ارسل الجوازات الى السفارة الكندية في ابوظبي، رحت حق ارامكس وشحنت الجوازات وخلال 5 ايام فقط اتصلو فيني ارامكس وقالو لي تعال استلم الجواز، وحصلت الفيزا صالحة لغاية انتهاء تاريخ الجواز !
بخصوص موقع الفيزا مالهم فيه خلل فني كل ماتدخل كلمة السر والبريد الألكتروني يرجعك الموقع للصفحة الرئيسية لازم تحاول اكثر من مره لي ماتطفش تالي يدخل !!

في تاريخ 12 يونيو سوينه الـ Check out من الفندق في شيكاغو و توجهنا للمطار وكانت رحلتنا الى فانكوفر على طيران AIR CANADA وصلنا المطار وزحمة على الكاونتر مال الكندية وفقط موظفين الي يشتغلون تقريبا وقفنا 45 دقيقه لي ماوصلنا للكاونتر، الطياره كانت من نوع Bombardier crj 900

الغريب في الطيران الكندي ياخذون على الشنطة 25 دولار ! المرطبات والمشوربات مجانية بس الوجبات غير مجانية، مع ذلك سعر التذكره اذكر كان ارخص او مقارب لأمريكان ايرلاين، لكن وقت الرحلة كان انسب على الكندية

مدة الرحلة تقريبا 5 ساعات اذا ماخانتني الذاكرة

السكن في فانكوفر

في هالرحلة اسعار الفنادق كانت مرتفعة خصوصا فانكوفر وشيكاغو، وشفت بديل آخر واهوه AIRBNB وماحجزت منه من قبل وكنت شوي متخوف ومتردد، بحثت فيه شفت خيارات حلوه و متنوعة واسعار معقولة

وحصلت شقة على شكل Loft وشكلها حلو وتقييمها ممتاز و الكل مادح الموقع مالها، راسلت صاحب الشقة اتأكد اذا متوفرة في التواريخ الي بنزور فيها المدينة وقالي متوفرة وحجزتها، بسعر 844.10 دولا امريكي واتفق معاي انه يلاقيني يوم الوصول عند الشقة

وهذي اهيه الشقة
V
V
V
https://www.airbnb.com/rooms/22672328

اليوم الي قبل الأخير في شيكاغو راسلته من تطبيق AIRBNB وقلت له اني بوصل تقريبا على الساعة 12 الظهر و اذا ماتمانع ابقي بس ادخل الشنط، وقال ماعنده مشكله ( مع العلم انه ذاكر هالشي في الموقع انه يسمح للضيوف الي يوصلون قبل وقت الـ check in يخليهم ينزلون شنطهم او الي رحلتهم وقتها متأخر بأمكانهم يخلون شنطهم ويسوون Check out)

وصلنا مطار فانكوفر و ماشاءالله المطار كله آسيويين من الصين وكوريا و هونج كونغ وسوينا اجراءات الوصول على جهاز الـ Kiosk استلمت شنطتي و لكن مافي اثر حق شنطة زوجتي، تأخرت الشنطة وانتظرنا وقت وايد، رحنه لمكتب الكندية وقالو لنه الشنطة في شيكاغو تأخرت و بتوصل على اقرب رحلة، تعكر مزاجها مسكينة، ملينه استمارة حق توصيل الشنطة، انهينا كل اجراءات المطار واخذنا تاكسي، سعر التوصيلة 35 دولار كندي

فانكوفر
اليوم الأول

وصلنا عند الشقة تقريبا الساعة 12:15 الظهر (وقت الجيك ان 3 العصر) وراسلت صاحبها Bob كتبت له اني وصلت، قالي انه داخل الشقة, طرقت الباب، وفتح الباب ورحب فينه، شكله كان مستعجل احسه كان ينظف الشقة وخلاني ادخل الشنط وسألته اذا الساعة 3 بتكون الشقة جاهزه؟ قالي عقب ساعه حياكم.

هذي صورة حق فانكوفر من قوقل ماب، دائما قبل السفر اجلس واشوف المدن والأماكن وشكل الشارع والمحلات القريبة

الدائرة الحمرة الصغيره مكان الشقة صايرة على شارع Seymour street
المنطقة المحددة بالأسود Yale town خطوات من السكن منطقه راقية فيها و مقاهي و مطاعم
الخط الأزرق Granville road اهم شوارع فانكوفر
الخط البرتقالي الفاصل بين الداون تاون و الويست اند
الخط البنفسجي Robson street من بدايته الى نهايته مطاعم
المنطقة المحددة بالأخضر Gastown منطقة قديمة حلوه وتصير جنبها Chinatown
السهم بالأسود يشير الى جزيرة Granville الي فيها السوق المحلي

مكان الشقة جدا ممتاز،صاحبنا بوب ما اخطأ يوم كان كاتب Steps from everything

اخليكم مع الصور والتمشي في المدينة

هذي الشارع الي قدام الشقة، مدخل الشقة دايركت على الشارع براويكم صورها في اليوم الثاني

كندا تشتهر بشي اسمه Poutine عباره بطاطس وجبن والمكونات الباقية كل محل ويتفنن فيها واصل هذي الوجبة من منطقة كويبيك، بس اكثرها يكون فيها زيت الخنزير اكرمكم الله، لازم الواحد يتأكد منهم

صورة من قوقل

و شفت محل يبيعه و اخذت لي تصبيره بس ماصورته السعر 7.24 دولار كندي

تمشينه شوي في شارع Robson ودخلنا مطعم هندي، اسمه India gate اكله كان ممتاز بس مب حار ! السعر 27.25 دولار كندي

شارع Granville

Robson Sqaure

Canada Place هذي المبنى على شكل سفينة تم افتتاحه في سنة 1986 حق الـ Expo الي صار عندهم، والمبنى اهوه ارض مؤتمرات وفندق ومركز فانوفكر العالمي للتجارة، (الملعومات من ويكيبيديا)

رحلات جوية بالطيارة البحرية

تمشينة الى ان وصلنا Gastwon المنطقة وايد وايد حلوه

هذي الساعة البخارية كل ربع ساعة تطلع نغمة من البخار المضغوط داخلها، واكثر شي يصورونه السياح في gastown

هذي تمثال John Deighton او الملقب Gassy Jack، المنطقة هذي قاز تاون على اسمه، الصينيين انسى يعطونك فرصة حق تصور

نهاية اليوم الأول

يتبع.....

فارس من خيال, الايمان, q8ya metnaqla و 6 آخرون معجبون بهذا.

فارس من خيال · 12-07-2018, 02:00 AM

الحمد لله على السلامة ياعلي

بداية جميلة للتقرير ومعلومات رائعه عن فانكوفر والصور ماشاء الله تحفه

كندا الحلم هههههههههه ان شاء الله يكتب لنا زياره لها

كنت اتابعك واشوف الصور ع الانستا مبدع دائما بس ابي اسألك دائم اشوف عندك هوس لتصوير السيارات ليش ههههههههه

مبروك التخرج وعقبال الدراسات العليا ان شاء الله

متشوق لمشاهدة كندا من عدستك المميزه .... متابع للاخر

ali pontiac, الايمان, آخـــرفـــرصـــة و 1 آخرون معجبون بهذا.

ali pontiac · 12-07-2018, 05:55 AM

اقتباس : المشاركة الأصلية كتبت بواسطة فارس من خيال

الحمد لله على السلامة ياعلي

بداية جميلة للتقرير ومعلومات رائعه عن فانكوفر والصور ماشاء الله تحفه

كندا الحلم هههههههههه ان شاء الله يكتب لنا زياره لها

كنت اتابعك واشوف الصور ع الانستا مبدع دائما بس ابي اسألك دائم اشوف عندك هوس لتصوير السيارات ليش ههههههههه

مبروك التخرج وعقبال الدراسات العليا ان شاء الله

متشوق لمشاهدة كندا من عدستك المميزه .... متابع للاخر

هلا بيك عزيزي بوراكان

ان شاءالله ربي يكتب لك زيارتها و زيارة الي احلى منها

السيارات و السباقات غرامي و عشقي و هوايتي، اي شي يتعلق بالسيارات احبه، الشي الوحيد الي يلهيني عن التفكير في السيارات السفر و التخطيط له

تشرفني متابعتك لي عزيزي

الايمان, آخـــرفـــرصـــة و توبليرون معجبون بهذا.

ali pontiac · 12-07-2018, 08:18 AM

فانكوفر
اليوم الثاني

اليوم الثاني صحينه الصبح وصلينه و تجهزنا، خذيت طله من النافذه شفت الجو ممطر، جهزنا المظلة كانت موجوده في الشقه بحثنا عن شي حلو و قريب، من عدة خيارات في قوقل ماب اخترنه محل اسمه Breka وتمشينه تحت المطر

المكان كان شوي مزدحم من داخل ويبين عليه مفضل من اهل المنطقة

طلبت تيراميسو السويت المفضل عندي، دونت و كوفي موكا، و زوجتي شاي اخضر وتوست الجبن، 4.53 دولار كندي

طلعنا واشتد المطر كانت الخطة نروح Granville island بس شفنه الوضع مايشجع مع المطر

شارع Granville

الحل الوحيد ندخل مجمع و عجبوني الأكياس عند مدخل المجمع حق المظلات الرطبة

محل ديزني

مدخل فندق Four season على المجمع من داخل

خذينا جولة في المجمع

انتظرنا المطر شوي يتوقف

شفتهم يبيعون سندويتش ام الربيان

19 دولار

كانت جولة صباحية خفيفه و شفنا المطر رجع نزل رجعنه للشقة

الحين اراويكم صور الستوديو/شقة....(اسهل لي اكتب شقة) يوم كنت اصور الشقة تذكرت اني نسيت اخذ صور لغرفة فندق شيكاغو، هذي السفره وايد اشيه مرت علي وما صورتها

تجربة AIRBNB عجبتني وايد، في مدينة تورونتو ايضا السكن حجزته من AIRBNB لكن فرق الشقة هذي غير تحس نفسك من اهل الديره

عزكم الله الحمام الي تحت

و عزكم الله الحمام الي فوق وفيه الشاور

اكثر سرير راحة في الرحلة

طبعا من الصبح واحنا نتمشى كنى مع اتصال بالمطار ونشوف الشنطة وين وصلت، ومتى بيوصلونها

اتصالات كثيره وكل مره كلام، قلت لهم طيب انه بستلمها من المطار، قالو الموضوع عند السايق الي بوصل لكم الشنطة... قصة طويلة وعريضة المهم انهم وصلوها لكن ضاع ربع اليوم واحنا ننتظر، اشوه انه عندهم النهار طويل واليوم مايخلص

من الأشياء الي حصلتها في قوقل ماب واحنه في البحرين محل آيسكريم، يصير في Yaletown اسم المحل Mister artisan ice cream شفت حسابهم في انستقرام، شكل الآيسكريم عجيب وقلت لازم اجربه

7.35 دولار كندي

توقف المطر و طلعت الشمس

ورجعنا للشقه ناخذ قسط من الراحة

بعد الصلاة و الراحه طلعنا حق نروح جزيرة قرانفيل

طريقة الوصول للجزيرة من الداون تاون عن طريق الرصيف البحري وكل 10 دقايق في قارب/عبارة صغيره Aquabus تمر بالداون تاون للتوصيل، سعر التذكرة 12 دولار

في انتظار العباره ...

جسر Burrad

وصلنا Granville island فيها السوق و مطاعم و محلات تحف

انواع الشاي

مصنع اسمنت قديم الرسومات الي عليه جذبت عدد وايد من السياح

يوم كنت ادرس الرحلة عن كندا كنت اشوف فيديو عن فانكوفر على اليوتيوب، وفي الفيديو جربو برجر السالمون طبعا لازم انه بعد اجربه، 19.90 دولار هذي اول محل في كندا صادفني يقبل كاش فقط

و زوجتي طلبت بوريتو مكسيكي، بس الصورة زعلانه وماتنرفع !!، سعر البوريتو 6.89 دولار

تحذيرات في الجزيره عدم اطعامهم

لأنهم متوحشين، اول مره اشوف نورس ياكل حمامة

رحنه للرصيف حق نرجع، في اكثر من رصيف للذهاب و العودة وتختلف الأسعار حسب المسافة، و سألنا عن اقرب رصيف يكون من Yaletown

مباني فانكوفر خصوصا Yaletown كلها زجاجية

نزلنا عند رصيف David Lam

Yaletown

نهاية اليوم الثاني

يتبع..

الايمان, q8ya metnaqla, فارس من خيال و 6 آخرون معجبون بهذا.

الايمان · 12-07-2018, 01:12 PM

أخيرا راح نتابع تقرير جديد ودسم عن كندا
ماشاءالله الشقة وايد حلوه وموقعها ممتاز
الحمدلله ان الجنطه وصلت وماضاعت
الايس كريم باي نكهه شكله غريب
بورغر بالسلمون اول مرة اسمع عنها اتوقع الطعم لذيذ لاني من محبي السلمون

ali pontiac, فارس من خيال, آخـــرفـــرصـــة و 2 آخرون معجبون بهذا.

q8ya metnaqla · 12-07-2018, 03:54 PM

الله شنو هالجمال يا كندا الشوارع والجو يقولك امش لا تقعد
الحمدلله وصلت الجنطة ..
الايس كريم اعتقد ماتشا ؟؟
حلووه رسومات مصنع الاسمنت
سؤال ما يستعملون كاش بالدفع يعني لازم بالكرت ؟؟
واو قرانفيل شكلها عجيب من السوق
هذول بالكاياك شكلهم يتدربون حق الاولمبياد 2020 في اليابان

ali pontiac, فارس من خيال, الايمان و 3 آخرون معجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ali pontiac · 13-07-2018, 07:11 AM

اقتباس : المشاركة الأصلية كتبت بواسطة q8ya metnaqla

الله شنو هالجمال يا كندا الشوارع والجو يقولك امش لا تقعد
الحمدلله وصلت الجنطة ..
الايس كريم اعتقد ماتشا ؟؟
حلووه رسومات مصنع الاسمنت
سؤال ما يستعملون كاش بالدفع يعني لازم بالكرت ؟؟
واو قرانفيل شكلها عجيب من السوق
هذول بالكاياك شكلهم يتدربون حق الاولمبياد 2020 في اليابان

عليج نور الأيسكريم عليه طبقة ماتشا والأطراف creme brulee

يستخدمون كاش و كرت، بس انه دائما كنت استخدم الكرت، وهذي اول مره استخدم الكاش في الرحلة، الأماكن الي تقبل بس كاش جدا جدا قليلة

فارس من خيال, آخـــرفـــرصـــة و توبليرون معجبون بهذا.

فارس من خيال · 13-07-2018, 05:32 PM

الشقة ماشاء الله رائعه وموقعها كذلك

الصور جميلة جدا وشوارع فانكوفر تفتح النفس

برايك ياعلي كم تستحق يوم زيارة فانكوفر

متابعين

ali pontiac, آخـــرفـــرصـــة و توبليرون معجبون بهذا.

مقدام · 13-07-2018, 10:42 PM

جميلة فانكوفر بس الامطار تخرب االجدول بعض الأحيان

اغلب الطيران الأمريكي الداخلي ياخذون 25 دولار على الشنطة واعتقد 35 دولار للشنطة
الثانية .. وبالعادة اذا تأخرت شنطتكم يدفعون لكم عشان تشتري ملابس واحتياجاتك لليوم الأول

موقع Airbnb ممتاز ودائما الأفضل تختارون سكن تقييمه عالي .. وزين سويتوا يوم راسلتوا صاحب الشقة قبل الحجز لان بعض الأحيان تجد في الموقع انه يوجد حجز بالشقة ولكن لما تحجز وبعد ما تجفع يردون عليك برساله انه لايوجد حجز في التواريخ اللي حجزتوها ويرجعون المبلغ بعد كم يوم

موقع الشقه حلو

عجبتني الخريطة اللي سويتها لفانكوفر .. والخرائط دايما تكون مفيدة للسائح

يعطيك العافيه على المعلومات والصور الجميلة

ومتابعين معاك

ali pontiac, الايمان, آخـــرفـــرصـــة و 3 آخرون معجبون بهذا.

آخر مواضيع مقدام

- الشمال الايطالي ثم الى بورتفينو وجنوه 2019
- رحلة شتوية الى جورجيا (تبليسي وثلوج غودوري)
- رحلتي العائلية الى الأراضي النرويجية
- كرواتيا ... زغرب وروعة بحيرات وشلالات بلتيفيتش
- جولة في ارض الطبيعه (البوسنة) .. مايو .. 2018

توقيع : مقدام

(كن _سفيرا_ لدينك_ ووطنك )
احداثيات وخرائط للاماكن سياحية شمال ايطاليا
موسوعة مقدام الامريكية ..اماكن سياحية.احداثيات.خرائط
احداثيات ومواقع الاماكن السياحية في سويسرا وما حولها
جنيف اين تذهب فيها واين تذهب منها ..
خريطة سويسرا السياحية

ali pontiac · 15-07-2018, 04:14 PM

اقتباس : المشاركة الأصلية كتبت بواسطة فارس من خيال

الشقة ماشاء الله رائعه وموقعها كذلك

الصور جميلة جدا وشوارع فانكوفر تفتح النفس

برايك ياعلي كم تستحق يوم زيارة فانكوفر

متابعين

بصراحة في رايي اهم شي مده لا تقل عن 3 ليالي وعلى حسب البرنامج و مخطط الرحلة

آخـــرفـــرصـــة و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
معلومات عن مدينة تورونتو بقلم omarmukhta	فريق التطوير	بوابة كندا	19	28-06-2021 12:22 PM
^^^ موسوعة فانكوفر ^^^ بقلم samer1	فريق التطوير	بوابة كندا	5	09-03-2016 02:01 PM