السلام عليكم ورحمه الله وبركاته

اخواني اعضاء منتدى المسافرون العرب

اطرح لكم تجربتي في استخراج فيزا بريطانيا

قبل ان ابدأ في سرد خطوات الاستخراج ..... احب اشكر اخوي ( اخر فرصه ) على سعه صدره ورحابته واجابته لجميع الاسئلة سواء اسئلتي او اسئله الاخوه والاخوات الاعضاء


بسم الله نبدأ


اتبعت خطوات اخوي اخر فرصه وحجزت من خلال الرابط واخذت موعد في 27.06.2018 في الخبر

حضرت في الموعد ومعي كل المستندات المطلوبه ... اكثر شي طلبوه هو الأبليكيشن
مع اني جبت معي التأمين الطبي والبنكي وصور ولكن لم يسألو عنها ابدا


تم جمع المعلومات كامله ... طلبت مني مبلغ 10 ريال عن كل رساله اذا حبيت اعرف اذا الفيزا خلصت او لا


بعد كذا تم التصوير والتبصيم

بالاخير اعطوني اوراق ومستندات وطلبو انها تكون معي لحظه استلامي للجواز


في تاريخ 09.07.2018 تم ارسال رساله ان الجواز جاهز للاستلام ( 12 ) يوم مابين الموعد والاستلام


في لحظه الاستلام طلبو مني بطاقه احوالي والاوراق اللي سلموها لي ورساله الجوال


لاحظت انهم متشددين في عمليه تسليم الجواز اذا كان الشخص المستلم ليس من المسافرين وايضا اذا كان اهلك مو معك خصوصا الكبار يطلبون منك صوره من بطاقه احوالهم مع توقيعهم بعدم الممانعه في استلام جوازاتهم


ايضا سألتهم عن اقصى مده ممكن يبقى عندهم الجواز .... قال لي الموظف اسبوعين عمل ثم بعدها يرسل الجواز في حاله عدم استلامه الى السفاره اللي طلعت منها الفيزا




ارجو اني اكون افدتكم بتجربتي في استخراج الفيزا

واي شخص حاب يستفسر حياه الله


اخوكم سلطان