في برامج المترو للجالكسي والآي فون مثل Paris metro مفيد ويفيدك في التنقل
ديزني تجنبيها الويك اند وحتى الجمعة اذا أمكن لانه الزحمه ممله واهم شي الطقس لانه الجو بعده متقلب وممطر وهذا الشي مزعج طبعا مع الألعاب

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

السلام عليكم حبي ت اشكركم على كل النصائح الي قدمتوها وساعدتني في ترتيب الرحله
يارب تكون سفره ممتعه وحلوه
طبعا حملت برنامج في الجلكسي visit paris by metro البرنامج سهل ومريح يبين لك اسعار التذاكر الانواع وكل التفاصيل ويبين ل اسماء المحطات يعني تحط محطة الانطلاق ومحطة الوصول ووبين لك المسار كامل وانواع القطارات والوانها كل التفاصيل وتكلفه الرحله والخيارات المتاحة باص مترو ... الي يناسبك والوقت لكل مشوار
الحمدلله كملت جدول الرحله وياليت اذا في ه اماكن ما اضفتها تفيدوني وكمان ابي اعرف طريقه استعادة مبالغ التاكس
حجزت فندق روتشستر شانزليزيه 5 دقايق عن الشانز

اول يوم باذن الله بنوصل المطار الساعه 2 وتقريبا نخلص الاجرات وعلى الفندق الفند ق تقريبا الساعه 4 يوم الاربعا 8 ابريل من الفندق محطة Saint-Philippe-du-Roule الى محطة Chaussée d'Antin - La Fayette مجمع لافيت ومتحف الشمع Musée Grévin ومتحف العطور وساحة الاوبرا بعدها العشاء في اي مطعم والعودة للفندق
اليوم الثاني الخميس 9 ابريل
بيكون الخميس من الصباح الساعه 8 من محطة Saint-Philippe-du-Roule الى محطة havre-caumartin المترو الاصفر رقم 9 بعدها الى محطة auber الرير الاحمر a الى محطة Val d'Europe الاوت لت بعدها من نفس محطة الرير الاحمر الى محطة ذزني لاند Val d'Europe طبعا خليت دزني يوم الخميس لان الجو باذن الله بيكون كويس (شيكت على برامج الطقس ) وكمان ما يكون زحمه ( شايله هم مايكون في عروض واحتفالات )
اليوم الثالث الجمعه 10 ابريل
برج ايفل وقصر فرساي من الصباح الى تقريبا الساعه 9 او 10 برج ايفل وبعدها برج ايفل من محطة Saint-Philippe الى محطة Trocadéro بالمترو الاصفر رقم 9 بعدها من Trocadéro الى محطة bir-hakeim بالمترو الاخضر رقم 6 طبعا اذا البرج قريب من محطة Trocadéro مايحتاج مترو طقيناها رجليه بعدها من محطة champ de mars tour Eiffel بالرير الاصفر c الى محطة قصر فرساي Versailles – Château
ليوم الرابع 11 ابريل
متحف اللوفر من الصباح من محطة سانت الى محطة franklin d.roosevelt بالمترو الزيتي رقم 9 وبعدها نبدل الى المترو الاصفر رقم 1 الى محطة اللوفر
Louvre - Rivoli او Palais Royal
وبعدها جسر العشاق والحي الاتيني وحديقة لوكمبورغ مشي
جسر العشاق جنب متحف اللوفر ناحيه النهر والحي الاتيني من محطة اللوفر الى محطة les halls -chatelet
اليوم الخامس 12 ابريل
من الصباح الى العصر التسوق في الاوت لت الي جنب دزني وبعدها نرجع الفندق ونحط الاغراض ونروح لسوق اليهود Abukir من محطة الفندق سانت بالمترو الزيتي فاتح رقم 9 الى محطة saint augustin بعدها من محطة saint lazare الخط الزيتي رقم 3 الى محطة sentier
وبالمغرب الشانزليزيه و ساحه الكونكورد وساحه فاندوم Concorde


ياليت تعطوني ارائكم

وعليكم السلام

بخصوص اليوم الاول راح يكون متعب و ما اظن راح يمديكم الوقت تاكدي من وقت الاغلاق للاماكن الي بتزورينها لافاييت مثلا يقفل عالثمان واذا ناوين تسوق منه يبيلكم وقت لانه كبير واقسامه عديده

اليوم الثاني والخامس فيهم زيارة الاوت لت ماله داعي اذا انتوا راعين تسوق وراح تدخلون كل محل الافضل ما تخلونه مع ديزني في يوم عشان تستمتعون فيها عدل

تروكاديرو توصلكم للبرج مشي وحتى شامب دي مارس اذا الجو حلو ما راح تحسون مناظر حلوه دار ماداركم

سوق اليهود ما عندي فكره عنه ، ملاحظه ان كثر اهتمامكم عالتسوق ... ممكن تزورون منطقة شاتليه كلها محلات وباسعار معقوله


بخصوص التاكس فري بعد ما تتسوقين من المحل وتدفعين قول ليهم بغيت تاكس فري وهم بدلونج عالمكان الي تروحينه لازم يكون عندج نسخه من جواز السفر حتى لو صوره في التلفون راح يعطونك فورمه توقعين عليها وتحتفضين بيها لردتكم المطار تروحين منطة استرجاع الضرايب وحطو في بالكم اذا تحتاجون ساعتين قبل الرحله تكونون في المطار فحطو ساعه ثالثه زياده عشان التاكس فري لانه زحمة الاسيويين مو طبيعيه !!!

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

سوق اليهود زارته اختي ولا تمدحه والناس أذواق